ខេត្តកំពង់ឆ្នាំង ៖ ស្ថិតនៅក្នុងបរិវេណនៃស្នងការដ្ឋាននគរបាលខេត្តកំពង់ឆ្នាំង បានរៀបចំចាក់កៅស៊ូប្រភេទA.C រយៈពេល៧ថ្ងៃមកហើយ និងបានបញ្ចប់រួចរាល់ជាស្ថាពរ នៅរសៀលថ្ងៃទី២៧ ធ្នូ ដោយចំណាយថវិកាជិត២០ម៉ឺនដុល្លារ ដែលបានពីសប្បុរសជននិងមួយផ្នែកទៀត…
ខេត្តកំពង់ឆ្នាំង ៖ ស្ថិតនៅក្នុងបរិវេណនៃស្នងការដ្ឋាននគរបាលខេត្តកំពង់ឆ្នាំង បានរៀបចំចាក់កៅស៊ូប្រភេទA.C រយៈពេល៧ថ្ងៃមកហើយ និងបានបញ្ចប់រួចរាល់ជាស្ថាពរ នៅរសៀលថ្ងៃទី២៧ ធ្នូ ដោយចំណាយថវិកាជិត២០ម៉ឺនដុល្លារ ដែលបានពីសប្បុរសជននិងមួយផ្នែកទៀត ជារបស់លោកស្នងការនគរបាលខេត្តកំពង់ឆ្នាំង ។
ជាមួយនិងការបញ្ចប់ការចាក់កៅស៊ូប្រភេទA.C នៅរសៀលថ្ងៃដែលនេះ លោកឧត្តមសេនីយ៍ទោ ខូវ លី ស្នងការនគរបាលខេត្ត បានឧបត្ថម្ភជាថវិកាចំនួន១២០ម៉ឺនរៀល និងភេសជ្ជៈមួយចំនួនដល់ក្រុមជាង ដែលបានធ្វើការរយៈពេល៧ថ្ងៃក្នុងការចាក់កៅស៊ូក្នុងបរិវេណនៃស្នងការដ្ឋាននគរបាលខេត្តកំពង់ឆ្នាំង ។
លោកស្នងការនគរបាលខេត្តកំពង់ឆ្នាំងបានបញ្ជាក់ដែរថា ការចាក់កៅស៊ូក្នុងបរិវេណក្នុងស្នងការបែបនេះ ក្នុងគោលបំណងឱ្យស្នងការដ្ឋានមានសោភ័ណភាព មានផាសុកភាព ងាយស្រួលក្នុងការចតរថយន្តម៉ូតូជាដើម ។ ជាមួយគ្នានេះ កងកម្លាំងនគរបាលនៃស្នងការដ្ឋាននគរបាលខេត្តកំពង់ឆ្នាំង មានសេចក្តីត្រេកអរព្រោះថា ការចាក់កៅស៊ូA.Cនេះ ធ្វើឱ្យក្នុងស្នងការដ្ឋានទាំងមូលគ្មានដីប្រឡាក់ជាប់ ម៉ូតូ រថយន្តដូចមុនទៀតឡើយ ហើយម្យ៉ាងវិញទៀតក៏ងាយស្រួលក្នុងការបំពេញភារកិច្ចផងដែរ ។
បើតាមការបញ្ជាក់ពីសេនាធិការរបស់ស្នងការដ្ឋាននគរបាលខេត្តបានឲ្យដឹងថា រយៈពេលដែលលោក ឧត្តមសេនីយ៍ទោ ខូវ លី មកកាន់ជា ស្នងការដ្ឋាននគរបាលខេត្តកំពង់ឆ្នាំង គឺបានកសាងស្នាដៃជាច្រើន រួមមានរោងបាយ សម្រាប់កងវរៈអន្តរាគន៍មានតម្លៃជាង១ម៉ឺនដុល្លារ, កសាងអាគារថ្មីនៃអធិការដ្ឋាននគរ បាលក្រុងកំពង់ឆ្នាំង (កំពុងសាងសង់) ទិញម៉ូតូសម្រាប់កងអន្តរាគមន៍១២គ្រឿង និងចាក់កៅស៊ូA.Cនៅពេលនេះ មានតម្លៃប្រមាណជិត២០ម៉ឺនដុល្លារ ។
ចែករំលែកព័តមាននេះ