ខេត្តបាត់ដំបង ៖ បុរសម្នាក់បានស្លាប់ភ្លាមៗនៅកន្លែងកើតហេតុ ដោយសារដើរជាន់លើខ្សែចរន្តអគ្គិសនី ដែលខ្លួនដាក់ពង្រាយសម្រាប់ឆក់សត្វយកទៅលក់ កាលពីវេលាម៉ោង០៨និង៣០នាទីយប់ថ្ងៃទី១៨ ធ្នូ នៅចំនុចបឹងតាប្រាច ស្ថិតក្នុងភូមិអន្សងសក ឃុំព្រែកនរិន្ទ…
ខេត្តបាត់ដំបង ៖ បុរសម្នាក់បានស្លាប់ភ្លាមៗនៅកន្លែងកើតហេតុ ដោយសារដើរជាន់លើខ្សែចរន្តអគ្គិសនី ដែលខ្លួនដាក់ពង្រាយសម្រាប់ឆក់សត្វយកទៅលក់ កាលពីវេលាម៉ោង០៨និង៣០នាទីយប់ថ្ងៃទី១៨ ធ្នូ នៅចំនុចបឹងតាប្រាច ស្ថិតក្នុងភូមិអន្សងសក ឃុំព្រែកនរិន្ទ ស្រុកឯកភ្នំ។
សមត្ថកិច្ចបានរាយការណ៍ថា ជនរងគ្រោះឈ្មោះ សម ចាន់ថន ភេទប្រុស អាយុ៣០ឆ្នាំ មុខរបរធ្វើស្រែ រស់នៅភូមិ-ឃុំកើតហេតុខាងលើ ។ របាយការណ៍បានឲ្យដឹងទៀតថា ជនរងគ្រោះបានដើររកចាប់កណ្តុរនៅយប់នោះ តែអកុសលស្រាប់តែដើរជាន់លើខ្សែភ្លើងដែលដាក់ពង្រាយតាមស្រែ ដើម្បីឆក់យកសត្វកណ្ដុរបណ្ដាលឲ្យស្លាប់ខ្លួនឯងតែម្ដង។
បើតាមប្រភពនៅកន្លែងកើតហេតុ ដែលមន្ត្រីជំនាញបានសួរនាំថា គេបានដឹងថា គេបានប្រទះឃើញជនរងគ្រោះស្លាប់ នៅពេលគេដើររើសសត្វកណ្ដុរដែលងាប់ដោយសារឆក់ខ្សែភ្លើងនៅយប់នោះ។ ពេលនោះស្រាប់តែឃើញជនរងគ្រោះដេកស្លាប់នៅក្បែខ្សែភ្លើងដែរ។
សមត្ថកិច្ចបានធ្វើការសន្និដ្ឋានជាបឋមដំបូងថា បើតាមការពិនិត្យជាក់ស្ដែងនៅកន្លែងកើតហេតុ ជនរងគ្រោះអាច់ស្លាប់ដោយសារឆក់ខ្សែភ្លើងដែលគេដាក់ពង្រាយសម្រាប់ឆក់សត្វកណ្ដុរពេលយប់។ ពេលនេះមន្ត្រីជំនាញកំពុងធ្វើការសាកសួរ ដើម្បីចាក់ការតាមនីតិវិធី ខណ:សកសពជនរងគ្រោះត្រូវបានប្រគល់ជួនបងប្អូនយកទៅធ្វើបុណ្យតាមប្រពៃណី ៕
ចែករំលែកព័តមាននេះ