ក្នុងការស្ទង់មតិមួយដែលមានការចូលរួមពីនាយកផ្នែកហិរញ្ញវត្ថុប្រចាំក្រុមហ៊ុនខុសៗគ្នាជុំវិញពិភពលោកបានឲ្យដឹងថា លោកមហាសេដ្ឋី ជេហ្វ បេសូស (Jeff Bezos) ត្រូវបានជ្រើសរើសជាអាជីវករដែលអស្ចារ្យជាងគេក្នុងរយៈពេល ១០ ឆ្នាំកន្លងមកនេះ ខណៈដែលលោក…
ក្នុងការស្ទង់មតិមួយដែលមានការចូលរួមពីនាយកផ្នែកហិរញ្ញវត្ថុប្រចាំក្រុមហ៊ុនខុសៗគ្នាជុំវិញពិភពលោកបានឲ្យដឹងថា លោកមហាសេដ្ឋី ជេហ្វ បេសូស (Jeff Bezos) ត្រូវបានជ្រើសរើសជាអាជីវករដែលអស្ចារ្យជាងគេក្នុងរយៈពេល ១០ ឆ្នាំកន្លងមកនេះ ខណៈដែលលោក ជេក ម៉ា (Jack Ma) របស់ Alibaba ជាប់ចំណាត់ថ្នាក់លេខ ២ និងលោក អ៊ីឡុន ម៉ាស់ (Elon Musk) របស់ Tesla ជាប់ចំណាត់ថ្នាក់លេខ ៣ ។
អ្នកដែលចូលរួមការស្ទង់មតិជ្រើសរើសលោក បេសូស ព្រោះនាយកប្រតិបត្តិរបស់ក្រុមហ៊ុន Amazon រូបនេះបានធ្វើឲ្យអាជីវកម្មរបស់លោកលូតលាស់ក្នុងផ្នែកជាច្រើននាប៉ុន្មានឆ្នាំថ្មីៗនេះ ។ វាក៏ប្រៀបបានជាការទទួលស្គាល់ថាក្រុមហ៊ុននេះជាក្រុមហ៊ុនដែលបានបង្ខំឲ្យវិស័យជាច្រើនផ្លាស់ប្តូរដែរ ។ ក្រៅពីភាពជោគជ័យនៅ Amazon ហើយ លោកថែមទាំងបានងាកទៅកាន់វិស័យផ្ទៃបៃតង និងជំនួយការ Virtual Personal Assistant ដែលមានឈ្មោះថា Alexa ជាដើម ។
ក្នុងផ្នែកកន្លែងផ្ទុកទិន្នន័យ ឬហៅថា Cloud វិញ Amazon បានក្លាយជាក្រុមហ៊ុនដ៏ធំព្រោះតែ AWS ហើយការទិញក្រុមហ៊ុន WholeFoods បាននាំឲ្យ Amazon ចូលទៅវាយលុយទីផ្សារម្ហូបអាហារថែមទៀត ។ មនុស្សជាច្រើនកំពុងតាមដាន Amazon ក្នុងវិស័យដឹកជញ្ជូនខណៈដែលពួកគេព្យាយាមកាត់បន្ថយការពឹងផ្អែកលើក្រុមហ៊ុនដទៃសម្រាប់សេវាដឹកជញ្ជូន ។
Amazon ស្ទើរតែវាយលុយវិស័យសំខាន់ៗទាំងអស់ដែលមានក្នុងសេដ្ឋកិច្ចទៅហើយ ដែលធ្វើឲ្យលោក បេសូស ក្លាយជាបុរសដែលមានទ្រព្យសម្បត្តិច្រើនជាងគេលើលោកបន្ទាប់ពីលោកទិញ Washington Post ។
មហិច្ចតារបស់លោកថែមទាំងត្រូវបានហូរចូលវិស័យអាវកាសទៀតតាមរយៈក្រុមហ៊ុន Blue Origin របស់លោកដែលជាក្រុមហ៊ុនផលិតកាំជ្រួចសម្រាប់ធ្វើដំណើរទៅអាវកាស ។ មហាសេដ្ឋីដទៃទៀតក៏បានជោគជ័យយ៉ាងខ្លាំងក្នុងវិស័យខុសៗគ្នាដែរ ប៉ុន្តែមានតែលោកអ៊ីឡុន ម៉ាស់ ប៉ុណ្ណោះដែលតាមលោក បេសូស បានជិតជាងគេ ។
សំណួរសំខាន់ដែលមនុស្សភាគច្រើនចាំតាមដានមើលលោក បេសូស គឺតើលោកបេសូសនឹងប្រើប្រាស់អំណាច និងឥទ្ធិពលរបស់លោកដើម្បីធ្វើឲ្យពិភពលោកកាន់តែប្រសើរឡើង ឬទេ ៕ កែសម្រួលដោយ ៖ សុឃាក់
ចែករំលែកព័តមាននេះ