មកដឹងពីចំណុចពិសេសដែលលោក Elon Musk ខុសពីមនុស្សទូទៅ !
នៅពេលដែលលោកមហាសេដ្ឋី អ៊ីឡុន ម៉ាស់ (Elon Musk) អាយុ ១៧ឆ្នាំ លោកបានចាកចេញពីផ្ទះនៅអាមេរិកខាងត្បូងមកកាន់ប្រទេសកាណាដាវិញ ដើម្បីបន្តការសិក្សានៅសាកលវិទ្យាល័យ Queen’s…
នៅពេលដែលលោកមហាសេដ្ឋី អ៊ីឡុន ម៉ាស់ (Elon Musk) អាយុ ១៧ឆ្នាំ លោកបានចាកចេញពីផ្ទះនៅអាមេរិកខាងត្បូងមកកាន់ប្រទេសកាណាដាវិញ ដើម្បីបន្តការសិក្សានៅសាកលវិទ្យាល័យ Queen’s…
នៅពេលដែលលោកមហាសេដ្ឋី អ៊ីឡុន ម៉ាស់ (Elon Musk) អាយុ ១៧ឆ្នាំ លោកបានចាកចេញពីផ្ទះនៅអាមេរិកខាងត្បូងមកកាន់ប្រទេសកាណាដាវិញ ដើម្បីបន្តការសិក្សានៅសាកលវិទ្យាល័យ Queen’s University ។ នៅឆ្នាំទី១របស់លោកលោក ម៉ាស់ បានស្គាល់មិត្តជិតស្និទ្ធិរបស់ខ្លួន គឺលោក ណាវេដ ហ្វារូក (Navaid Farooq) ដែលជាជនជាតិកាណាដាម្នាក់ ។
យោងទៅតាមសៀវភៅ Elon Musk: Tesla, SpaceX, and the Quest for a Fantastic Future បានឲ្យដឹងថា អ្នកទាំងពីរបានជិតស្និទ្ធិនឹងគ្នាព្រោះតែមានប្រវត្តិរស់នៅបរទេស និងចំណូលចិត្តលើហ្គេមដែលតម្រូវឲ្យមានការប្រើយុទ្ធសាស្ត្រ ។
លោក ហ្វារូក បានរៀនសូត្រជាច្រើនពីលោក ម៉ាស់ ហើយលោកមើលឃើញចំណុចមួយដែលធ្វើឲ្យលោក ម៉ាស់ ខុសពីមនុស្សទូទៅដែលលោកស្គាល់ ។ លោកបាននិយាយក្នុងសៀវភៅខាងលើថា «ពេលដែលអ៊ីឡុនចាប់ផ្តើមធ្វើអ្វីមួយ គេចាប់ផ្តើមបង្កើតចំណាប់អារម្មណ៍លើវាដែលខុសពីមនុស្សដទៃ» ។ លោកបានបន្តថា លោក អ៊ីឡុន អាចធ្វើអ្វីមួយជាប់រហូតអស់រយៈពេលជាច្រើនម៉ោង ដើម្បីសម្រេចវាឲ្យបាន ហើយពួកលោកជាមនុស្សដែលអាចនៅម្នាក់ឯងក្នុងពិធីជប់លៀងណាមួយដោយមិនខ្វល់ខ្វាយពីអ្នកដទៃ ។
នៅសាកលវិទ្យាល័យ លោក ម៉ាស់ យកចិត្តទុកដាក់លើការអប់រំរបស់លោកណាស់ ។ លោកបានរៀនផ្នែកអាជីវកម្ម ចូលរួមការប្រកួតប្រជែងនិយាយជាសាធារណៈ និងប្រកួតប្រជែងពិន្ទុជាមួយមិត្តរួមថ្នាក់ថែមទៀត ។
អ្នកស្រី ចាស្ទីន ម៉ាស់ (Justine Musk) ដែលជាភរិយាដំបូងរបស់លោក ម៉ាស់ បានប្រាប់ដែរថា លោក ម៉ាស់ មានទម្លាប់តេទៅកាន់មនុស្សម្នាក់រហូតដល់គេលើកទូរស័ព្ទ ហើយថែមទាំងចូលចិត្តប្រៀបធៀបពិន្ទុជាមួយអ្នកស្រីទៀតផង ។ https://images.app.goo.gl/8S2CQBy6Ny3iYf5n7 អ្នកទាំងពីរបានរៀនផ្នែកចិត្តសាស្ត្រជាមួយគ្នា ហើយបន្ទាប់ពីការប្រលងមួយ អ្នកស្រីទទួលបាន៩៧ពិន្ទុ ហើយលោកម៉ាស់បាន ៩៨ ពិន្ទុ ។ តែលោកបានទៅតវ៉ាជាមួយនឹងសាស្ត្រាចារ្យរហូតដល់បាន ២ពិន្ទុចុងក្រោយ ។
មកដល់បច្ចុប្បន្ននេះលោក ម៉ាស់ នៅតែមានទម្លាប់វក់វីនឹងការធ្វើអ្វីមួយរហូតដល់ទីបញ្ចប់មិនថាវាជាកិច្ចការអ្វីទេ ។ កាលពីខែវិច្ឆិកាឆ្នាំ ២០១៨កន្លងមកលោកបាននិយាយក្នុងបទសម្ភាសមួយថាលោកបានធ្វើការ ១២០ម៉ោងក្នុងមួយសប្តាហ៍ឯណោះដើម្បីពន្លឿនផលិតកម្មរថយន្ត Tesla Model 3 របស់លោក ៕ កែសម្រួលដោយ ៖ សុឃាក់
ចែករំលែកព័តមាននេះ