លោក Bill Gates ត្រូវការពេល៧ម៉ោងដើម្បើគេង
ក្នុងពេលថ្មីៗនេះលោកមហាសេដ្ឋី និងអតីតនាយកប្រតិបត្តិរបស់ក្រុមហ៊ុន Microsoft គឺលោក ប៊ីល ហ្គេតស៍ (Bill Gates) បានចែករំលែកពីសៀវភៅដែលលោកចូលចិត្តជាងគេប្រចាំឆ្នាំ ២០១៩…
ក្នុងពេលថ្មីៗនេះលោកមហាសេដ្ឋី និងអតីតនាយកប្រតិបត្តិរបស់ក្រុមហ៊ុន Microsoft គឺលោក ប៊ីល ហ្គេតស៍ (Bill Gates) បានចែករំលែកពីសៀវភៅដែលលោកចូលចិត្តជាងគេប្រចាំឆ្នាំ ២០១៩…
ក្នុងពេលថ្មីៗនេះលោកមហាសេដ្ឋី និងអតីតនាយកប្រតិបត្តិរបស់ក្រុមហ៊ុន Microsoft គឺលោក ប៊ីល ហ្គេតស៍ (Bill Gates) បានចែករំលែកពីសៀវភៅដែលលោកចូលចិត្តជាងគេប្រចាំឆ្នាំ ២០១៩ នេះ ។ ជាមួយគ្នានោះផងដែរលោកបានលើកឡើងពីសៀវភៅមួយក្បាលដែលបានជួយឲ្យលោកសម្រានបានល្អជាងមុន ។
សៀវភៅ Why We Sleep ឬ មូលហេតុអ្វីបានជាយើងគេង ជាសៀវភៅនិពន្ធដោយលោក ម៉ាធ្យូ វ៉កកឺ (Mattew Walker) ដែលជាអ្នកជំនាញផ្នែកគេង និងនាយកមជ្ឈមណ្ឌលវិទ្យាសាស្ត្រផ្នែកដំណេករបស់មនុស្សនៅសាកលវិទ្យាល័យ University of California ។ លោក ហ្គេតស៍ បានចែករំលែកមកថា សៀវភៅមួយក្បាលនេះបានជួយឲ្យលោកគិតសាជាថ្មីពីការចូលដំណេករបស់ខ្លួន ។ ពីមុន លោក ហ្គេតស៍ មានទស្សនៈផ្សេងពីការចូលដំណេក ។ ពេលដែលលោកទើបតែចាប់ផ្តើម Microsoft ដំបូងមានពេលខ្លះគឺលោកមិនគេងទាំងស្រុងប៉ុន្មានយប់ជាប់គ្នាដើម្បីបញ្ចប់កិច្ចការរបស់លោក ។
តែលោក ហ្គេតស៍ ក៏ដូចមនុស្សទូទៅដែរ ហើយការធ្វើដូចនេះបានធ្វើឲ្យលោកជួបការលំបាកក្នុងការយកចិត្តទុកដាក់ផ្តោតស្មារតីលើកិច្ចការ ឆាប់ហត់ និងមិនអាចសម្រេចចិត្តបានមានប្រសិទ្ធិភាពជាដើម ។ លោកបានចែករំលែកថា លោកដឹងថាលោកមិនអាចធ្វើការបានដោយមានប្រសិទ្ធិភាពពេលដែលលោកពឹងផ្អែកលើជាតិអាហ្វេអ៊ីនឡើយ ប៉ុន្តែលោកបានវក់វីនឹងការងារ ហើយលោកគិតថាការគេងច្រើនគឺជាការខ្ជិលច្រអូស ។
បច្ចុប្បន្ននេះ លោកត្រូវការការចូលដំណេកឲ្យបាន ៧ ម៉ោងពេញដើម្បីជំរុញដល់ភាពច្នៃប្រឌិត និងអារម្មណ៍របស់លោកនៅថ្ងៃបន្ទាប់ ។ ហើយលោកបានបន្តថា មនុស្សគ្រប់គ្នាស្ទើរតែត្រូវការសម្រានឲ្យបានពី ៧ ទៅ ៨ ម៉ោងជារៀងរាល់យប់ ។
សម្រាប់អ្នកដែលជួបបញ្ហាក្នុងការសម្រាន លោក ហ្គេតស៍ បានផ្តល់យោបល់ឲ្យទិញអំពូល LED ដាក់ក្នុងបន្ទប់គេង និងរក្សាសីតុណ្ហភាពប្រមាណ ១៨ ទៅ ១៩ អង្សាសេ ។ លើសពីនេះទៅទៀត លោកក៏ផ្តល់យោបល់ឲ្យគេងថ្ងៃមុនម៉ោង ៣ រសៀលដែរព្រោះវានឹងជំរុញដល់ភាពច្នៃប្រឌិត និងសុខភាពរបស់អ្នក ៕ កែសម្រួលដោយ ៖ សុឃាក់
ចែករំលែកព័តមាននេះ