យ៉េន ឌីណា ប៉ះថៃ ដើម្បីយកខ្សែក្រវាត់អន្តរជាតិ ខណៈពុយ វណ្ណៈ ដណ្តើមយកលេខ៣
- ភ្នំពេញ
រាជធានីភ្នំពេញ ៖ កីឡាករកម្ពុជា យ៉េន ឌីណា ឬ ប៉ោ ភារិទ្ធិ និងកីឡាករថៃ កូលាបដាំ…
រាជធានីភ្នំពេញ ៖ កីឡាករកម្ពុជា យ៉េន ឌីណា ឬ ប៉ោ ភារិទ្ធិ និងកីឡាករថៃ កូលាបដាំ…
រាជធានីភ្នំពេញ ៖ កីឡាករកម្ពុជា យ៉េន ឌីណា ឬ ប៉ោ ភារិទ្ធិ និងកីឡាករថៃ កូលាបដាំ នឹងប៉ះគ្នាដណ្ដើមខ្សែក្រវាត់អន្តរជាតិ និងទឹកប្រាក់៥ពាន់ដុល្លារ នៅលើសង្វៀនទូរទស្សន៍អាស៊ីអាគ្នេយ៍ ខណៈកីឡាករ ពុយ វណ្ណៈ ប្រកួតជាមួយជាមួយថៃឈ្មោះ Loom Leng ដណ្ដើមយកលេខ៣។អ្នកស្នេហាវិស័យប្រដាល់ កំពុងតាមដានមួយគូនេះ មិនខុសពីគូ វង្ស វិឆ័យ មុននោះឡើយ។
ការប្រកួតវគ្គផ្ដាច់ព្រ័ត្រ របស់ព្រឹត្តិការណ៍កំពូលជើងឯកនេះ លេខ១ ទទួលបានខ្សែក្រវាត់១ ពាន១ និងទឹកប្រាក់៥០០០ដុល្លារ លេខ២ ទទួលបាន៣០០០ដុល្លារ, លេខ៣ ទទួលបាន១៥០០ដុល្លារ និង លេខ៤ ទទួលបាន១០០០ដុល្លារ។ ការប្រកួតចាប់ពីវេលាម៉ោង២រសៀល នៅរសៀលថ្ងៃសៅរ៍ ទី២៨ ខែធ្នូនេះ កីឡាករ យ៉េន ឌីណា ឬ ប៉ោ ភារិទ្ធិ និង កីឡាករថៃ កូលាបដាំ ប្រកួតគ្នាយកលេខ១ និងជាម្ចាស់ខ្សែក្រវាត់អន្តរជាតិ។
ការប្រកួតនេះ ត្រូវគេឃើញមានការរំពឹងខ្ពស់ មិនខុសពីការប្រកួតអន្តរជាតិមុនៗនោះទេ ដោយសារប៉ុស្តិ៍អាស៊ីអាគ្នេយ៍មានអ្នកទស្សនាច្រើនទស្សនាកកកុញស្រាប់ មិនថា ចំថ្ងៃសម្រាករួចទៅហើយ ព្រោះតែស្ថានភាពទីតាំង ស្របគ្នាដែលការប្រកួតក្នុងព្រឹត្តិការណ៍ប្រដាល់អ្នកប្រយុទ្ធកំពូលថាមពលឆេមពាន ដែលបានធ្វើឡើងថ្ងៃសម្រាក រមែងមានអ្នកទស្សនាកកកុញជាប្រចាំ។
កីឡាករកម្ពុជា២រូប ដែលមានឈ្មោះប្រកួតយកខ្សែក្រវាត់ នឹងក្លាយជាគូប្រកួតស៊ីសាច់ហុតឈាមជាមួយគ្នា។
អ្នករៀបចំការប្រកួតបានអះអាងថា កីឡាករទាំង២ប៉ះគ្នា ក្នុងការប្រកួតលើកនេះ នឹងធ្វើឱ្យកក្រើកសង្វៀនទូរទស្សន៍អាស៊ីអាគ្នេយ៍ ដោយម្នាក់ៗគ្រាន់តែដឹងថានឹងត្រូវឡើងប្រកួតប៉ះគ្នា គឺទាំងកីឡាករកម្ពុជា និងបរទេស សុទ្ធតែបានត្រៀមខ្លួន ហើយមានការរំពឹងថា ល្អមើលសម្រាប់ជំនួបមួយនេះ។
កីឡាករទាំងពីរ បានបង្ហាញពីការត្រៀមខ្លួនច្បាស់លាស់ខ្លាំងណាស់ ខណៈដែលកីឡាករ២រូបទៀត គឺ ពុយ វណ្ណៈ និង កីឡាករថៃ Loom Leng ដែលត្រូវប៉ះគ្នាយកលេខ៣ ក៏នឹងស៊ីសាច់ហុតឈាមគ្នាមិនខុសគ្នា។ (កែសម្រួលដោយ ៖ បុប្ផា)
ចែករំលែកព័តមាននេះ