ខេត្តកណ្តាល ៖ បើតាមសេចក្តីរាយការណ៍បឋមបានឱ្យដឹងថា ដីអាងស្តុបទឹកសាធារណៈរបស់រដ្ឋត្រង់ចំណុចបឹងតូច បឹងធំ រាប់ម៉ឺនហិកតានៅក្នុងស្រុកកៀនស្វាយ ខេត្តកណ្តាល ត្រូវបានអ្នកមានលុយមានអំណាច បោះបង្គោលរំលោភបំពានយកធ្វើជាកម្មសិទ្ធិឯកជនយ៉ាងអានាធិបតេយ្យ សង្ស័យមានការឃុបឃិតគ្នាជាប្រព័ន្ធ…
ខេត្តកណ្តាល ៖ បើតាមសេចក្តីរាយការណ៍បឋមបានឱ្យដឹងថា ដីអាងស្តុបទឹកសាធារណៈរបស់រដ្ឋត្រង់ចំណុចបឹងតូច បឹងធំ រាប់ម៉ឺនហិកតានៅក្នុងស្រុកកៀនស្វាយ ខេត្តកណ្តាល ត្រូវបានអ្នកមានលុយមានអំណាច បោះបង្គោលរំលោភបំពានយកធ្វើជាកម្មសិទ្ធិឯកជនយ៉ាងអានាធិបតេយ្យ សង្ស័យមានការឃុបឃិតគ្នាជាប្រព័ន្ធ ទើបគ្មានការទប់ស្កាត់ ឬបង្ក្រាបពីសំណាក់អាជ្ញាធរ និងមន្ត្រីជំនាញ។
ប្រភពព័ត៌មានបានប្រាប់ឱ្យដឹងថា អាងស្តុបទឹកបឹងតូច បឹងធំនេះ គឺជាបឹងធម្មជាតិដែលមានជម្រៅទឹកជ្រៅកន្លែងខ្លះ (៣m-៤m) ឯណោះ ហើយកើតមានឡើងតាំងពីដូនតាមកម្ល៉េះ។ បឹងនេះធំល្វឹងល្វើយមានផ្ទៃដីរាប់ម៉ឺនហិកតា ក្រោមការគ្រប់គ្រងដែនរដ្ឋបាលនៃឃុំចំនួន៤ ក្នុងស្រុកកៀនស្វាយ គឺឃុំឈើទាល ឃុំភូមិធំ ឃុំគគីរ និងឃុំដីឥដ្ធ ដែលមានសារសំខាន់ណាស់ សម្រាប់ប្រជាជនប្រើប្រាស់ទឹកស្រោចស្របផលដំណាំផ្សេង ព្រមទាំងមុជ ដាំស្លផងដែរ។
មិនតែប៉ុណ្ណោះ ក៏ជាកន្លែងប្រជាជនរកនេសាទត្រី រកខ្ចៅខ្យង ដកព្រលឹត ដកក្រអៅឈូក បេះត្រកួន ដាំឈូក និងចិញ្ចឹមជីវិត បន្ទាប់ទំនេរពីមុខរបរបង្កបង្កើនផលធ្វើស្រែចំការ។ បឹងតូច បឹងធំនេះ ក៏ជាប្រព័ន្ធរំដោះទឹកនាពេលរដូវទឹកដំឡើងហូរធ្លាក់ចេញទៅរហូតដល់ប្រទេសវៀតណាម ដើម្បីបញ្ជៀសកុំឱ្យកើតមានទឹកជំនន់ជន់លិច ផ្ទះសម្បែ ងនិងប៉ះពាល់ដល់ផលដំណាំរបស់ប្រជាជន។
ស្រាប់តែ ខណៈដីមានហាងឆេង ក៏មានបុគ្គលអ្នកមានលុយ មានអំណាច នៅខាងក្រៅស្រុក និងក្នុងស្រុកកំពុងតែឈូសឆាយលុបយកអស់ហើយ ។
ព័ត៌មានពិស្តារនឹងមានផ្សាយជូននៅលើកាសែតកោះសន្តិភាព ។ (កែសម្រួលដោយ ៖ បុប្ផា)
ចែករំលែកព័តមាននេះ