វិធីដែលរកលុយបានច្រើនអាចជាវិធីដែលខុសច្បាប់ និងទាក់ទិននឹងការប្រើហឹង្សាផ្សេងៗ ។ ហើយវិធីទាំងនេះបានធ្វើឲ្យឧក្រិដ្ឋជនមួយចំនួនក្លាយជាមហាសេដ្ឋីដែលមានទ្រព្យសម្បត្តិស្តុកស្តម្ភខណៈដែលខ្លួនកំពុងរត់ភៀសខ្លួន និងលាក់ខ្លួនជារៀងរាល់ថ្ងៃ ។
ខាងក្រោមនេះ គឺជាឧក្រិដ្ឋជនមួយចំនួនដែលមានទ្រព្យសម្បត្តិស្តុកស្តម្ភជាងគេលើលោក៖
១-លោក ដាវូដ អ៊ីប្រាហ៊ីម (Dawood Ibrahim)៖
មានការប៉ាន់ស្មាន់មកថាលោកមានទ្រព្យសម្បត្តិសរុប ១០ដងច្រើនជាងលោក អូសាម៉ា ប៊ីនឡាដេន (Osama bin Laden) ទៅទៀត ។ បច្ចុប្បន្ននេះ ប៉ូលីស Interpol កំពុងតែតាមចាប់ឧក្រិដ្ឋជនជនជាតិឥណ្ឌារូបនេះ ។ លោកជាជនដៃដល់ដែលគ្រប់គ្រង ៧៥% នៃការជួញដូរគ្រឿងញៀនហេរ៉ូអ៊ីនជុំវិញពិភពលោក និងមានអាជីវកម្មជាច្រើនទៀតដូចជាលក់គ្រឿងពេជ្យ មាស និងអចលនទ្រព្យ ។
២-លោក ហ្វ្រេង លូខាស (Frank Lucas)៖
លោកមានទ្រព្យសម្បត្តិប្រមាណ ៥២លានដុល្លារ ហើយលោកជាឧក្រិដ្ឋជនដែលរកចំណូលបានដល់ទៅ ១លានដុល្លារក្នុងមួយថ្ងៃពីការលក់គ្រឿងញៀនហេរ៉ូអ៊ីនក្នុងកំឡុងទសវត្សឆ្នាំ ៦០ និង ៧០ កន្លងមកនេះ ។
៣-លោក ប៊ឺណាដ មាដូហ្វ (Bernard Madoff)៖
លោកជាជនបោកប្រាស់មានទ្រព្យសម្បត្តិ ៨២០លានដុល្លារដែលបានពីការបោកប្រាសវិនិយោគិនរាប់ពាន់អ្នក ។ កាលពីឆ្នាំ ២០០៩ លោកត្រូវបានផ្តន្ទាទោសឲ្យជាប់ពន្ធនាគារ ១៥០ ឆ្នាំព្រោះតែបោកប្រាស់ប្រាក់ ៦០ ប៊ីលានដុល្លារពីអតិថិជនរបស់លោក ។
៤-លោក អាឡេន ស្តានហ្វដ (Allen Stanford)៖
កាលពីឆ្នាំ ២០១២ លោកមហាសេដ្ឋីជនជាតិអាមេរិកដែលមានទ្រព្យសម្បត្តិជិត ២ ប៊ីលានដុល្លារនេះត្រូវបានផ្តន្ទាទោសព្រោះតែបទល្មើសឆបោកបាន ៧ ប៊ីលានដុល្លារ និងលាងលុយខ្មៅជាដើម ។
៥-លោក ដេនីស ខូឡូស្គី (Dennis Kozlowski)៖
អតីតនាយកប្រតិបត្តិរបស់ក្រុមហ៊ុន Tyco នេះត្រូវបានផ្តន្ទាទោសឲ្យជាប់ពន្ធនាគារ ២៥ ឆ្នាំព្រោះតែលួចលុយក្រុមហ៊ុនរាប់លានដុល្លារពីកំឡុងឆ្នាំ ១៩៩៩ ទៅ ២០០១ ដើម្បីយកមកផ្គត់ផ្គង់ការរស់នៅដ៏ស៊ីវីល័យ និងទិញអាផាតមិន និងនាវាថ្លៃៗ ៕ ប្រែសម្រួលដោយ៖ ណៃ ដាលីន
ចែករំលែកព័តមាននេះ