ក្របីដែលចោរលួច7ក្បាល ត្រូវអ្នកភូមិរកឃើញវិញ ម្ចាស់ប្រកាសជប់លៀង
- កំពត
ខេត្តកំពត ៖ បច្ចុប្បន្ន សកម្មភាពក្រុមចោរលួចក្របីដឹកតាមរថយន្តកំពុងអុកឡុកក្នុងភូមិសាស្ត្រឃុំកោះតូច និងឃុំព្រែកត្នោត ស្រុកទឹកឈូ ។ លោកតា កិល ឆាយ…
ខេត្តកំពត ៖ បច្ចុប្បន្ន សកម្មភាពក្រុមចោរលួចក្របីដឹកតាមរថយន្តកំពុងអុកឡុកក្នុងភូមិសាស្ត្រឃុំកោះតូច និងឃុំព្រែកត្នោត ស្រុកទឹកឈូ ។ លោកតា កិល ឆាយ…
ខេត្តកំពត ៖ បច្ចុប្បន្ន សកម្មភាពក្រុមចោរលួចក្របីដឹកតាមរថយន្តកំពុងអុកឡុកក្នុងភូមិសាស្ត្រឃុំកោះ
តូច និងឃុំព្រែកត្នោត ស្រុកទឹកឈូ ។ លោកតា កិល ឆាយ អាយុ៧៦ឆាំ្ន នៅភូមិព្រែកអំពិល ឃុំកោះតូច និយាយប្រាប់អ្នកយកព័ត៌មានកាលពីព្រឹកថ្ងៃទី២៤ ខែធ្នូថា ក្រុមចោរមានគ្នាប្រហែល៥នាក់ បានលួចក្របីគាត់ចំនួន៩ក្បាល កាលពីវេលាម៉ោងប្រមាណ១២យប់ថ្ងៃទី១៨ ខែធ្នូ ។ ក្រុមចោរនេះ ពិតជាហ៊ានណាស់ ហើយពេលនោះគាត់បានប្រកូកប្រកាសហៅអ្នកភូមិឲ្យជួយតាមស្កាត់ និងឡោមព័ទ្ធមិនយូរប៉ុន្មាន ក្របីដែលចោរលួចទាំង៩ក្បាលត្រូវបានចោរលែងនៅក្នុងសមុទ្រវិញ ។
ម្ចាស់ក្របីដែលមានវ័យចំណាស់រូបនេះ បានថ្លែងអំណរគុណសមត្ថកិច្ច និងប្រជាពលរដ្ឋដែលបានចេញជួយឡោមពទ្ធ័ក្រុមចោរលួចក្របី របស់គាត់ ។ ដោយសារតែភ័យខ្លាចអ្នកស្រុកដែលតាមប្រកៀកប្រកិត ក្រុមចោរក៏ដឹកក្របីសសៀរក្បែរមាត់សមុទ្រប្រុងនឹងឡើងរថយន្ត តែក៏បែកការណ៍ ។ ម្ចាស់ក្របីនិយាយទៀតថា គាត់បានថ្លែងអំណរគុណអ្នកភូមិដែលជួយតាមរកក្របីគាត់បានមកវិញ ហើយគាត់មានគម្រោងនឹងធ្វើពិធីជប់លៀងម្ដង ។
លោកនាយប៉ុស្ដិ៍នគរបាលឃុំកោះតូចនិយាយថា ក្របីទាំង៩ក្បាលដែលចោរលួចនេះត្រូវបានរកឃើញហើយ ។ លោកនាយប៉ុស្ដិ៍បានស្នើអ្នកយកព័ត៌មានថា កុំសរសេរឈ្មោះគាត់ក្នុងអត្ថបទព័ត៌មានអី ព្រោះលោកអធិការនគរបាលស្រុក មានការផ្លាស់ប្ដូរមកស្នងការដ្ឋាននគរបាលខេត្តហើយ និងជំនួសអ្នកថ្មីវិញ ។
គេបានដឹងថា រយៈពេល២ខែចុងឆាំ្ន២០១៩នេះ នៅឃុំព្រែកត្នោត និងឃុំកោះតូច ស្រុកទឹកឈូ មានករណីចោរលួចក្របីជិត៣០ក្បាល ហើយបានមកវិញតែ៩ក្បាលប៉ុណ្ណោះ ៕
ចែករំលែកព័តមាននេះ