រាជធានីភ្នំពេញ ៖ ដោយមើលឃើញពីតម្រូវការជាចាំបាច់ដើម្បីបន្តដំណើរការជួយសង្គ្រោះ និងព្យាបាលជំងឺជូនកុមារទូទាំងប្រទេសរបស់មន្ទីរពេទ្យគន្ធបុប្ផា ដែលបច្ចុប្បន្នបាននិងកំពុងប្រឈមផ្នែកហិរញ្ញវត្ថុនោះសហភាពសហព័ន្ធយុវជនកម្ពុជាខេត្តព្រៃវែងបានឧបត្ថម្ភទឹកប្រាក់ជាង២១លានរៀលជូនមន្ទីរពេទ្យគន្ធបុប្ផា។
រាជធានីភ្នំពេញ ៖ ដោយមើលឃើញពីតម្រូវការជាចាំបាច់ដើម្បីបន្តដំណើរការជួយសង្គ្រោះ និងព្យាបាលជំងឺជូនកុមារទូទាំងប្រទេសរបស់មន្ទីរពេទ្យគន្ធបុប្ផា ដែលបច្ចុប្បន្នបាននិងកំពុងប្រឈមផ្នែកហិរញ្ញវត្ថុនោះសហភាពសហព័ន្ធយុវជនកម្ពុជាខេត្តព្រៃវែងបានឧបត្ថម្ភទឹកប្រាក់ជាង២១លានរៀលជូនមន្ទីរពេទ្យគន្ធបុប្ផា។
ថវិកាសប្បុរសធម៌ដោយឆន្ទៈពិតប្រាកដនៃការចូលរួមបរិច្ចាគត្រូវបានធ្វើពិធីប្រគល់ និងទទួលនៅមន្ទីរពេទ្យគន្ធបុប្ផាសាខាជិតរមណីយដ្ឋានវត្តភ្នំ នៅរសៀលថ្ងៃទី៤ មិថុនា ២០១៤ នេះក្រោមវត្តមានលោកស សុខា ប្រធានសហភាពសហព័ន្ធយុវជនកម្ពុជាខេត្តព្រៃវែងអមដំណើរដោយសមាជិកជាច្រើនរូបទៀត រីឯខាងមន្ទីរពេទ្យគន្ធបុប្ផាដឹកនាំដោយលោកឡូរ៉ង់ដេនីស អនុប្រធានមន្ទីរពេទ្យ។
យោងតាមរបាយការណ៍របស់សហភាពសហព័ន្ធយុវជនកម្ពុជាបានឱ្យដឹងថា ថវិកាដែលបានប្រគល់ជូនដល់មន្ទីរពេទ្យគន្ធបុប្ផានេះ គឺជាថវិការៃអង្គាសតាមផ្ទះប្រជាពលរដ្ឋ និងនៅផ្សារព្រៃព្នៅ សិស្សានុសិស្សវិទ្យាល័យព្រៃព្នៅចំនួន៤០នាក់ និងសមាជិកសហភាពសហព័ន្ធយុវជនកម្ពុជាខេត្តព្រៃវែង៕
ចែករំលែកព័តមាននេះ