ប្រភពព័ត៌មានពីបរទេសឱ្យដឹងថា អ្នកយកព័ត៌មានឱ្យកាសែត The New York Times ៤នាក់បានបាត់ខ្លួននៅប្រទេសលីប៊ី ។ អ្នកនិពន្ធកាសែត The New York Times និយាយថា ខ្លួនបានទទួលព័ត៌មានថា សមាជិកអ្នកកាសែត The New York Times ៤នាក់ ដែលយកព័ត៌មាននៅក្នុងទីក្រុងកំពង់ផែ Ajdabiya របស់លីប៊ី ប្រហែលជាត្រូវចាប់ខ្លួន ដោយកងកម្លាំងរដ្ឋាភិបាលលីប៊ី ។
នាយកប្រតិបត្តិកាសែត The New York Times ថ្លែងថា យើងបានទាក់ទងទៅមន្ត្រីរដ្ឋាភិបាលលីប៊ី នៅក្នុងទីក្រុងទ្រីប៉ូលី ហើយពួកគេប្រាប់ថា ពួកគេកំពុងព្យាយាមស្វែងរកអ្នកកាសែតទាំង៤នាក់នោះ ហើយយើងសូមថ្លែងអំណរគុណយ៉ាងជ្រាលជ្រៅសម្រាប់មន្ត្រីរដ្ឋាភិបាលលីប៊ីដែលខិតខំប្រឹងប្រែងជួយរកអ្នកទាំងនោះ ហើយប្រសិនបើពួកគេត្រូវចាប់ខ្លួនជួយធានាឱ្យមានការដោះលែងពួកគេផង ។
កងកម្លាំងរដ្ឋាភិបាលលីប៊ីនិយាយថា ពួកគេមិនបានដឹងថា អ្នកកាសែតទាំងនោះនៅទីណានោះទេ ហើយប្រសិនបើពួកគេត្រូវចាប់ខ្លួនដោយយោធាពួកគេគួរតែឃើញនៅក្នុងទីក្រុងទ្រី ប៉ូលី ៕
ចែករំលែកព័តមាននេះ