លោកស្រី កែ ឡេង លេចដំណឹងត្រៀមឡើងផ្កាយ2
- ភ្នំពេញ
រាជធានីភ្នំពេញ ៖ បន្ទាប់ពីបានឡើងឋានន្តរស័ក្តិផ្កាយ១មួយរយៈមកហើយនោះ ពេល នេះមានការទម្លាយចេញថា លោកស្រី កែ ឡេង ដែលគេចាត់ទុកថាជាវីរនារីនៅក្នុងកីឡាប៉េតង់ នោះ…
រាជធានីភ្នំពេញ ៖ បន្ទាប់ពីបានឡើងឋានន្តរស័ក្តិផ្កាយ១មួយរយៈមកហើយនោះ ពេល នេះមានការទម្លាយចេញថា លោកស្រី កែ ឡេង ដែលគេចាត់ទុកថាជាវីរនារីនៅក្នុងកីឡាប៉េតង់ នោះ…
រាជធានីភ្នំពេញ ៖ បន្ទាប់ពីបានឡើងឋានន្តរស័ក្តិផ្កាយ១មួយរយៈមកហើយនោះ ពេល នេះមានការទម្លាយចេញថា លោកស្រី កែ ឡេង ដែលគេចាត់ទុកថាជាវីរនារីនៅក្នុងកីឡាប៉េតង់
នោះ នឹងត្រៀមឡើងឋានន្តរស័ក្តិផ្កាយ២ហើយ បន្ទាប់ពីលោកស្រីនៅតែបានកសាងកេរ្តិ៍ឈ្មោះឲ្យកម្ពុជា ជាមួយនឹងការដណ្ដើមបានមេដាយ មាសនៅលើឆាកអន្តរជាតិ ។ តាមប្រភពផ្លូវការ ថា លោកស្រីត្រូវបានដំឡើងឋានៈហើយ គ្រាន់ តែមិនទាន់ធ្លាក់លិខិតផ្លូវការប៉ុណ្ណោះ។
កន្លងមក កីឡាការិនី កែ ឡេង ត្រូវបាន រាជរដ្ឋាភិបាលកម្ពុជាដំឡើងឋានន្តរស័ក្តិជាបន្ត បន្ទាប់ ចាប់តាំងពីកីឡាការិនីរូបនេះបានកសាងភាពល្បីល្បាញជូនជាតិនៅលើឆាកអន្តរ ជាតិ។ ក្រោយពីឈ្នះមេដាយមាសពិភពលោកនៅប្រទេសបារាំងកាលពីឆ្នាំ២០១៣ រាជរដ្ឋាភិបាល បានដំឡើងឋានន្តរស័ក្តិលោកស្រីពីអនុសេនីយ៍ ទោទៅជាអនុសេនីយ៍ឯក នៅក្នុងក្របខណ្ឌ ក្រសួងការពារជាតិ ។ កាលពីឆ្នាំ២០១៥ លោក ស្រី កែ ឡេង ត្រូវបានដំឡើងឋានន្តរស័ក្តិពីអនុសេនីយ៍ឯកទៅវរសេនីយ៍ត្រី បន្ទាប់ពីដណ្តើម បានមេដាយមាសពិភពលោកនៅក្នុងប្រទេសថៃ ។
កីឡាការិនីអាយុ៥៧ឆ្នាំរូបនេះ ត្រូវបានដំឡើងឋានន្តរស័ក្តិជាបន្តបន្ទាប់ទៀត រហូតដល់វរសេនីយ៍ឯក ក្រោយពីឈ្នះមេដាយមាសពិភពលោកលើកទី៣នៅប្រទេសចិន និងក្រោយពីឈ្នះមេដាយមាសក្នុងការប្រកួតកីឡាស៊ីហ្គេមនៅ ប្រទេសម៉ាឡេស៊ីកាលពីឆ្នាំ២០១៧ ។
អ្វីដែលគួរឲ្យកត់សម្គាល់នោះ គឺកាលពីអំ ឡុងខែតុលា ឆ្នាំ២០១៨ ព្រះករុណាព្រះមហា ក្សត្រ សម្តេចព្រះបរមនាថ នរោត្តម សីហមុនី បានចេញព្រះរាជក្រឹត្យដំឡើងឋានន្តរស័ក្តិកីឡា ការិនី កែ ឡេង ពីវរសេនីយ៍ឯកទៅជាឧត្តម សេនីយ៍ត្រី(ផ្កាយ១) ។
ប្រភពផ្លូវការបង្ហើបថា ប្រសិនបើពុំមានការ ប្រែប្រួលទេ លោកស្រី កែ ឡេង ដែលទើបឈ្នះ មេដាយមាសលើវិញ្ញាសាវាយយកពិន្ទុ (Shooting) ក្នុងការប្រកួតជើងឯកពិភពលោកយុវជន
និងស្ត្រីនៅកម្ពុជាកាលពីថ្ងៃទី២២ វិច្ឆិកា ឆ្នាំ២០១៩ ទំនងជាអាចត្រូវរាជរដ្ឋាភិបាល ពិសេស ក្រសួងការពារជាតិដំឡើងឋានន្តរស័ក្តិពីឧត្តម សេនីយ៍ត្រី(ផ្កាយ១) ទៅជាឧត្តមសេនីយ៍ទោ (ផ្កាយ២) ។
ការបង្ហើបដែលអាចទុកចិត្តបានបន្តថា លោក ស្រីត្រូវបានថ្នាក់ដឹកនាំឯកភាពស្នើដំឡើងសម្រាប់
ឋានន្តរស័ក្តិនេះរួចរាល់ហើយ តែយ៉ាងណារាជ រដ្ឋាភិបាលកម្ពុជាពុំទាន់ចេញលិខិតជាផ្លូវការនៅ
ឡើយទេ ទើបព័ត៌មាននេះនៅមិនទាន់មានការភ្ញាក់ផ្អើល ។
ប្រភពព័ត៌មាបន្តថា លោកស្រី កែ ឡេង ស័កិ្តសមនឹងទទួលបានការលើកទឹកចិត្តនេះ បើទោះជាលោកស្រីបានសារភាពដោយត្រង់ថា មិន សូវបានរៀនសូត្រជ្រៅជ្រះដោយសារតែធំធាត់ក្នុងជីវភាពក្រីក្រ ។ បើនិយាយពីចំណេះដឹងគឺលោកស្រីមិនសមនឹងឋានន្តរស័ក្តិផ្កាយ២ទេ ប៉ុន្តែអ្វីដែលលោកស្រីបានធ្វើឲ្យកម្ពុជាមានមុខ មាត់គឺស័ក្តិសមបំផុតនឹងការដំឡើងតួនាទីដ៏សំខាន់នេះ ក្រោយពីលោកស្រីនៅតែបន្តដណ្ដើម បានមេដាយមាសនៅលើឆាកអន្តរជាតិ។
យ៉ាងណាក៏ដោយ លោកស្រី កែ ឡេង និយាយថា លោកស្រីមិនធ្វើការបកស្រាយពីដំណឹងនេះទេ ព្រោះជាការងាររបស់ថ្នាក់លើ ប៉ុន្តែ លោកស្រីមានអារម្មណ៍រំភើបប្រសិនបើត្រូវបានដំឡើងឋានន្តរស័ក្តិមែននោះ ។ លោកស្រីនឹងបន្តតស៊ូក្នុងអាជីពបេ៉តង់មិនផ្លាស់ប្ដូរនោះទេ ដ្បិតថាលោកស្រីមានវ័យជ្រេបន្តិចក្តី ។
គួរបញ្ជាក់ថា ភ្លាមៗក្រោយកីឡាការិនី កែ ឡេង ឈ្នះមេដាយមាស សម្តេចតេជោនាយក រដ្ឋមន្ត្រី ហ៊ុន សែន បានសរសេរ សារលើទំព័រ ហ្វេសប៊ុកពីការអបអរជាមួយជ័យជម្នះ ដែល សម្តេចចាត់ទុកជាមោទនភាពជាតិនិងជាប្រវត្តិសាស្ត្រដ៏កម្រនេះ ។ ការចាត់ទុកបែបនេះ ដោយសារសម្តេចយល់ថា សមិទ្ធផលនេះកើត ឡើងក្នុងព្រឹត្តិការណ៍ដែលកម្ពុជាធ្វើជាម្ចាស់ផ្ទះ លើកដំបូង និងម្យ៉ាងទៀត កែ ឡេង ជាកីឡាការិនីដំបូងគេបង្អស់ក្នុងពិភពលោក ដែលបានឈ្នះមេដាយមាសពិភពលោក៤ជំនាន់ជាប់គ្នា ៕ (កែសម្រួលដោយ ៖ បុប្ផា)
ចែករំលែកព័តមាននេះ