បែកក្បាលរបស់មនុស្សយផងមាននាទីផលិតជាតិប្រេងធម្មជាតិដែលវាសំខាន់សម្រាប់សរសៃសក់។ ប៉ុន្តែជាតិប្រេងនេះអាចនឹងធ្វើឲ្យសក់មើលទៅមានជាតិខ្លាញ់អ៊ីចឹងបើសិនជាវាផលិតច្រើនពេក។ហេតុដូច្នេះហើយទើបយើងប្រើប្រាស់សាប៊ូកក់សក់ដើម្បីបំពាត់ជាតិប្រេងចេញពីក្នុងសរសៃឈាក់ និងប្រើប្រាស់វាម្តងម្កាល។
ទោះបីជាយ៉ាងណាក៏ដោយ ក្នុងរដូវរងានេះ ទោះបីជាងូតទឹកធម្មតាក៏ហាក់បីដូចជាច្រើនពេកដែរ។ ជាពិសេសបើសិនជាអ្នកកំពុងតែមានសក់វែងតែម្តង ព្រោះវាត្រូវការពេលយូរដើម្បីឲ្យសក់ស្ងួត និងប្រើប្រាស់ម៉ាស៊ីនផ្លុំសក់ជាដើម។
ដោយសារតែអាកាសធាតុមានលក្ខណៈត្រជាក់សឹងតែរាល់ថ្ងៃ ការលាងសម្អាតសក់ជាប្រចាំហាក់បីដូចជាមិនអាចធ្វើទៅរួចទេ។ ប៉ុន្តែអ្នកមិនអាចទុកឲ្យសក់នៅក្នុងស្ថានភាពអាក្រក់អ៊ីចឹងរហូតឡើយ ជាពិសេសសក់កំពុងតែមានជាតិប្រេងខ្លាំងតែម្តង។ សាប៊ូកក់សក់អាចជួយស្តារស្ថានភាពអ្នបកាន ប៉ុន្តែវាគឺជាផលិតផលធ្វើពីសារធាតុគីមី និងអាចខូចដល់សរសៃសក់បានទៀត។ ប៉ុន្តែតើគួរធ្វើដូចម្តេច?
១-ប្រើម្សៅលាបខ្លួនសម្រាប់ធ្វើជាសាប៊ូកក់សក់ស្ងួត ៖ ម្សៅលាបខ្លួនអាចជួយបឺតស្រូបជាតិប្រេងច្រើនៗចេញពីសរសៃសក់ ដើម្បីមើលទៅស្រស់ស្អាត និងបំបាត់បញ្ហាសក់មានជាតិប្រេងបាននៅពេលរោយវាលើសក់ក្បាល និងផ្តិតវាចេញវិញ។ វាគឺជាមធ្យោបាយដ៏ងាយស្រួលបំផុត មិនចំណាយច្រើន និងមានប្រសិទ្ធភាពខ្លាំងក្នុងការបំបាត់សក់មានជាតិប្រេងច្រើន។
២-បំបាត់បញ្ហាអង្គែរស្បែកក្បាលសិន ៖ បញ្ហាសក់ក្បាលញឹកញាប់បំផុតមួយក្នុងរដូវរងាគឺការកើតអង្គែរស្បែកក្បាលនេះតែម្តង។ អង្គែរស្បែកក្បាលនេះអាចធ្វើឲ្យចេញជាតិប្រេងច្រើននៅលើសក់ក្បាល។ ដូច្នេះបើសិនជាអ្នកព្យាបាលមូលហេតុនេះបាន សក់ក្បាលនឹងមិនចេញជាតិប្រេងច្រើនទៀតទេ។
៣-កុំប្រើសេរ៉ូមប្រេង ៖ មនុស្សភាគច្រើនប្រើប្រាស់សេរ៉ូមលាបសកដើម្បីបំបាត់បញ្ហាសក់ជំពាក់ ហើយក៏ដើម្បីឲ្យសរសៃសក់រលោង និងស្រស់ស្អាតថែមទៀត។ ប៉ុន្តែសេរ៉ូមភាគច្រើនមានជាតិប្រេង ហើយក៏អាចបង្កើនការផលិតជាតិប្រេងលើស្បែកក្បាលកាន់តែច្រើនផងដែរ។
ដូច្នេះចូរព្យាយាមចៀសវាងការប្រើប្រាស់សេរ៉ូមបែបនេះនៅរដូវរងារ ឬប្រើតែផលិតផលណាដែលមិនធ្វើឲ្យសក់ចេញប្រេង (ប្រភពពី៖ Health.com.kh)៕ (កែសម្រួលដោយ ៖ បុប្ផា)
ចែករំលែកព័តមាននេះ