កីឡាករ វង្ស វិឆ័យ ដណ្ដើមបានខ្សែក្រវាត់អន្តរជាតិហើយ
- ភ្នំពេញ
រាជធានីភ្នំពេញ ៖ មិនខុសពីការតាំងចិត្ត ការប្រកួតដណ្ដើមខ្សែក្រវាត់អន្តរជាតិរបស់ទូរទស្សន៍អាស៊ីអាគ្នេយ៍ កាលពីថ្ងៃទី២២ ធ្នូ ឆ្នាំ២០១៩ កីឡាករកម្ពុជា គឺ វង្ស…
រាជធានីភ្នំពេញ ៖ មិនខុសពីការតាំងចិត្ត ការប្រកួតដណ្ដើមខ្សែក្រវាត់អន្តរជាតិរបស់ទូរទស្សន៍អាស៊ីអាគ្នេយ៍ កាលពីថ្ងៃទី២២ ធ្នូ ឆ្នាំ២០១៩ កីឡាករកម្ពុជា គឺ វង្ស…
រាជធានីភ្នំពេញ ៖ មិនខុសពីការតាំងចិត្ត ការប្រកួតដណ្ដើមខ្សែក្រវាត់អន្តរជាតិរបស់ទូរទស្សន៍អាស៊ីអាគ្នេយ៍ កាលពីថ្ងៃទី២២ ធ្នូ ឆ្នាំ២០១៩ កីឡាករកម្ពុជា គឺ វង្ស វិឆ័យ ក្លាយជាអ្នកដណ្ដើមបាន តាមរយៈការផ្ដួលកីឡាករថៃ Phat Oubun ឱ្យសន្លប់ក្នុងទឹកទី៤។
លោក រាជ សូរផែន ប្រធានស្នងការប្រដាល់ប្រចាំទូរទស្សន៍អាស៊ីអាគ្នេយ៍នេះ គឺជាការប្រកួតសន្សំពិន្ទុដណ្ដើមពាន និងខ្សែក្រវាត់អន្តរជាតិ ដោយដើមដំបូង គឺមានកីឡាករកម្ពុជា៤រូប និងថៃ៤រូប ហើយតម្រូវឱ្យពួកគេប្រឡូកគ្នាក្នុងពូល ដើម្បីស្វែងរកកីឡាករថៃមួយរូប និងកម្ពុជា១រូប ដែលជាចំណាត់ថ្នាក់លេខ១ ប្រចាំពូល ឡើងទៅប្រកួតគ្នាក្នុងវគ្គផ្ដាច់ព្រ័ត្រ។
លោកថា កីឡាករកម្ពុជា វង្ស វិឆ័យ និងកីឡាករថៃ Phat Oubun គឺជាតំណាងប្រចាំពូលនីមួយៗ ដែលទទួលបានពិន្ទុខ្ពស់ជាងគេ មុនពេលមានមុខប៉ះគ្នាស្វែងរកម្នាក់ធ្វើជាម្ចាស់ខ្សែក្រវាត់អន្តរជាតិ។ លោកកោតសរសើរចំពោះកីឡាករកម្ពុជា ដែលដណ្ដើមបានឱកាសឈ្នះ ហើយក្លាយជាម្ចាស់ខ្សែក្រវាត់អន្តរជាតិនៅក្នុងថ្ងៃនោះ។
យ៉ាងណាមិញលោកថា បើកីឡាករថៃ មិនភ្លាត់នោះទេ កីឡាករកម្ពុជាក៏ពិបាកស៊ីដែរ ដោយសារតែកីឡាករថៃ ក៏មានសមត្ថភាពខ្លាំង។
លោកថា ការប្រកួតនៅវគ្គបញ្ចប់នោះ កីឡាករ វង្ស វិឆ័យ ទទួលបានពានមួយ ខ្សែក្រវាត់១ ទឹកប្រាក់៥ពាន់ដុល្លារ។ លេខ២ គឺកីឡាករថៃ Phat Oubun បានទឹកប្រាក់៣ពាន់ដុល្លារ លេខ៣ គឺកីឡាករថៃ Chhouk Chhai ទទួលបានប្រាក់រង្វាន់១៥០០ដុល្លារ និងលេខ៤ គឺ កីឡាករកម្ពុជា នី សុភី ឬ ឡុង សុភី ទទួលបានទឹកប្រាក់១ពាន់ដុល្លារ។ នេះជាកម្មវិធីរបស់ភេសជ្ជៈឆាមពាន សម្រាប់រដូវកាលទី១ ក្នុងប្រភេទទម្ងន់៦៧គីឡូក្រាម។ (កែសម្រួលដោយ៖ បុប្ផា)
ចែករំលែកព័តមាននេះ