រាជធានីភ្នំពេញ ៖ លោក ឯក ប៉ូលីហ្វីល ចៅក្រមស៊ើបសួរនៃសាលាដំបូងរាជធានីភ្នំពេញ កាលពីរសៀលថ្ងៃទី២១ ខែធ្នូ បានចេញដីកាបង្គាប់ឱ្យឃុំខ្លួនថៅកែស្ថានីយប្រេង PTT…
រាជធានីភ្នំពេញ ៖ លោក ឯក ប៉ូលីហ្វីល ចៅក្រមស៊ើបសួរនៃសាលាដំបូងរាជធានីភ្នំពេញ កាលពីរសៀលថ្ងៃទី២១ ខែធ្នូ បានចេញដីកាបង្គាប់ឱ្យឃុំខ្លួនថៅកែស្ថានីយប្រេង PTT នៅជិតរង្វង់មូលកួរស្រូវ ក្នុងខណ្ឌ ដង្កោ ដាក់ពន្ធនាគារជាបណ្តោះអាសន្ន ពាក់ព័ន្ធនឹងការប្រើអំពើហិង្សាយ៉ាងធ្ងន់ទៅលើគ្រូបង្រៀនម្នាក់ ធ្វើឱ្យមានការភ្ញាក់ផ្អើលខណៈមានការបង្ហោះវីដេអូឃ្លីបរបស់ខ្លួន ។ នេះបើតាមមន្ត្រីសាលាដំបូង បានប្រាប់ឱ្យដឹងនារសៀលថ្ងៃដដែល ។
ថៅកែស្ថានីយប្រេង PTT នៅរង្វង់មូលកួរស្រូវនេះឈ្មោះ សារុន វិធុរ៉ាក់ និងកូនចៅ ត្រូវបានលោក សាយ ណូរ៉ា ព្រះរាជអាជ្ញារងអមសាលដំបូងរាជធានីភ្នំពេញ សម្រេចចោទប្រកាន់ពីបទ«ប្រើហិង្សាដោយចេតនាមានស្ថានទម្ងន់ទោស» ព្រោះអ្នកប្រព្រឹត្តមានគ្នាច្រើន យោងតាមមាត្រា២១៨ នៃក្រមព្រហ្មទណ្ឌ ទៅ
លើជនរងគ្រោះឈ្មោះ អុឹម សិរីរដ្ឋ ជាគ្រូបង្រៀនដែលជាប់ចោទលួចចូលបន្ទប់ទឹកស្ត្រីលួចថត ។
លោក សារុន វិធុរ៉ាក់ ដែលជាកូនប្រុសរបស់លោក ច័ន្ទ សារុន អតីតរដ្ឋមន្ដ្រីក្រសួងកសិកម្ម និងបច្ចុប្បន្នជាតំណាងរាស្ដ្រមណ្ឌលតាកែវ បានរួមជាមួយបក្ខពួកប្រើហិង្សាយ៉ាងធ្ងន់ធ្ងរទៅលើលោក អុឹម សិរីរដ្ឋ កាលពីយប់ថ្ងៃទី១៦ ខែធ្នូកន្លងទៅ នៅក្នុងបរិវេណស្ថានីយប្រេងរបស់ខ្លួន ដោយពួកគេចោទគ្រូបង្រៀនរូបនេះ ថាបានចូលទៅអុកឡុក និងចូលលួចថតក្នុងបន្ទប់ទឹកស្រី ។ ប៉ុន្តែលោក អុឹម សិរីរដ្ឋ បានព្យា
យាមការពារខ្លួន តែគេបែរជាចោទប្រកាន់ហើយបានវាយដំបណ្តាលឲ្យរងរបួសយ៉ាងធ្ងន់ ។
មិនតែប៉ុណ្ណោះ លោក សារុន វិធុរ៉ាក់ ថែមទាំងបង្ហោះវីដេអូរូបគ្រូបង្រៀនរូបនេះដែលត្រូវ ចងដៃទៅក្រោយនិងចាប់បោចសក់ ដែលធ្វើឱ្យមហាជនជាច្រើនរិះគន់យ៉ាងចាស់ដៃ ចំពោះការប្រើអំពើហិង្សាដ៏ព្រៃផ្សៃនេះ។
ចែករំលែកព័តមាននេះ