រាជធានីភ្នំពេញ ៖ ក្រុមហ៊ុនឆ្នោតនាគនាំសំណាងកាលពីព្រឹកថ្ងៃទី១៣ មិថុនា ២០១៤ បានធ្វើសន្និសីទកាសែតស្តីពីអតិថិជនរបស់ Smart ទាំងអស់អាចចូលរួមលេងជាមួយឆ្នោតនាគនាំសំណាងដោយផ្ទាល់ពីគេហដ្ឋានរបស់ពួកគេ ឬកន្លែងណាក៏ដោយដែលពួកគេចង់លេង ដោយគ្រាន់តែចុច *៦៣៩# ដោយចំណាយទឹកប្រាក់តែ២៥សេនរាល់ការចុចម្តង នោះអតិថិជននឹងទទួលបានលេខដែលពួកគាត់បានចាក់។
ប្រព័ន្ធថ្មីដោយប្រើទូរស័ព្ទដៃនេះគឺមិនត្រឹមតែងាយស្រួលប៉ុណ្ណោះទេ វាមានន័យថា អ្នកណាក៏អាចលេងបាននៅគ្រប់ពេលវេលា ហើយអ្នកមិនចាំបាច់ត្រូវការមាន Smart Phone ដើម្បីលេងនោះទេ ដោយអ្នកអាចលេងតាមរយៈទូរស័ព្ទដៃធម្មតាក៏បាន។ ការប្រើប្រាស់ទូរស័ព្ទដៃក្នុងការលេង អតិថិជននឹងអាចចាក់ឆ្នោតនាំសំណាងបានគ្រប់ទីកន្លែង ហើយអាចបើករង្វាន់តូចបានយ៉ាងឆាប់រហ័ស។
ឆ្នោតនាគនាំសំណាងបានក្លាយខ្លួនជាឆ្នោតដែលប្រជាជនកម្ពុជាចូលចិត្តលេងច្រើនជាងគេ និងបញ្ជ្រាបខ្លួនបានយ៉ាងលឿនលើសពីការរំពឹងទុកនៅទូទាំងប្រទេស។
ក្រោយពីបានធ្វើការសម្ពោធជាផ្លូវការកាលពី២-៣ខែកន្លងមកនេះ ក្រុមហ៊ុនឆ្នោតនាគនាំសំណាងបាននាំមកនូវកម្មវិធីប្លែក ហើយថ្មី និងរំភើបដែលផ្តល់នូវបទពិសោធន៍លេងកាន់តែរីករាយដល់អតិថិជនរបស់ខ្លួន។
ជាការពិតណាស់ចាប់ពីថ្ងៃទី១៥ មិថុនា ទៅ ឆ្នោតនាគនាំសំណាងនឹងបង្កើនការចាប់រង្វាន់រហូតដល់ទៅ៣ដងមួយសប្តាហ៍ ដែលក៏នឹងមានអ្នកឈ្នះរហូតដល់រាប់ពាន់នាក់ជាមួយទឹកប្រាក់រាប់ម៉ឺនដុល្លារ ព្រមទាំងមានអ្នកដែលឈ្នះពីលេខសំណាងដល់៦នាក់ក្នុងមួយលើក ហើយក្នុងមួយរង្វាន់សម្រាប់លេខសំណាងនឹងមានទឹកប្រាក់ស្មើនឹងមួយពាន់ដុល្លារអាមេរិក។
ដើម្បីឱ្យកាន់តែមានភាពរំភើបទៀតនោះ អតិថិជនទាំងអស់របស់ឆ្នោតនាគនាំសំណាងអាចទស្សនាការចាប់រង្វាន់ដោយផ្ទាល់ដែលនឹងធ្វើឡើងនៅស្ថានីយទូរទស្សន៍ហង្សមាសនៅរៀងរាល់ថ្ងៃអាទិត្យ ថ្ងៃពុធ និងថ្ងៃសុក្រ វេលាម៉ោង៥ដល់៥ និង១០នាទីល្ងាច៕
ចែករំលែកព័តមាននេះ