ការសិក្សាថ្មីមួយបានបង្ហាញឲ្យដឹងថា ឪពុកម្តាយអាចបង្កើនឱកាសជោគជ័យរបស់កូននៅថ្ងៃមុខបានដោយគ្រាន់តែបង្រៀនឲ្យកូនៗនិយាយប្រយោគខ្លីមួយជារៀងរាល់ថ្ងៃ នោះគឺ “ខ្ញុំនឹងខិតខំឲ្យអស់ពីសមត្ថភាព។” ការសិក្សានេះត្រូវបានធ្វើឡើងដោយ Society for Research ទៅលើក្មេងដែលកំពុងរៀនកម្រិតបឋមសិក្សាចំនួន ២១២នាក់ក្នុងប្រទេសហូឡង់។…
ការសិក្សាថ្មីមួយបានបង្ហាញឲ្យដឹងថា ឪពុកម្តាយអាចបង្កើនឱកាសជោគជ័យរបស់កូននៅថ្ងៃមុខបានដោយគ្រាន់តែបង្រៀនឲ្យកូនៗនិយាយប្រយោគខ្លីមួយជារៀងរាល់ថ្ងៃ នោះគឺ “ខ្ញុំនឹងខិតខំឲ្យអស់ពីសមត្ថភាព។”
ការសិក្សានេះត្រូវបានធ្វើឡើងដោយ Society for Research ទៅលើក្មេងដែលកំពុងរៀនកម្រិតបឋមសិក្សាចំនួន ២១២នាក់ក្នុងប្រទេសហូឡង់។ អ្នកស្រាវជ្រាវបានបំបែកក្មេងៗទៅបីក្រុមផ្សេងៗគ្នា ហើយពួកគេសួរទៅក្មេងៗទាំងអស់ពីសមត្ថភាពគណិតវិទ្យារបស់ខ្លួន បន្ទាប់មកឲ្យពួកគេធ្វើតេស្តសាកល្បងមួយ។
ពេលដែលសល់ម៉ោងប្រមាណពាក់កណ្តាល អ្នកស្រាវជ្រាវបានឲ្យក្មេងៗក្នុងក្រុមនីមួយៗធ្វើសកម្មភាពមួយខុសៗគ្នា។ ក្មេងនៅក្រុមទីមួយត្រូវបានប្រាប់ឲ្យរក្សាគំនិតថា “ខ្ញុំនឹងព្យាយាមឲ្យអស់ពីសមត្ថភាព។” ខណៈដែលក្មេងនៅក្រុមទីពីរត្រូវបានប្រាប់ឲ្យគិតថា “ខ្ញុំពូកែធ្វើវា។” និងក្រុមទីបីមិនត្រូវបានប្រាប់ឲ្យធ្វើអ្វីឡើយ។
ជាលទ្ធផល ក្មេងនៅក្រុមទីមួយទទួលបានពិន្ទុខ្ពស់ជាងក្មេងនៅក្រុមទីពីរ និងទីបី។ មានន័យថា គ្រាន់តែផ្លាស់ប្តូរគំនិតរបស់ក្មេងៗក៏អាចបង្កើនឱកាសជោគជ័យរបស់ពួកគេដែរ។ គំនិតនេះមិនបង្រៀនឲ្យកូនៗចង់ក្លាយជាក្មេងដែលពួកែជាងគេ ឬល្អជាងគេទេ។ ផ្ទុយមកវិញ វាជាផ្នែកមួយនៃការមានគំនិតចង់អភិវឌ្ឍន៍ខ្លួនជានិច្ចដែលធ្វើឲ្យកូនៗគិតថាពួកគេតែងតែមានសមត្ថភាពក្នុងការអភិវឌ្ឍន៍ខ្លួនបន្តទៅមុខ។
អ្នកស្រាវជ្រាវបានឲ្យដឹងទៀតថា កត្តាដែលសំខាន់គឺការសរសើរកូនៗ។ ប្រសិនបើឪពុកម្តាយសរសើរកូនៗតែលើសមត្ថភាពរបស់ពួកគេដូចជាភាពឆ្លាតវៃ នោះពួកគេមិនអាចធំដឹងក្តីមកស្រលាញ់ការរៀនសូត្រ និងអភិវឌ្ឍន៍ខ្លួនឡើយ។
ផ្ទុយមកវិញ ឪពុកម្តាយគួរតែកោតសរសើរទៅលើយុទ្ធសាស្ត្រ និងវិធីដែលកូនៗជ្រើសរើសនិងបង្កើតមកដោះស្រាយបញ្ហាទៅវិញ ទោះជាពួកគេមិនបានជោគជ័យពិតមែនក្តី ការធ្វើដូច្នេះនឹងជំរុញទឹកចិត្តឲ្យពួកគេខិតខំបន្ថែមរហូតដល់ជោគជ័យ ៕ កែសម្រួលដោយ ៖ សុឃាក់
ចែករំលែកព័តមាននេះ