គ្រាន់តែសក់សម្រាប់តុបតែងសោះនាង Kylie Jenner ចំណាយដល់ម្លឹង !
អ្នកស្រី ខាយលី ជេននើ (Kylie Jenner) ដែលជាម្ចាស់ក្រុមហ៊ុនគ្រឿងសម្អាង Kylie Cosmetic ដ៏ល្បីឈ្មោះ ត្រូវបានចាត់ទុកជាមហាសេដ្ឋីក្មេងជាងគេបំផុតដោយទស្សនាវដ្តី…
អ្នកស្រី ខាយលី ជេននើ (Kylie Jenner) ដែលជាម្ចាស់ក្រុមហ៊ុនគ្រឿងសម្អាង Kylie Cosmetic ដ៏ល្បីឈ្មោះ ត្រូវបានចាត់ទុកជាមហាសេដ្ឋីក្មេងជាងគេបំផុតដោយទស្សនាវដ្តី Forbes កាលពីឆ្នាំ ២០១៩ កន្លងមកនេះ ដូច្នេះនរណាក៏ដឹងហើយដែរថានាងមានទ្រព្យសម្បត្តិស្តុកស្តម្ភ ។
ជីវិតដ៏ឡូយឆាយរបស់អ្នកស្រីត្រូវបានបង្ហាញដល់សាធារណជនគ្រប់រូបតាមរយៈកម្មវិធី Keeping Up With The Kardashian មិនថាជារថយន្ត Roll Royce ឬកម្មវិធីពិសេសៗសម្រាប់ក្រុមគ្រួសារនាងទេ ។ នៅថ្ងៃកំណើតរបស់អ្នកស្រីកាលពីឆ្នាំមុន អ្នកគាំទ្របានភ្ញាក់ផ្អើលយ៉ាងខ្លាំង ព្រោះអ្នកតុបតែងខ្លួនរបស់អ្នកស្រី ខាយលី បានប្រាប់ពីរឿងសម្ងាត់មួយទាក់ទិននឹងសក់របស់នាង ។
យោងទៅតាមអ្នកតុបតែងខ្លួនខាងលើ សក់ពាក់ពណ៌ទង់ដែងរបស់នាងនៅថ្ងៃកំណើតត្រូវបានធ្វើឡើងពីសក់នៅប្រទេសរុស្ស៊ីតម្លៃរបស់វាជាទូទៅប្រមាណពី ៦ ពាន់ទៅ ៨ ពាន់ដុល្លារឯណោះ ។
អ្នកតុបតែងខ្លួនបានបកស្រាយថា សក់ទាំងនេះមានតម្លៃខ្ពស់ព្រោះវាជាសក់ដែលមិនចាំបាច់ត្រូវការការលាបពណ៌ច្រើនបន្ថែមទៀត ហើយវាភ្លឺរលោងស្អាតស្រាប់ ។ ក្រៅពីការចាយវាយរាប់ពាន់លើសក់នេះហើយ ក្នុងពេលថ្មីៗនេះម្តាយរបស់ ខាយលី បាននិយាយក្នុងបទសម្ភាសមួយថាកូនពៅរបស់អ្នកស្រីក៏ចំណាយច្រើនលើថ្លៃសន្តិសុខដែរ ហើយចំនួនជាក់ស្តែង គឺប្រមាណពី ៣០ ទៅ ៤០ ម៉ឺនឯណោះក្នុងមួយខែ ។
កាលពីខែតុលា មានអ្នកគាំទ្រម្នាក់ដែលអង្គុយចាំអ្នកស្រីបើករថយន្តដល់ផ្ទះ រួចដើរទៅគោះកញ្ចក់ និងស្រែកគម្រាមទាមទារចូលទៅក្នុងផ្ទះរបស់អ្នកស្រី ។ អ្នកស្រីបានដាក់ពាក្យប្តឹងទៅខាងប៉ូលីស ហើយក៏រឹតបន្តឹងផ្នែកសន្តិសុខសម្រាប់ក្រុមគ្រួសារ ៕ កែសម្រួលដោយ ៖ សុឃាក់
ចែករំលែកព័តមាននេះ