រាជធានីភ្នំពេញ ៖ សេចក្តីរាយការណ៍បឋមបានឲ្យដឹងថា យុវជន២នាក់ត្រូវបានសមត្ថកិច្ចឃាត់យកទៅសាកសួរ ក្រោយពីខឹងសណ្តាប់ធ្នាប់ខណ្ឌសែនសុខ បើករឺម៉កកង់បីជែងបានដកដំបងបំពង់ទីបគំរាមរកវាយ ករណីខាងលើកើតឡើង កាលពីម៉ោង៨និង៣០នាទីយប់ថ្ងៃទី២១ ខែធ្នូនេះ នៅចំណុចមុខវត្តទឹកថ្លា តាមផ្លូវសហព័ន្ធរុស្សី ភូមិចុងថ្នល់ខាងកើត សង្កាត់ទឹកថ្លា ខណ្ឌសែនសុខ ។
យុវជនខាងលើទី១- ឈ្មោះ ផូ ផល្លី អាយុ២១ឆ្នាំ មុខរបរជាងជួសជុល រថយន្តស្នាក់នៅសង្កាត់បឹងសាឡាង ខណ្ឌទួលគោក ។ ទី២-ឈ្មោះ ឈុន លីហេង អាយុ២២ឆ្នាំ មុខរបរ
ជាងជួសជុលរថយន្តស្នាក់នៅជាមួយគ្នា ។
ប្រភពពីសមត្ថកិច្ចបានឲ្យដឹងថា នៅមុនកើតហេតុយុវជនទាំង២នាក់បានជិះម៉ូតូមួយគ្រឿងប្រភេទកូនទាជិះឌុបគ្នាក្នុងទិសដៅពីលិចទៅកើត ខណៈមកដល់គោលដៅខាងលើ
ស្រាប់តែមានសណ្តាប់ធ្នាប់ខណ្ឌសែនសុខ បើករឺម៉កកង់បីដើរប្រមូលសំរាមបានបើកជែងម៉ូតូយុវជនទាំង២នាក់ ធ្វើឲ្យយុវជនខាងលើខឹងបានដកដំបងបំពង់ទីបពីលើម៉ូតូមកកាន់គំរាមរកវាយភ្លាមៗត្រូវបានសមត្ថកិច្ចឃើញក៏ឃាត់ទាំង២នាក់យកមកធ្វើការសាកសួរនៅប៉ុស្តិ៍តែម្តង ។
ពាក់ព័ន្ធករណីខាងលើនេះ សមត្ថកិច្ចបានឲ្យដឹងថា ក្រោយយកមកសាកសួរក៏បានធ្វើការអប់រំ រួចឲ្យអាណាព្យាបាលមកធ្វើការធានារួចត្រឡប់ទៅផ្ទះវិញ
ចែករំលែកព័តមាននេះ