មិនថា ក្នុងវិស័យណាទេ ពេលដែលអាជីវកម្មមួយលូតលាស់ដល់កម្រិតមួយហើយ អាជីវកម្មទាំងនោះតែងតែជួបប្រទះនឹងបញ្ហាស្រដៀងៗគ្នាតែអាចបង្កផលប៉ះពាល់ធ្ងន់ធ្ងរដល់អនាគតអាជីវកម្ម ។ ខាងក្រោមនេះ គឺជាបញ្ហាធំៗទាំង៤ ដែលអាជីវកម្មភាគច្រើនតែងជៀសវាងមិនផុត ៖ ១….
មិនថា ក្នុងវិស័យណាទេ ពេលដែលអាជីវកម្មមួយលូតលាស់ដល់កម្រិតមួយហើយ អាជីវកម្មទាំងនោះតែងតែជួបប្រទះនឹងបញ្ហាស្រដៀងៗគ្នាតែអាចបង្កផលប៉ះពាល់ធ្ងន់ធ្ងរដល់អនាគតអាជីវកម្ម ។ ខាងក្រោមនេះ គឺជាបញ្ហាធំៗទាំង៤ ដែលអាជីវកម្មភាគច្រើនតែងជៀសវាងមិនផុត ៖
១. ភាពគ្រអើតគ្រទម៖
ឥទ្ធិពលមួយដែលជាលទ្ធផលនៃភាពជោគជ័យ គឺវាធ្វើឲ្យមនុស្សមានជំនឿជឿជាក់លើខ្លួនឯងជ្រុល ឬគ្រអើតគ្រទមតែម្តង ។ វាកើតមានឡើងនៅពេលដែលមនុស្សក្នុងអាជីវកម្មគិតថា ពួកគេមានសមត្ថភាពខ្ពស់មិនមែនមកពីពួកគេមានសំណាងល្អម្តងម្កាលទេ ។ ដំណោះស្រាយតែមួយសម្រាប់បញ្ហានេះ គឺអ្នកត្រូវតែបន្តដាក់ខ្លួន និងតាមដានមើលខ្លួនឯង និងមនុស្សជុំវិញខ្លួនឲ្យបានញឹកញាប់ ។
២. មនុស្សមិនដឹងពីដំណើរការក្នុងការបំពេញការងារ៖
ពេលខ្លះមនុស្សផ្តោតតែលើលទ្ធផល និងភ្លេចមើលអ្វីដែលត្រូវធ្វើដើម្បីសម្រេចបានលទ្ធផលដែលចង់បាន ។ បើលទ្ធផលមិនល្អនោះដំណើរការសម្រេចចិត្តប្រហែលជាមិនល្អដែរ ។ ដូច្នេះបើអ្នកមិនទទួលស្គាល់ថា ការប្រកបការងារក្នុងអាជីវកម្មអ្នកមានបញ្ហាទេនោះ លទ្ធផលរបស់អ្នកក៏មិនអាចល្អប្រសើរឡើងដែរ ។
៣. មិនមានការឲ្យមតិយោបល់គ្នាទៅវិញទៅមក ៖
ជាទូទៅមនុស្សមិនចូលចិត្តផ្តល់មតិយោបល់នៅកន្លែងការងារទេ ជាពិសេសពេលដែលពួកគេចង់និយាយអ្វីដែលអវិជ្ជមានពីអ្នកដទៃ ។ ប៉ុន្តែបើក្រុមហ៊ុន ឬអាជីវកម្មមានបញ្ហាណាមួយនោះ បុគ្គ លិកគួរតែត្រូវបានលើកទឹកចិត្តឲ្យនិយាយប្រាប់ឲ្យបានលឿន មុនបញ្ហានោះកាន់តែធ្ងន់ធ្ងរឡើង ។
៤. មើលរំលងបុគ្គលិក ៖
ពេលដែលអាជីវកម្មកាន់តែធំទៅៗ អាជីវករភាគច្រើនប្រមូលធនធាន ដើម្បីវិនិយោគលើផលិតផល ឬសេវាកម្មរបស់ខ្លួនឲ្យកាន់តែប្រសើរឡើង ខណៈដែលមើលរំលងមនុស្សដែលខិតខំធ្វើការដើម្បីអាជីវកម្ម ។ បើអ្នកចង់ជំរុញដល់ប្រសិទ្ធិភាពការងារក្រុមហ៊ុន អ្នកត្រូវតែវិនិយោគលើមនុស្ស ។ អ្នកត្រូវរកបុគ្គលិកដែលមានសមត្ថភាពខ្ពស់ ហើយផ្តល់អំណាចឲ្យពួកគេនាំមុខក្នុងផ្នែកដែលពួកគេមានជំនាញ ៕ កែសម្រួលដោយ ៖ សុឃាក់
ចែករំលែកព័តមាននេះ