គន្លឹះក្នុងការសន្សំលុយភាគច្រើនគឺវាយស្រួលនឹងមើលឃើញ និងអនុវត្តដូចជាកាត់បន្ថយការទទួលទានអាហារក្រៅជាដើម ប៉ុន្តែវាមិនគ្រប់គ្រាន់សម្រាប់អ្នកទេបើអ្នកមានគោលបំណងកាត់បន្ថយការចាយវាយប្រចាំខែ ។
ផ្ទុយមកវិញ អ្នកប្រហែលជាមានទម្លាប់ខ្ជះខ្ជាយលុយមួយចំនួនដែលអ្នកខ្លួនឯងប្រហែលជាមិនដឹងខ្លួនថាកំពុងតែប្រព្រឹត្តជារៀងរាល់ខែផង ។ ខាងក្រោមនេះគឺជាទម្លាប់ខ្ជះខ្ជាយទូទៅរបស់មនុស្សដែលអ្នកប្រហែលជាកំពុងតែមានដែរ៖
១-ចូលទិញនំចំណីនៅកន្លែងចាក់សាំង៖
ផ្សារម៉ាតនៅកន្លែងចាក់សាំងជាកន្លែងដែលមនុស្សភាគច្រើនចូលទៅខ្ជះខ្ជាយលុយ ។ វាប្រៀបបានជាអន្ទាក់របស់កន្លែងចាក់សាំងដើម្បីបោកឲ្យមនុស្សចាយវាយច្រើន ។ មនុស្សតែងតែគិតថាពួកគេចូលទិញវាយូរៗម្តងប៉ុណ្ណោះ តែអ្វីដែលពួកគេភ្លេចគិតនោះគឺពួកគេប្រហែលជាមិនត្រូវការវាទេ តែគឺចូលទិញព្រោះពួកគេធុញទ្រាន់ ឬព្រោះឃើញវាបន្ទាប់ពីចូលចាក់សាំង ។
២-គោរពតាមកាលបរិច្ឆេទផុតកំណត់ខ្លាំងពេក៖
កាលបរិច្ឆេទបង្ហាញពីការផុតកំណត់ពេលទទួលទានមិនតែងតែពិតជារៀងរហូតទេ ។ ផ្ទុយមកវិញមានផលិតផលមួយចំនួនដូចជាផលិតផលស្ងួតដូចមីជាដើមដែលមិនងាយនឹងផុតកំណត់ឡើយ ។ ជាមួយគ្នានេះផងដែរ សាច់ឆៅនៅតែអាចយកមកចម្អិនបានប្រសិនបើអ្នកដាក់ក្លាសេវាឲ្យកកតាំងពីពេញទិញមក ។
៣-ទៅទិញម្ហូបច្រើនជាងម្តងក្នុងមួយសប្តាហ៍៖
វិធីល្អមួយដែលជួយឲ្យអ្នកជៀសវាងការចាយវាយលើម្ហូបអាហារលើសពីការកំណត់ គឺដាក់កម្រិតលើចំនួនថ្ងៃដែលអ្នកដើរទិញម្ហូបអាហារព្រោះជាទូទៅ មនុស្សតែងតែមានទម្លាប់ទិញអ្វីលើសពីតម្រូវការជារៀងរាល់ពេលដែលខ្លួនដើរទិញទំនិញ ។
៤-ការមិនមានសណ្តាប់ធ្នាប់ល្អ៖
ការមិនចេះទុកដាក់ ឬរៀបចំសម្ភារៈអាចធ្វើឲ្យអ្នកខ្ជះខ្ជាយថវិកាច្រើនដូចជាការបាត់ខ្សែសាកថ្មទូរស័ព្ទតម្រូវឲ្យអ្នកទិញថ្មីជាដើម ។ ដោយហេតុដូចនេះទើបអ្នកគួរតែចេះទុកដាក់សម្ភារៈដែលមានឲ្យមានសណ្តាប់ធ្នាប់បើអ្នកចង់សន្សំថវិកាច្រើន ៕ ប្រែសម្រួលដោយ៖ ណៃ ដាលីន
ចែករំលែកព័តមាននេះ