ជុំវិញសំណុំរឿងនាយចឺមបែកក្បាល ជនដៃដល់ត្រូវតុលាការឃុំខ្លួន
- ប៉ៃលិន
រាជធានីភ្នំពេញ ៖ ចាប់ពីវេលាទៀបភ្លឺ ថ្ងៃទី១៨ ធ្នូ រហូតមកដល់ថ្ងៃទី២០ ធ្នូ រឿងរ៉ាវរបស់តារាចម្រៀងនាយចឺម ដែលរងអំពើហិង្សាពីសំណាក់ជនបង្កឈ្មោះ ង៉ែត…
រាជធានីភ្នំពេញ ៖ ចាប់ពីវេលាទៀបភ្លឺ ថ្ងៃទី១៨ ធ្នូ រហូតមកដល់ថ្ងៃទី២០ ធ្នូ រឿងរ៉ាវរបស់តារាចម្រៀងនាយចឺម ដែលរងអំពើហិង្សាពីសំណាក់ជនបង្កឈ្មោះ ង៉ែត…
រាជធានីភ្នំពេញ ៖ ចាប់ពីវេលាទៀបភ្លឺ ថ្ងៃទី១៨ ធ្នូ រហូតមកដល់ថ្ងៃទី២០ ធ្នូ រឿងរ៉ាវរបស់តារាចម្រៀងនាយចឺម ដែលរងអំពើហិង្សាពីសំណាក់ជនបង្កឈ្មោះ ង៉ែត លីទី នៅតែជាប្រធានបទដែលគ្រប់គ្នាតាមដាននិងចាប់អារម្មណ៍ ទាំងមហាជនទូទៅ រួមទាំងអ្នកគាំទ្រផ្អើលពេញប្រទេស ជុំវិញដើមហេតុនៃការផ្ទុះហិង្សា និងដំណោះស្រាយតាមផ្លូវច្បាប់ ។
បន្ទាប់ពីកើតមានអំពើហិង្សាបណ្ដឹងរបស់ជនរងគ្រោះ(នាយចឺម)ត្រូវបានធ្វើការទាមទារនៅអធិការដ្ឋាននគរបាលស្រុកសាលាក្រៅ ។ ប៉ុន្តែដោយសារពុំមានការស្រុះស្រួលគ្នាពីភាគីជនរងគ្រោះ និងអ្នកបង្កទើបត្រូវបានសមត្ថកិច្ចជំនាញនៃអធិការដ្ឋាននគរបាលស្រុកសាលាក្រៅ កសាងសំណុំរឿងបញ្ជូនបន្តទៅស្នងការដ្ឋាននគរបាលខេត្តប៉ៃលិន ដើម្បីចាត់ការតាមនីតិវិធី នាព្រឹកថ្ងៃទី១៩ ខែធ្នូ ។ លោកអធិការនគរបាលស្រុកសាលាក្រៅបានបញ្ជាក់ថា ករណីនេះត្រូវបានរៀបចំបញ្ជូនសំណុំរឿងបន្តទៅកាន់ស្នងការដ្ឋាននគរបាលខេត្តដើម្បីចាត់ការបន្ត ខណៈដែលការដោះស្រាយសំណងរវាងនាយ ចឺម និងអ្នកបង្កហិង្សាមិនអាចសម្រុះសម្រួលគ្នាបានឡើយ ។
លោកថា នៅក្នុងការដោះស្រាយជំហានដំបូង គឺនាយ ចឺម បានទាមទារជំងឺចិត្តចំនួន៣ម៉ឺនដុល្លារ តែភាគីបង្កសុំត្រឹម១ម៉ឺនដុល្លារ ។ សមត្ថកិច្ចសាលាក្រៅច្រានចោលព័ត៌មានថា អ្នកមានអំណាចកាងការពារជនបង្ក
លោកអធិការនគរបាលស្រុកក៏បានច្រានចោលព័ត៌មានដែលលោក ហេង ឡុង បាននិយាយថា ភាគីជនបង្កមានការជួយអន្តរាគមន៍ពីសំណាក់បុគ្គលមានអំណាចពីក្រោយខ្នង ដែលមកកាងដើម្បីបន្ធូរបន្ថយប្រាក់ពីការទាមទារសំណងជំងឺចិត្ត មកនៅត្រឹម៥០០ដុល្លារនោះ ព្រោះលោកធ្វើរឿងមួយនេះ មិនមានអ្នកណាអន្តរាគមន៍នោះទេ ។ ដោយឡែកចំពោះដើមហេតុនៃអំពើហិង្សានេះ ត្រូវបានលោកបញ្ជាក់ថា កើតចេញពីការឆាតឆ្លើយឆ្លង រវាងនាយចឺមនិងជនបង្កដែលក្លែងខ្លួនជានារីសង្សារ(យកហ្វេសប៊ុកលេង)ដើម្បីណាត់ជួបគ្នាជាមួយនាយ ចឺម ។
លោកបាននិយាយទៀតថា បើតាមចម្លើយសួរនាំគឺដំបូងឡើយ ផ្តើមចេញពីការឆ្លើយឆ្លងគ្នាតាមការលេងឆាតហ្វេសប៊ុក រវាងនាយចឺម និងអ្នកបង្កហិង្សា ដែលបន្លំជានារីសង្សាររបស់ខ្លួន រួចក៏ណាត់ជួបគ្នា ទើបកើតមានរឿងហិង្សាចូលទៅវាយតែម្តង ។ លោកថា ក្រោយពេលឆ្លើយឆ្លងឆាតរួច ជនបង្កខាងលើ(បុរសជាសង្សារនារីម្ចាស់ AcountFacebok)ក៏បានទៅជួបនាយ ចឺម ឈានដល់ការប្រើហិង្សាតែម្តង ។
ជុំវិញការប្រើកំហឹងលើនាយចឺម ពីសំណាក់យុវជនឈ្មោះ ង៉ែត លីទី ដោយសារតែការប្រចណ្ឌញ៉ែសង្សាររបស់ខ្លួននោះ គឺខុសឆ្គងដោយសារតែនារីជាសង្សារមិនទាន់ក្លាយជាប្រពន្ធស្របច្បាប់របស់ខ្លួននោះទេ គឺបានត្រឹមជាស្រីស្នេហ៍ ដែលខ្លួនគ្មានសិទ្ធិទៅវាយមនុស្សទី៣បាននោះឡើយ ។
កាលពីរសៀលថ្ងៃទី១៩ ធ្នូ បើតាមការឲ្យដឹងបន្ថែមពីលោក កង សារុន នាយការិយាល័យព្រហ្មទណ្ឌកម្រិតស្រាលនៃស្នងការដ្ឋាននគរបាលខេត្តប៉ៃលិន បានបញ្ជាក់ថា ករណីសំណុំរឿងរបស់នាយ ចឺម ត្រូវបានបញ្ជូនដល់លោកហើយ តែមិនទាន់ទាក់ទងទៅភាគីជនរងគ្រោះដែលជាដើមបណ្តឹងសួរនាំពីបញ្ហាសំណងបន្ថែមចំពោះរឿងរ៉ាវនេះបាននៅឡើយទេ ។ លោកថាសំណុំរឿងនេះនឹងត្រូវបញ្ជូនទៅសាលាដំបូងខេត្តប៉ៃលិននៅថ្ងៃទី២០ ធ្នូ ។
លោក ហេង ឡុង ប្តេជ្ញាជួយរកយុត្តិធម៌សម្រាប់នាយចឺម
បើតាមការប្រកាសជំហររបស់លោក ហេង ឡុង ប្រធានសមាគមមិត្តសិល្បៈស្ម័គ្រចិត្តជួយសង្គមក្នុងការស្វះស្វែងរកយុត្តិធម៌ជូននាយ ចឺម បានលើកឡើងថា លោកទូរស័ព្ទទៅនាយ ចឺម ពេលនេះពាក្យបណ្ដឹង បានមកដល់ខេត្តប៉ៃលិនហើយ គាត់ក៏កំពុងតែចូលទៅបំភ្លឺ ។ លោកក៏អគុណសិល្បករ-សិល្បការិនីទាំងអស់ ដែលបានសំណូមពរឲ្យលោកជួយរកយុត្តិធម៌ជូននាយ ចឺម បន្ទាប់ពីបានឃើញវីដេអូវាយប្រហារដ៏ព្រៃផ្សៃបែបនេះ ។
លោកបញ្ជាក់ថា សំណាងហើយដែលជនបង្កមិនមានកាំភ្លើងនៅក្នុងដៃ បើមិនដូច្នេះទេ មិនដឹងវាសនានាយចឺមនឹងទៅជាយ៉ាងណាទេ។ សមាគមមិត្តសិល្បៈស្ម័គ្រចិត្តជួយសង្គមត្រៀមមេធាវីជូននាយ ចឺម រួចរាល់ហើយ ។ កុំបារម្ភអំពីអន្តរាគមន៍អ្នកមានអំណាចលោកជឿជាក់លើច្បាប់ប្រទេសកម្ពុជា ក្រោមការដឹកនាំដ៏ខ្ពង់ខ្ពស់របស់សម្ដេចតេជោ ហ៊ុន សែន ។
ធ្លាយសារឆាតឆ្លើយឆ្លងតាមហ្វេសប៊ុកបែរជាលុបឆាតខាងស្រី
រឿងរ៉ាវទាក់ទងនឹងការប្រើហិង្សាលើតារាចម្រៀងប្រចាំផលិតកម្ម សាន់ដេ នាយ ចឺម ត្រូវបានជនបង្កវាយនឹងឈើជ្រុងបណ្តាលឱ្យរងរបួសបែកក្បាលដេរ៥ថ្នេរ ព្រោះតែភ្លើងប្រចណ្ឌ ។ ចំពោះការទាក់ទងសង្សាររបស់ខ្លួននៅមិនទាន់ឃើញស-ខ្មៅនោះទេ ទោះបីជនបង្កត្រូវបានឃុំខ្លួនបណ្តោះអាសន្នក្នុងពន្ធនាគារក្តី ។
ជនបង្កមានឈ្មោះ ង៉ែត លីទី ភេទប្រុស អាយុ២២ឆ្នាំ ជាបុគ្គលិកក្រុមហ៊ុន រស់នៅភូមិផ្សារព្រំជើង ឃុំស្ទឹងកាច់ ស្រុកសាលាក្រៅ ខេត្តប៉ៃលិន ដោយជនបង្កបានយកកំណាត់ឈើវាយទៅជនរងគ្រោះឈ្មោះ សុខ មេសា ហៅ នាយ ចឺម បណ្តាលឱ្យមានរងរបួសត្រង់កំភួនដៃទាំងសងខាង បែកក្បាលចំនួន៥ថ្នេរ និងបែកទូរស័ព្ទ iPhone ខ្ទេចអស់១គ្រឿង ។
សារក្នុងឆាតឆ្លើយឆ្លងមួយនេះ ត្រូវបានបណ្តាញសង្គមជាច្រើនបានបង្ហោះតៗគ្នា តែបានលុបភាគីខាងស្រី ។ ទោះជាយ៉ាងណាក៏ដោយមកដល់ពេលនេះ អ្នកសារព័ត៌មានយើងមិនទាន់អាចទំនាក់ទំនងទៅនាយ ចឺម ដើម្បីសុំការបកស្រាយបំភ្លឺលម្អិត ពីរឿងនេះបាននៅឡើយទេ ខណៈមហាជនជាច្រើនងឿងឆ្ងល់ និងចង់ដឹងថា តើជាការពិតដូចការចោទទាក់ទងសង្សារគេមែន ឫយ៉ាងណា ?
ព័ត៌មានថ្មីពីនាយចឺម មិនមានច្រើននោះទេ ដែលតាមរយៈលោក ហេង ឡុង បានបង្ហោះសារនិងរូបនាយចឺមដេកក្នុងរថយន្តដាក់សេរ៉ូម ដោយសរសេរថា សូមគោរពថ្លែងអំណរគុណដល់បងប្អូនមហាជនទាំងអស់ ដែលបានគាំទ្រគាត់ ជាពិសេសបងៗអាជ្ញាធរខេត្តប៉ៃលិន ។ សុខភាពខ្ញុំប្រសើរឡើងបន្តិចហើយ ប៉ុន្តែនៅតែមានអារម្មណ៍ភ័យតក់ស្លុតនឹងព្រឹត្តិការណ៍ដែលមិនធ្លាប់ជួបក្នុងមួយជីវិតនេះ ។ ខ្ញុំជឿជាក់លើច្បាប់ ក្រោមការដឹកនាំដ៏ខ្ពង់ខ្ពស់របស់សម្ដេចពុក ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា» ។
ម្ចាស់ហាងម៉ាស្សាដែលនាយចឺមរត់ឱ្យជួយនិយាយ
ម្ចាស់ហាងម៉ាស្សាដែលនាយចឺមរត់ទៅឱ្យជួយអន្តរាគមន៍ ស្ថិតនៅភូមិផ្សារព្រំជើង ឃុំស្ទឹងកាច់ ស្រុកសាលាក្រៅ លោក សួរ ចាន់ត្រា អាយុ៣១ឆ្នាំ បានរៀបរាប់ថា តាមពិត ទៅមុនពេលកើតហេតុគឺហាងម៉ាស្សារបស់គាត់រៀបនឹងបិទទ្វារទៅហើយ ព្រោះចាប់ផ្តើមបើកតាំងពីល្ងាច រហូតដល់យប់រំលងអធ្រាត្រ ។ ប៉ុន្តែដោយសារមានភ្ញៀវចូលមកក្នុងហាង ដើម្បីឱ្យបុគ្គលិកបន្តម៉ាស្សាចំនួន៤នាក់ទៀត ទើបខាងគាត់នៅបើកទ្វាររហូតដល់ម៉ោង៣និង៣០នាទីទៀបភ្លឺ ក៏ស្រាប់តែឃើញនាយចឺមរត់ចូលទៅឱ្យខាងគាត់ជួយអន្តរាគមន៍ ខណ:ភ្ញៀវកំពុងតែសម្រាកពេញនៅលើគ្រែក្នុងហាង ហើយពួកគេភ័យក៏រត់ចែកជើងគ្នាចេញក្រៅអស់តែម្តង ។
គាត់បន្តទៀតថា ពួកគេទាំង២នាក់មានបញ្ហា តាំងពីនៅខាងក្រៅមកម្ល៉េះ បណ្តាលឱ្យនាយចឺមរងរបួសក្បាលនិងដៃ ហើយរូបគេបានស្ទុះចូលទៅខាងក្នុង ដើម្បីឱ្យខាងលោកជួយ ដែលបង្កឱ្យមានការភ្ញាក់ផ្អើលពេញហាង ដោយពេលនោះជនដៃដល់បានគំរាមបាញ់នាយចឺមនឹងកាំភ្លើង ទៀតផង តែតាមពិតគ្មានកាំភ្លើងទេ ។ បន្ទាប់មក ពេលឃើញមានឈាមហូរប្រឡាក់ឥដ្ឋក្នុងហាងនិងវាំងននម៉ាស្សា ជនដៃដល់ក៏ស្រែកទាមទារឱ្យនាយចឺមទៅយកប្រាក់ចំនួន៣០០ដុល្លារ មកឱ្យគាត់ជាម្ចាស់ហាងជំនួសការលាងសម្អាត។ ប៉ុន្តែពេលនោះ នាយចឺមគ្មានប្រាក់ឱ្យគាត់ជាម្ចាស់ហាងនោះទេ ។
ម្ចាស់ហាងម៉ាស្សារូបនេះបញ្ជាក់ថា ពេលឃើញមានឈាមហូរជោកខ្លួនបែបនេះ ខាងគាត់បានដើរតាមពីក្រោយជនដៃដល់ដែលកំពុងកាន់ដំបង មិនឱ្យបន្តវាយទៅលើនាយចឺមថែមទៀត ដោយទុកឱ្យរង់ចាំធ្វើការដោះស្រាយតាមផ្លូវច្បាប់ ។ រីឯរូបភាពវីដេអូដែលបង្ហាញពីសកម្មភាពពេលមានការតាមប្រទូស្តរ៉ាយគ្នានៅក្នុងហាងរបស់គាត់នោះ គឺថតបានដោយបុគ្គលិកប្រុសនៃហាងរបស់គាត់ម្នាក់ ដែលថតពីជាន់ខាងលើទៅដោយការភិតភ័យ ។
លោកអធិការបង្ហាញការរៀបរាប់របស់នាងស្រីលាភលោក រី តារា អធិការនគរបាលស្រុកសាលាក្រៅ នារសៀលថ្ងៃទី២០ ខែធ្នូ ឆ្នាំ២០១៩ បានឲ្យដឹងថា នារីជាសង្សារជនដៃដល់ឈ្មោះ សៅរតនា ហៅស្រីលាភ អាយុ២១ឆ្នាំ ជាអ្នកលក់ដូរតាមអនឡាញ រស់នៅចំណុចបុរីមកុដពេជ្រ។ នាងបានបំភ្លឺថា កាលពីមុននាងជាសង្សាររបស់ឈ្មោះ ង៉ែត លីទី អាយុ២២ឆ្នាំ ដោយពួកគេស្រឡាញ់គ្នាកាលពីប៉ុន្មានឆ្នាំមុន ។
ប៉ុន្តែ ទំនាក់ទំនងស្នេហារបស់ពួកគេ តែងតែប្រែប្រួល ដោយមានការឈ្លោះទាស់ទែងគ្នាជាញឹកញាប់ ទើបក្រោយមកក៏ផ្តាច់ទំនាក់ទំនង និងបែរមកមានទំនាក់ទំនងស្នេហាជាមួយនឹងយុវជនម្នាក់ទៀត ឈ្មោះ សុខ មេសា ហៅនាយចឺម ជាតារាចម្រៀងវ័យក្មេង ។ លោកអធិការបន្តទៀតថា ប៉ុន្តែដោយសារនាងស្រីលាភសង្កេតឃើញនាយចឺមមានសង្សារច្រើនពេក ក៏ផ្តាច់ទំនាក់ទំនងទៅស្រឡាញ់សង្សារចាស់វិញ និងមានរយៈពេលប្រហែល៥ខែមកហើយ ។ ក្រោយមក នៅមុនពេលកើតហេតុ ដោយសារគណនីហ្វេសប៊ុកមួយប្រើទូរស័ព្ទពីរ ទើបនាយចឺមទាក់ទងទៅនាង បែរជាចូលទៅទូរស័ព្ទដៃរបស់យុវជន ង៉ែត លីទី និងក្លាយ
ទៅជាករណីហិង្សាតែម្តង ។
មុនពេលកើតហេតុ នាយចឺមបានទៅចូលរួមច្រៀងក្នុងពិធីខួបកំណើតឱ្យកូនរបស់មេឆ្នោតម្នាក់ ឈ្មោះ ឈុន ភេទប្រុស អាយុ៤១ឆ្នាំ តាំងពីល្ងាចរហូតដល់យប់ជ្រៅ ដែលតាមព័ត៌មានថាមេឆ្នោតនេះក៏ត្រូវជាបងធម៌របស់នាយចឺមផងដែរ ។ លុះចប់កម្មវិធី នាយចឺមបានទៅសម្រាកនៅផ្ទះសំណាក់យីហោ«ស្រីរ៉ូ» នៅខាងលិចផ្ទះមានកម្មវិធីប្រមាណ១៥០ម៉ែត្រហើយបន្ទាប់មកក៏កើតមានហេតុកាេណ៍បែបនេះតែម្តង ។
លោក ហេង ឡុង ប្រធានសមាគមមិត្តសិល្ប:ជួយសង្គម បានឱ្យដឹងកាលពីវេលាម៉ោង៥និង៣៨នាទីល្ងាចថ្ងៃទី២០ ខែធ្នូថា ដំបូងគឺខាងលោកគិតគូរពីសុខភាពរបស់ជនរងគ្រោះជាមុនសិន ដោយឱ្យរូបគេមកភ្នំពេញដើម្បីសម្រាកព្យាបាល ។ ពេលនេះខាងលោកកំពុងតែពឹងពាក់មេធាវីឱ្យជួយដោះស្រាយរឿងនេះ ព្រោះជនសង្ស័យត្រូវបានសមត្ថកិច្ចឃុំខ្លួនរួចហើយ មិនអាចរត់ទៅណាបានទេ ។ លោកបញ្ជាក់ថា ជនរងគ្រោះទាមទារសំណងចំនួន៣០.០០០ដុល្លារ តែខាងជនសង្ស័យមិនព្រម ក៏ទុកចាំចរចានៅពេលក្រោយទៀត ៕
ចែករំលែកព័តមាននេះ