រឿងឆ្នាំឆុងនេះប្រជាជនចិន និងកូនចៅខ្មែរកាត់ចិនមានជំនឿខ្លាំងណាស់ ដោយយល់ថា ការរកស៊ីមិនឡើង ប្តីប្រពន្ធចេះតែរកាំរកូសនឹងគ្នា កូនចៅមានជំងឺដង្កាត់ក៏មកអំពីឆ្នាំឆុងនេះឯង ។ ដូច្នេះដើម្បីដោះស្រាយបញ្ហាឆ្នាំឆុងឱ្យក្លាយទៅជាឆ្នាំមហាសំណាង មានលាភមានជ័យ មានរស្មីនៃជីវិតស្ថិតក្នុងសិរីមង្គល កំពូលហោរចិនសែសូមបង្ហាញវិធានការដ៏មានប្រសិទ្ធដូចតទៅ ។
អ្នកកើតឆ្នាំរោងទៅរៀបការជាមួយនឹងអ្នកកើតឆ្នាំរកា នោះបញ្ជាក់ថា ឆ្នាំរបស់អ្នកទាំងពីរឆុងនឹងគ្នាហើយ ដូច្នេះគួររៀបចំក្បាលគ្រែគេងរបស់អ្នកទាំងពីរបែរទៅទិសឧត្តរ ឬទិសបូព៌ ពណ៌នាំលាភ ខៀវ លេខនាំសំណាង 506 នោះទេវតារក្សាទិសនឹងថែរក្សាលោកអ្នកឱ្យមានសិរីសួស្តី ។
បើអ្នកកើតឆ្នាំខាល ហើយម្នាក់ទៀតកើតឆ្នាំមមែ ដំណើរជីវិតរបស់អ្នកទាំងពីរមិនសូវល្អទេ គួររៀបចំដាក់ក្បាលគ្រែគេងបែទៅទិសកើត ឬទិសត្បូង ពណ៌នាំលាភ ក្រហម លេខនាំសំណាង 207 ទេវតាជាសិរីនឹងថែរក្សាលោកអ្នក ។
អ្នកទាំងពីរកើតឆ្នាំរកា និងច រៀបការជាមួយគ្នា ឆ្នាំអ្នកទាំងពីរនឹងឆុងគ្នាហើយ ដំណោះស្រាយគួររៀបចំដាក់ក្បាលគ្រែគេងនៅទិសឦសាន ឬទិសនិរតី ពណ៌នាំលាភ ប្រផេះ លេខនាំសំណាង 360 ទេវតាជាសិរីនឹងថែរក្សាលោកអ្នកឱ្យមានលាភសំណាង ។
បើអ្នកកើតឆ្នាំវក រៀបការជាមួយនឹងអ្នកកើតឆ្នាំកុរ ជើងលេខប្រាប់ថា ឆ្នាំអ្នកទាំងពីរមិនគាប់ប្រសើរទេ គួររៀបចំក្បាលគ្រែគេងនៅទិសអាគ្នេយ៍ ឬទិសពាយ័ព្យ ពណ៌នាំលាភ ទឹកក្រូច លេខនាំសំណាង 890 នោះទេវតាជាសិរីនឹងនាំជោកលាភ លើកដួងរាសីដល់លោកអ្នក ។ ដោយសាន សារិន
ចែករំលែកព័តមាននេះ