Zidane ថា Real Madrid មិនត្រូវការកីឡាករដូច Ronaldo ទេ
តាមប្រភពព័ត៌មាន Soccer Laduma បានឱ្យដឹងថា បន្ទាប់ពីក្លិបយក្សអេស្ប៉ាញ Real Madrid ធ្លាក់ពិន្ទុនៅ LaLiga ជាថ្មីម្តងទៀតកាលពីចុងសប្តាហ៍មុននេះ…
តាមប្រភពព័ត៌មាន Soccer Laduma បានឱ្យដឹងថា បន្ទាប់ពីក្លិបយក្សអេស្ប៉ាញ Real Madrid ធ្លាក់ពិន្ទុនៅ LaLiga ជាថ្មីម្តងទៀតកាលពីចុងសប្តាហ៍មុននេះ…
តាមប្រភពព័ត៌មាន Soccer Laduma បានឱ្យដឹងថា បន្ទាប់ពីក្លិបយក្សអេស្ប៉ាញ Real Madrid ធ្លាក់ពិន្ទុនៅ LaLiga ជាថ្មីម្តងទៀតកាលពីចុងសប្តាហ៍មុននេះ អ្នកចាត់ការ Zinedine Zidane ត្រូវបានគេសួរបញ្ជាក់ពីមូលហេតុនៃការធ្លាក់ចុះនេះ ថាវាអាចមកពីអវត្តមាន Cristiano Ronaldo មែនឬមិនមែន។
ក្រោយស្មើ ២ប្រកួត ទល់នឹងក្រុម FC Barcelona និង Athletic Bilbao ក្នុងលីគ គ្រូបង្វឹកជនជាតិបារាំងបច្ចុប្បន្នមាន ២ពិន្ទុតាមពីក្រោយក្រុមយក្សកាតាឡាន់ Barcelona ដែលបានយកឈ្នះក្រុម Deportivo Alaves ៤-១ កាលពីថ្ងៃសៅរ៍។
បន្ទាប់ពីការជាប់គាំងរបស់ក្លិបម៉ាឌ្រីដកាលពីយប់ថ្ងៃអាទិត្យ Zidane ត្រូវបានគេសួរថា តើគាត់គិតថា នេះមកពី Real បាត់អ្នករកគ្រាប់បាល់ដូច Ronaldo មែនដែរឬទេ។ យោងតាមគេហទំព័រ Sport360 លោក Zidane បាននិយាយថា៖ «ទេអ្វីដែលយើងត្រូវធ្វើ គឺបន្តធ្វើអ្វីដែលយើងកំពុងធ្វើ។ វាមានតែ ២ប្រកួតប៉ុណ្ណោះ ដែលយើងមិនរកគ្រាប់បាល់បាន»។
លោក Zidane បានបន្តថា៖ «បាល់ទាត់គឺដូចនោះហើយ។ នៅពេលយើងខ្លាំងដូចមុន នៅពេលយើងឈ្នះដូចមុន យើងនឹងអាចដោះស្រាយបញ្ហានេះបានហើយ។ ខ្ញុំគិតថា យើងមិនត្រូវការអ្វីនោះទេ (Ronaldo)។ អ្វីដែលយើងត្រូវការ គឺត្រូវបន្តធ្វើអ្វីដែលយើងកំពុងធ្វើ ព្រោះយើងកំពុងធ្វើបានល្អនៅគ្រប់កម្រិតទាំងអស់»៕
ចែករំលែកព័តមាននេះ