មនុស្សមួយចំនួនតែងតែប្រេីការបង្អាប់ ដេីម្បីជាការលេងសេីចទៅកាន់នរណាម្នាក់ ប៉ុន្តែអ្នកមិនដឹងទេថាការបង្អាប់ខ្លះ អាចធ្វេីអោយអ្នកទាំងនោះ មិនត្រឹមតែមិនសប្បាយចិត្តប៉ុណ្ណោះទេ តែអាចឈានដល់ការបាក់ទឹកចិត្តយ៉ាងធ្ងន់ធ្ងរទៀតផង ។
ឧទាហរណ៍ដូចជាការបង្អាប់ទៅកាន់នារីដែលមានធំ ធាត់ សម្បុរខ្មៅ រូបរាងមិនស្អាត តឿ ស្លៀកពាក់មិនសមដូចជាអ្នកដទៃ ទាំងនេះហេីយដែលធ្វេី អោយពួកគេ មានការអៀនខ្មាស ស្ទេីរតែមិនចង់ចេញទៅខាងក្រៅ ដោយសារពាក្យសម្តីដ៏គួរអោយ ខ្លាចទាំងនេះ។
លោកស្រីសុខលី អាយុ៣២ឆ្នាំ ជាកម្មការនីរោងចក្របានអោយដឹងថា តាំងពីគាត់សម្រាលកូនមួយហេីយ គាត់ចាប់ផ្តេីមទ្បេីងគីទ្បូ រូបរាងប្រែប្រួលច្រេីន ហេីយក៏មិន សូវមានពេលថែសម្រស់ទៀត ហេីយពេលទៅណាម្តងៗអ្នកស្គាល់គ្នា តែងតែ បង្អាប់គាត់ថាគាត់មិនស្អាត រូបរាងមិនសមសួន មិនចេះថែសម្រស់ ដល់ថ្នាក់ធ្វេីអោយ គាត់មានអារម្មណ៍ថា មិនចង់ចេញទៅណាដោយធុញនឹងពាក្យសម្តីរបស់អ្នកទាំងនោះ ។
ចំណែកកញ្ញាចាន់ ម៉ូនីកា អាយុ១៧ឆ្នាំ ជាសិស្សនៃសាលាអន្តរជាតិមួយបានអោយដឹងថា នានមានទម្ងន់ ៧០គីឡូក្រាម ហេីយនាងធាត់តាំងពីនៅក្មេងម្ល៉េះ ។ ដូច្នេះហេីយ វាពិបាកក្នុងការសម្រកទម្ងន់ នៅពេលដែលនាងទៅសាលាម្តងៗ នាងត្រូវមិត្តភក្តិបង្អាប់គ្រប់គ្នា ហេីយពេលខ្លះទៀតស្ទេីរតែមិនមានអ្នកណាចង់ ដេីរជាមួយនាងផង ។ នាងបន្តទៀតថា នាងតែងតែព្យាយាមរកថ្នាំ សម្រកទម្ងន់មិនថា ថ្នាំប្រភេទណាទេក៏នាងសាកដែរ ដោតមិនបានគិតគូពីសុខភាពទ្បេីងយ។ នាងព្យាយាមតមអាហាររហូតធ្វេីអោយនាងឈឺក្រពះ ទាំងនេះគឺសុទ្ធតែមក ពីពាក្យបង្អាប់ បំបាក់ទឹកចិត្តរបស់មនុស្សជុំវិញខ្លួន ទេីបធ្វេីអោយប្អូនស្រីស្ទេីរតែបំផ្លាញខ្លួនឯង។
ចំពោះបងស្រីមាស សុវណ្ណ លីមួយស្រៀង អាយុ ២៨ ឆ្នាំ ដែលធ្លាប់មានទង្ងន់ ៧៥ គីទ្បូក្រាម តែពេលនេះគាត់សល់ត្រឹមតែ៥០គីឡូក្រាមតែប៉ុណ្ណោះ នេះដោយសារតែការបង្អាប់ ការសេីច ចំអក ធ្វេីអោយខិតខំតស៊ូបែបនេះ គាត់បន្តថា សូមមេត្តាដល់មនុស្សគ្រប់រូបដែល ចូលចិត្តយកការបង្អាប់ មកធ្វេីជាការលេងសេីច នេះ គឺបំបាក់មុខដោយប្រយោលអាចជាការមេីលងាយ បែបលេងសេីច អ្នកទាំង អស់គ្នាមិនដឹងទេថា
ទង្វេីមួយចំនួន ឬពាក្យសម្តីទាំងនោះគឺជាឧបករណ៍បំផ្លាញអារម្មណ៍ផ្លូវចិត្ត និងធ្វេីអោយពួកគេ ចាប់ផ្តេីមស្អប់ខ្លួនឯង សូមប្តូរមកជាការលេង សេីចបែបលេីកទឹកចិត្តផ្តល់នូវពាក្យប្រឹក្សាយោបល់ល្អៗទៅកាន់ពួកគេ ជាជាងការបង្អាប់លេងសេីច ។
ចែករំលែកព័តមាននេះ