រាជធានីភ្នំពេញ ៖ គម្រោង អេលីតផាក ១ និង ២ របស់បុរីភ្នំពេញថ្មី គ្រោងនឹងរៀបចំពិធីក្រុង ពាលីបញ្ចុះបឋមសីលាសាងសង់ជាផ្លូវការនៅថ្ងៃទី ២៨ ខែធ្នូ ឆ្នាំ២ ០១៩ នេះ នៅភូមិព្រៃទា សង្កាត់ក្រាំងធ្នង់ ខណ្ឌសែនសុខ រាជធានីភ្នំពេញ លើផ្ទៃដីប្រមាណ ២៥ ហិចតា និងមានផ្ទះ សរុបជិត ១ ពាន់ខ្នងល្វែង ។
យោងតាមសេចក្តីប្រកាសព័ត៌មានរបស់បុរីភ្នំពេញថ្មី បានឱ្យដឹងថា ក្នុងឱកាសបើកការដ្ឋាន សាងសង់គម្រោងលំនៅឋានប្រណីតនេះ ក្រុមហ៊ុននឹងបញ្ចុះតម្លៃជូនអតិថិជន ៩% ហើយ មានបន្ថែមការបញ្ចុះតម្លៃរហូតដល់ ១ ម៉ឺនដុល្លារអាមេរិក ទៀតផង ។
គម្រោងថ្មីនេះ ស្របតាមស្តង់ដាមិនធ្លាប់មាន ក្រុមហ៊ុនបានខិតខំរៀបចំឡើងដោយជ្រើស រើសយកទីតាំងសម្រាប់លក់ដែលមានភូមិសាស្ត្រល្អ នៅក្នុងតំបន់ដែលមានការអភិវឌ្ឍន៍យ៉ាង ឆាប់រហ័សនាពេលបច្ចុប្បន្ន និងពេលអនាគត ជាពិសេសគម្រោងបុរីភ្នំពេញថ្មី នេះមានទីតាំង នៅតាមបណ្តោយផ្លូវ ៩២ (ឬផ្លូវក្រាំជ្រៃ) ចេញពីពីផ្សារទំនើបអ៊ីអន ទី ២ ដែលមានចំងាយ ប្រមាណត្រឹមតែ ៣គីឡូមែត្រប៉ុណ្ណោះ ហើយផ្លូវនេះតភ្ជាប់ជាមួយផ្លូវលេខ ២០១១ ឬផ្លូវ ឧកញ៉ា ទ្រីហេង រហូតដល់ព្រលានយន្តហោះអន្តរជាតិភ្នំពេញ ជាផ្លូវយុទ្ធសាស្ត្រ ដែលអាច ជួយសម្រួលចរាចរណ៍ប្រជាពលរដ្ឋក្នុងខណ្ឌសែនសុខ ខណ្ឌទួលគោក ខណ្ឌឫស្សីកែវ និង តំបន់ជុំវិញ ក្នុងការធ្វើដំណើរចេញចូលទៅព្រលានយន្តហោះអន្តរជាតិភ្នំពេញ ឬផ្លូវជាតិលេខ ៣ ទៅទីរួមខេត្តកំពត និងលេខ ៤ ខេត្តព្រះស៊ីហនុ ។
ក្រុមហ៊ុនបានរៀបចំតាមមាត្រដ្ឋានលំនៅឋានរស់នៅដ៏ល្អរួចជាស្រេចដោយមានការចាក់ផ្លូវបេតុងធំទូលាយ តភ្ជាប់ប្រព័ន្ធទឹក ប្រព័ន្ធភ្លើង ប្រព័ន្ធលូ ដែលអមទៅដោយសួនច្បារ មានដើម ឈើធំៗស្រស់បំព្រង និងហេដ្ឋារចនាសម្ព័ន្ធមានសភាពធំទូលាយ ។
គួរបញ្ជាក់ថា បុរីភ្នំពេញថ្មី អេលីតផាក ១ និង ២ មានលក់ផ្ទះល្វែង វីឡាកូនកាត់ វីឡាភ្លោះ វីឡាឃ្វីន និង វីឡាឃីង ព្រមទាំងដីឡូតិ៍ទំហំ ២០ម x ៣០ម ។ សម្រាប់អតិថិជនដែលកក់ផ្ទះ ១ ល្វែងថ្ងៃនេះនឹងទទួលបាននូវការបញ្ចុះតំលៃ ៩% ភ្លាម និងបញ្ចុះបន្ថែម $3000, $5000 និង $10000 សម្រាប់ផ្ទះវីឡាកូនកាត់ វីឡាភ្លោះ និង វីឡាទោល ។ ព័ត៌មានបន្ថែម សូមទំនាក់ទំនង ទៅកាន់លេខ៖ 012 719 559, 012 933 666, 012 260 123 ៕ ដោយសហការ (កែសម្រួលដោយ ៖ បុប្ផា)
ចែករំលែកព័តមាននេះ