រាជធានីភ្នំពេញ ៖ បើតាមសេចក្តីរាយការណ៍បឋមបានឱ្យដឹងថា នារីវ័យក្មេងម្នាក់ជានិស្សិតឆ្នាំទី3ទៅទទួលសញ្ញាប័ត្រ ហើយក៏បាត់ទូរស័ព្ទដៃម៉ាក iPhone 7ភ្លើស១គ្រឿង លុះដល់ពេលបើកលេខថ្មីយកមកប្រើវិញ ស្រាប់តែមានអ្នកតេចូលហៅកង់បីជិះគួរឲ្យសង្ស័យ ក៏ទៅប្រាប់សមត្ថកិច្ចឱ្យជួយកាក់អ្នករត់កង់បីម្នាក់…
រាជធានីភ្នំពេញ ៖ បើតាមសេចក្តីរាយការណ៍បឋមបានឱ្យដឹងថា នារីវ័យក្មេងម្នាក់ជានិស្សិតឆ្នាំទី3ទៅទទួលសញ្ញាប័ត្រ ហើយក៏បាត់ទូរស័ព្ទដៃម៉ាក iPhone 7ភ្លើស១គ្រឿង លុះដល់ពេលបើកលេខថ្មីយកមកប្រើវិញ ស្រាប់តែមានអ្នកតេចូលហៅកង់បីជិះគួរឲ្យសង្ស័យ ក៏ទៅប្រាប់សមត្ថកិច្ចឱ្យជួយកាក់អ្នករត់កង់បីម្នាក់ ប៉ុន្តែនិយាយអត់ច្បាស់ សមត្ថកិច្ចស្មានតែលួចម៉ូតូកង់បី ក៏ផ្អើលឃាត់ខ្លួនពេញមួយខណ្ឌសែនសុខយកទៅសួរនាំ ទើបដឹង បង្កឱ្យមានការភ្ញាក់ផ្អើលកាលពីម៉ោង9យប់ ថ្ងៃទី16 ខែធ្នូ ឆ្នាំ2019 តាមបណ្តោយផ្លូវសហព័ន្ធរុស្សីនៅចំណុចការដ្ឋានសំណង់ ទើបតែសាងសង់បូយ៉ុង ក្នុងសង្កាត់ទឹកថ្លា ខណ្ឌសែនសុខ។
បើតាមសាក្សីឃើញហេតុការណ៍បានឱ្យដឹងថា មុនពេលកើតហេតុ គឺនារីវ័យក្មេងម្នាក់សុំមិនបញ្ចេញអត្តសញ្ញាណនោះទេ បានទូរស័ព្ទទៅប្តឹងសមត្ថកិច្ចខណ្ឌសែនសុខ ឱ្យជួយអន្តរាគមន៍ធ្វើការឃាត់ខ្លួនជនសង្ស័យជិះម៉ូតូកង់បី ពណ៌ស ដែលកំពុងដឹកម៉ូយធ្វើដំណើរមកតាមបណ្តោយផ្លូវសហព័ន្ធរុស្សី ពីកើតទៅលិច ។
ប្រភពដដែលបន្តថា ខណៈពេលដែលម៉ូតូកង់បីបានបើកមកដល់ចំណុចកើតហេតុខាងលើនេះ ក៏ត្រូវបានសមត្ថកិច្ចផ្នែកអន្តរាគមន៍ខណ្ឌសែនសុខ ជួយធ្វើការឃាត់ខ្លួន ហើយយកទៅខាងក្រោមស្ពានអាកាសផ្សារដីហ៊ុយ ដើម្បីឱ្យលោកមេប៉ុស្តិ៍ទឹកថ្លា បានធ្វើការសួរនាំរយៈពេលកន្លះម៉ោង ទើបដឹងថា រឿងនេះគឺនារីរងគ្រោះ ព្រឹកមិញគាត់ទៅទទួលសញ្ញាប័ត្រនៅឯម្តុំផ្សារទំនើបអ៊ីអនជាមួយនឹងសង្សារ លុះពេលបានមួយសន្ទុះក្រោយមកក៏បាត់ទូរស័ព្ទដៃរបស់គាត់ម៉ាក iPhone 7ភ្លើស ។
ប្រភពដដែលបន្តទៀតថា លុះពេលដែលគាត់ទៅបើកស៊ីមថ្មីដាក់ប្រើប្រាស់នោះ ស្រាប់តែមានគេតេចូលហៅកង់បីគួរឲ្យសង្ស័យ ទើបត្រូវបានជនរងគ្រោះប្តឹងសមត្ថកិច្ចឱ្យជួយអន្តរាគមន៍ឃាត់កង់បីមួយគ្រឿងនោះតែម្តង។ ដល់ពេលសួរនាំដឹងរឿងហើយ ជនរងគ្រោះក៏សុំទោសអ្នករត់ម៉ូតូកង់បីឥណ្ឌា រួចឱ្យត្រឡប់ទៅផ្ទះវិញ ។
ក្រោយពេលកើតហេតុខាងលើនេះ ខាងម្ចាស់ម៉ូតូកង់បីវិញ គាត់មិនចង់ឱ្យមានរឿងរ៉ាវវែងឆ្ងាយ ក៏បើកម៉ូតូជិះចេញទៅបាត់ទៅតែម្តង ៕ (កែសម្រួលដោយ ៖ បុប្ផា)
ចែករំលែកព័តមាននេះ