ADផ្ទាំងផ្សព្វផ្សាយពាណិជ្ជកម្ម

មហាសេដ្ឋី បាហ្វេ ហាមមិនឲ្យការងារទៅមនុស្សប្រភេទនេះដាច់ខាត

4 ឆ្នាំ មុន

១៧ ខែ ធ្នូ ឆ្នាំ ២០១៩ ម៉ោង ១៥:៤៥

លោក វ៉ារេន បាហ្វេ (Warren Buffett) ជាមហាសេដ្ឋីដែលត្រូវបានទទួលការគោរពស្រលាញ់មនុស្សជាច្រើនទូទាំងពិភពលោក ប៉ុន្តែការវិនិយោគដែលជោគជ័យជាងគេបំផុតរបស់លោក គឺការវិនិយោគលើមនុស្ស ។ លោកបានចែករំលែកមកថា លោកមានការងារតែពីរទេ គឺទាក់ទាញ និងរក្សាអ្នកគ្រប់គ្រងដែលមានសមត្ថភាព ដើម្បីមកធ្វើការឲ្យលោក ។

ហើយយោងទៅតាមបទពិសោធន៍ជាច្រើនឆ្នាំរបស់លោកកន្លងមកនេះ លោកបានប្រាប់មកថា លោកមិនឲ្យការងារទៅមនុស្សដែលមិនមានគុណសម្បត្តិបីឡើយដែលមានដូចជា ភាពឆ្លាតវៃ ការផ្តួចផ្តើម និងភាពទៀងត្រង់។

ប៉ុន្តែសម្រាប់លោក បាហ្វេ ភាពទៀងត្រង់ជាគុណសម្បត្តិដែលសំខាន់ជាងគេ សម្រាប់អ្នកដែលចង់ធ្វើការឲ្យលោកព្រោះមិនថា មនុស្សម្នាក់មានភាពឆ្លាតវៃ ឬសកម្មប៉ុនណាទេ បើមិនមានភាពទៀងត្រង់មនុស្សម្នាក់នោះនឹងនាំបញ្ហាដល់ក្រុមហ៊ុន ឬអាជីវកម្ម ។ ដូច្នេះពេលដែលជ្រើសរើសបុគ្គលិក អ្នកត្រូវពិនិត្យមើលចំណុចដូចខាងក្រោមនេះ ៖

១. ទំនួលខុសត្រូវ៖
អ្នកត្រូវសួរបេក្ខជនពីកំហុសឆ្គងធំជាងគេដែលពួកគេធ្លាប់បានធ្វើពីមុនមក ។ បើវាគ្រាន់តែជាកិច្ចការកំប៉ិកកំប៉ុកទេនោះ មនុស្សម្នាក់នោះប្រហែលជាមិនមែនមនុស្សដែលធ្វើកិច្ចការសំខាន់ៗពីមុនមកទេ ឬបង្ហាញថាមនុស្សម្នាក់នោះកុហក ព្រោះមនុស្សមានសមត្ថភាពខ្លាំងប៉ុនណាក៏តែងតែធ្លាប់ធ្វើខុសពីមុនមកដែរ។ មានតែអ្នកស្មោះត្រង់ទេដែលហ៊ានទទួលកំហុសឆ្គងខ្លួន។

២. សួរបញ្ជាក់៖
ប្រវត្តិរូបសង្ខេបរបស់បេក្ខជនជាសំបុត្រដែលជួយឲ្យពួកគេឆ្លងកាត់ដំណាក់កាលនីមួយៗ ប៉ុន្តែវាជាសំបុត្រដែលពួកគេសរសេរឡើងដោយខ្លួនឯង ។ ពួកគេអាចនឹងកុហកព័ត៌មានដើម្បីបង្ហាញភាពលេចធ្លោរបស់ខ្លួនជាដើម ។

៣. ស៊ើបពីបេក្ខជនបន្ថែម៖
ការត្រួតពិនិត្យមើលព័ត៌មានមួយចំនួនទាក់ទិននឹងបេក្ខជនដែលអ្នកចាប់អារម្មណ៍អាចជួយដល់អ្នក និងក្រុមហ៊ុនក្នុងការជៀសវាងមនុស្សដែលធ្លាប់មានប្រវត្តិមិនល្អ និងការពារមិនឲ្យក្រុមហ៊ុនខូចមុខមាត់ជាដើមដែរ ៕ កែសម្រួលដោយ ៖ សុឃាក់