Carlo Ancelotti ចេញពី Napoli ទៅធ្វើព្យុះភ្លៀងនៅអង់គ្លេស
តាមប្រភពព័ត៌មាន Soccer Laduma បានឱ្យដឹងថា អតីតគ្រូបង្វឹក Real Madrid និង Bayern Munich…
តាមប្រភពព័ត៌មាន Soccer Laduma បានឱ្យដឹងថា អតីតគ្រូបង្វឹក Real Madrid និង Bayern Munich…
តាមប្រភពព័ត៌មាន Soccer Laduma បានឱ្យដឹងថា អតីតគ្រូបង្វឹក Real Madrid និង Bayern Munich លោក Carlo Ancelotti ត្រូវបានតែងតាំងជាគ្រូបង្វឹកថ្មីរបស់ក្លិប Everton ។
លោក Ancelotti ត្រូវបានគេបណ្តេញចេញពីក្លិប Serie A Napoli កាលពីសប្តាហ៍មុន បន្ទាប់ពីទទួលបានជ័យជំនះក្នុងការប្រកួតដណ្តើមពានរង្វាន់ UEFA Champions League។ ត្រឹមតែពេលប៉ុន្មានថ្ងៃសោះ គាត់បានរកឃើញក្លិបថ្មីសម្រាប់ដឹកនាំភ្លាម។
គ្រូបង្វឹកសញ្ជាតិអ៊ីតាលីរូបនេះ បានមកកាន់តំណែងជាគ្រូបង្វឹក បន្តពីអតីតគ្រូបង្វឹក Marco Silva ដែលត្រូវបានបណ្តេញចេញកាលពីដើមខែនេះ ក្រោយពីដឹកនាំទទួលបានលទ្ធផលមិនល្អ។ លោក Ancelotti នៅពេលនេះ បានចុះកុងត្រាជាមួយនឹងក្លិបស្ករគ្រាប់ Everton រយៈពេលបួនឆ្នាំ។
លោក Ancelotti បានប្រាប់លើវេបសាយផ្លូវការរបស់ក្លិប Everton ថា៖«នេះគឺជាក្លិបដ៏អស្ចារ្យមួយ ដែលមានប្រវតិ្តសាស្ត្រដ៏សំបូរបែបនិងមានអ្នកគាំទ្រជាច្រើន។ យើងឃើញមានចក្ខុវិស័យច្បាស់លាស់ពីម្ចាស់និងក្រុមប្រឹក្សាភិបាលរបស់ក្លិប ក្នុងការនាំមកនូវភាពជោគជ័យនិងពាន។ នោះគឺជាអ្វី ដែលលេចធ្លោសម្រាប់ខ្ញុំក្នុងនាមជាគ្រូបង្វឹក និង ធ្វើឱ្យខ្ញុំចង់មកធ្វើការជាមួយនឹងមនុស្សគ្រប់គ្នានៅទីនេះ ដើម្បីធ្វើឱ្យចក្ខុវិស័យនេះក្លាយទៅជាការពិត»។
លោកបានបន្តថា៖«ខ្ញុំបានឃើញពីការលេងរយៈពេលពីរសប្តាហ៍ចុងក្រោយនេះ ដែលកីឡាករសុទ្ធតែមានសមត្ថភាពខ្ពស់។ ខ្ញុំសូមសរសើរដល់ Duncan សម្រាប់ការដឹកនាំបានល្អ។ ការរៀបចំល្អ វិន័យរឹងមាំ និងការលើកទឹកចិត្តត្រឹមត្រូវ គឺជាធាតុផ្សំសំខាន់ៗមួយចំនួននៅក្នុងបាល់ទាត់ ហើយខ្ញុំពិតជារីករាយដែលគាត់នឹងក្លាយជាផ្នែកមួយនៃក្រុម នៅក្នុងដំណើរខាងមុខ»៕
កែសម្រួលដោយ ៖ សំណាង
ចែករំលែកព័តមាននេះ