រាជធានីភ្នំពេញ ៖ ចៅក្រមស៊ើបសួរសាលាដំបូងរាជធានីភ្នំពេញ កាលពីរសៀលថ្ងៃទី២៤ ខែធ្នូ ឆ្នាំ២០១៩ បានសម្រេចចេញដីការឃុំខ្លួនជនជាតិចិនចំនួន៤នាក់ដែលជាប់ពាក់ព័ន្ធករណី បង្ខាំងជនជាតិចិនដូចគ្នា ដាក់ពន្ធនាគារជាបណ្តោះអាសន្ន ។…
រាជធានីភ្នំពេញ ៖ ចៅក្រមស៊ើបសួរសាលាដំបូងរាជធានីភ្នំពេញ កាលពីរសៀលថ្ងៃទី២៤ ខែធ្នូ ឆ្នាំ២០១៩ បានសម្រេចចេញដីការឃុំខ្លួនជនជាតិចិនចំនួន៤នាក់ដែលជាប់ពាក់ព័ន្ធករណី បង្ខាំងជនជាតិចិនដូចគ្នា ដាក់ពន្ធនាគារជាបណ្តោះអាសន្ន ។
ជនសង្ស័យទាំង៤នាក់ខាងលើរួមមាន ១-ឈ្មោះ LY KANGJIE ភេទប្រុស អាយុ២៧ឆ្នាំ ២-ឈ្មោះ WU YOU ភេទប្រុស អាយុ២៥ឆ្នាំ ៣-ឈ្មោះWANGJIAN ភេទប្រុស អាយុ២៩ឆ្នាំ និង៤-ឈ្មោះ CHEN JIAJIA ភេទប្រុស អាយុ២៧ឆ្នាំ ។
ចំណែកជនរងគ្រោះឈ្មោះ HUANG BOLIN អាយុ២០ឆ្នាំ ចូលប្រទេសកម្ពុជាចំនួន៣លើក លើកចុងក្រោយនៅថ្ងៃទី២៣ ខែវិច្ឆិកា ២០១៩ តាមច្រកអាកាសយានដ្ឋានអន្តរជាតិភ្នំពេញ គោលបំណងរកការងារធ្វើ។
គួររំលឹកថា សមត្ថកិច្ចការិយាល័យស៊ើបអង្កេត និងអនុវត្តនីតិវិធី ផែនការងារអន្តោប្រវេសន៍ នៃស្នងការដ្ឋាននគរបាលរាជធានីភ្នំពេញ បានចុះត្រួតពិនិត្យទីតាំងសណ្ឋាគារយីហោ ជីងហាយវ័ន ស្ថិតតាមបណ្ដោយផ្លូវលេខ១៣៩ សង្កាត់វាលវង់ ខណ្ខ៧មករា កាលពីរសៀលថ្ងៃទី២០ ខែធ្នូ ឆ្នាំ២០១៩ ដើម្បីរកជនបរទេសណាដែលលួចចូលមកប្រទេសកម្ពុជាដោយខុសច្បាប់ ស្រាប់តែរកឃើញបុរសជនជាតិចិនចំនួន៥នាក់ គ្មានលិខិតឆ្លងដែនជាប់នឹងខ្លួនក្នុងនោះមានម្នាក់ជាជនរងគ្រោះដោយការចាប់ជំរិតទារប្រាក់ ។ ចំណែក៤នាក់ទៀតជាជនសង្ស័យក្នុងករណីចាប់ជំរិត និងបង្ខាំងជនជាតិចិនដូចគ្នា៕ (កែសម្រួលដោយ ៖ ធីតា)
ចែករំលែកព័តមាននេះ