ខេត្តព្រះសីហនុ ៖ បើតាមសេចក្តីរាយការណ៍បឋមបានឱ្យដឹងថា មានករណីអគ្គិភ័យបានឆាបឆេះផ្ទះពលរដ្ឋ និងតូបលក់ចាបហ៊ួយ បណ្តាលឱ្យរងការខូចខាតយ៉ាងដំណំ កាលពីម៉ោង៤កន្លះទៀបភ្លឺ ត្រូវនឹងព្រឹកថ្ងៃទី២០ ខែធ្នូ ឆ្នាំ២០១៩នេះ…
ខេត្តព្រះសីហនុ ៖ បើតាមសេចក្តីរាយការណ៍បឋមបានឱ្យដឹងថា មានករណីអគ្គិភ័យបានឆាបឆេះផ្ទះពលរដ្ឋ និងតូបលក់ចាបហ៊ួយ បណ្តាលឱ្យរងការខូចខាតយ៉ាងដំណំ កាលពីម៉ោង៤កន្លះទៀបភ្លឺ ត្រូវនឹងព្រឹកថ្ងៃទី២០ ខែធ្នូ ឆ្នាំ២០១៩នេះ នៅចំណុចខាងលិចស្ពានសេតេ ចម្ងាយ១០០ម៉ែត្រ ស្ថិតក្នុងភូមិ០២ សង្កាត់០៣ ក្រុង/ខេត្តព្រះសីហនុ។
បើតាមសមត្ថកិច្ចបានបញ្ជាក់ថា ខណៈពេលអគ្គិភ័យកំពុងឆាបឆេះភ្លាមៗនោះ បានចេញរថយន្តពន្លត់អគ្គិភ័យជាច្រើនគ្រឿង ដោយក្នុងនោះរួមមានរថយន្តពន្លត់អគ្គិភ័យរបស់ក្រសួងមហាផ្ទៃ រថយន្តពន្លត់អគ្គិភ័យរបស់កងរាជអាវុធហត្ថ និងរថយន្តពន្លត់អគ្គិភ័យរបស់កំពង់ផែស្វយ័ត្ន ដោយចូលរួមសហការអន្តរាគមន៍ពន្លត់ភ្លើងឱ្យរលត់ទៅវិញទាន់ពេលវេលា។
បច្ចុប្បន្ន ករណីអគ្គិភ័យខាងលើនេះ បានរលត់ទៅវិញទាំងស្រុងហើយ ប៉ុន្តែមិនទាន់ដឹងថា បណ្តាលមកពីមូលហេតុអ្វីនៅឡើយទេ ។ ក្រៅពីឆេះដំបូលផ្ទះ និងខូចខាតសម្ភារៈលក់ចាប់ហ៊ួយអស់មួយចំនួន ហើយករណីនេះមិនមានមនុស្សរងគ្រោះ និងបណ្តាលឱ្យឆេះរាលដាលដល់ផ្ទះពលរដ្ឋក្បែរនោះឡើយ ។ (កែសម្រួលដោយ ៖ បុប្ផា)
ចែករំលែកព័តមាននេះ