អ្នកដែលជោគជ័យ និងមានទ្រព្យសម្បត្តិស្តុកស្តម្ភភាគច្រើនជាមនុស្សដែលខិតខំច្រើនជាងអ្នកដទៃ មានទេពកោសល្យជាងអ្នកដទៃ ឬស្គាល់មនុស្សដែលអាចជួយពួកគេបានច្រើនជាងអ្នកដទៃ។ ប៉ុន្តែការស្រាវជ្រាវមួយចំនួនក៏បានបង្ហាញឲ្យដឹងថា រូបសម្រស់ខាងក្រៅក៏អាចប៉ះពាល់ដល់ឱកាសក្នុងការក្លាយជាមនុស្សជោគជ័យ និងការរកលុយរបស់មនុស្សដែរ។
ការសិក្សាបានបង្ហាញឲ្យដឹងថា អ្នកដែលមានរូបសម្រស់ស្អាតបាតមានឱកាសច្រើនជាងមនុស្សទូទៅក្នុងការទទួលបានការងារ រកលុយ និងទាក់ទាញភ្ញៀវឲ្យទិញផលិតផលដែលខ្លួនកំពុងលក់ជាដើម។ លើសពីនេះទៅទៀត អ្នកទាំងនេះក៏មានឱកាសច្រើនក្នុងការជាប់ឆ្នោតដែរ។
អ្នកជំនាញផ្នែកចិត្តសាស្ត្របានឲ្យដឹងថា គម្លាតប្រាក់ចំណូលរវាងមនុស្សដែលមានរូបសម្រស់ស្អាត និងអ្នកដទៃស្ទើរតែស្មើនឹងគម្លាតប្រាក់ចំណូលមនុស្សដែលមានភេទនិងជាតិសាសន៍ខុសគ្នាដែរ។ មូលហេតុអ្វីបានជាមនុស្សដែលស្អាតៗនិងសង្ហាៗអាចរកលុយ និងជោគជ័យបានច្រើនជាងមនុស្សទូទៅ0x017d7
១. ពួកគេត្រូវបានចាត់ទុកថាមានសមត្ថភាពធ្វើការជាងមនុស្សទូទៅ
ក្នុងការពិសោធន៍មួយកាលពីឆ្នាំ ២០០៣ បានប្រទះឃើញថា ក្រុមហ៊ុនភាគច្រើនផ្តល់ប្រាក់ខែដល់បុគ្គលិកដែលស្អាតឬសង្ហា ១០.៥% ច្រើនជាងអ្នកដែលមិនស្អាតឬសង្ហា។ លើសពីនេះទៅទៀត បើអ្នកមានសម្លេងពិរោះគួរឲ្យទាក់ទាញនោះអ្នកក៏មានឱកាសច្រើនដូចគ្នាដែរ។
២. ពួកគេមានជំនឿចិត្តច្រើនជាងមនុស្សទូទៅ
ការស្រាវជ្រាវបានឲ្យដឹងថា មនុស្សតែងតែគិតថាអ្នកដែលស្អាតឬសង្ហាជាមនុស្សដែលពូកែនិយាយ ចេះដឹកនាំល្អ មានសុខភាពផ្លូវចិត្តល្អ និងឆ្លាតវាងវៃជាដើម ដែលអនុញ្ញាតឲ្យពួកគេមានជំនឿចិត្តលើខ្លួនឯងច្រើនជាងមនុស្សដែលមិនមានរូបសម្រស់ស្អាតបាត។ ហើយជំនឿចិត្តនេះអនុញ្ញាតឲ្យពួកគេលេចធ្លោទាំងក្នុងការសិក្សា និងការងារ។
៣. ពួកគេមានជំនាញទាក់ទងដែលជួយឲ្យពួកគេរកលុយបានច្រើន
មនុស្សដែលមានរូបសម្រស់ស្អាតសង្ហាមានជំនាញទាក់ទងល្អជាងមនុស្សទូទៅ។ ទោះជាវាមិនពិតក៏ដោយ តែអ្នកដទៃតែងតែគិតថាពួកគេមានសមត្ថភាពនេះដែលធ្វើឲ្យអ្នកមានរូបសម្រស់ស្អាតសង្ហាទទួលបានឱកាសការងារច្រើន។
៤. ស្ត្រីដែលមានរូបសម្រស់ស្អាតអាចចរចាជាមួយបុរសបានងាយ
បុរសៗភាគច្រើនចរចាមិនឈ្នះស្ត្រីដែលមានរូបសម្រស់ស្អាតឡើយពេលដែលនិយាយពីប្រាក់ខែ ឬកិច្ចការផ្សេងៗ។ ជាមួយគ្នានេះផងដែរ ស្ត្រីដែលពូកែតុបតែងមុខសមរម្យត្រូវបានចាត់ទុកថាមានសមត្ថភាពខ្ពស់ គួរឲ្យចូលចិត្ត និងគួរឲ្យទុកចិត្ត ៕
ចែករំលែកព័តមាននេះ