ក្រុងហុងកុង ៖ បូ៉លិសក្រុងហុងកុងកាលពីថ្ងៃទី១៥ធ្នូបានធ្វើការចាប់ខ្លួនមនុស្សជាច្រើននាក់និងប្រើឧស្ម័នម្រេច ប្រឈមមុខនឹងពួកបាតុករស្និទ្ធប្រជាធិបតេយ្យ នៅតាមបណ្ដាមជ្ឈមណ្ឌលពាណិជ្ជកម្ម ក្រោយពីភាពស្ងប់ស្ថាត់មួយរយៈមក។ ការប្រមូលផ្ដុំគ្នាបែបផ្លេកបន្ទោរនានា របស់ពួកបាតុករស្លៀកពាក់ខ្មៅ កើតមាននៅតាមកន្លែងផ្សេងៗ អមដោយសកម្មភាពវាយបំផ្លាញនានា។…
ក្រុងហុងកុង ៖ បូ៉លិសក្រុងហុងកុងកាលពីថ្ងៃទី១៥ធ្នូបានធ្វើការចាប់ខ្លួនមនុស្សជាច្រើននាក់និងប្រើឧស្ម័នម្រេច ប្រឈមមុខនឹងពួកបាតុករស្និទ្ធប្រជាធិបតេយ្យ នៅតាមបណ្ដាមជ្ឈមណ្ឌលពាណិជ្ជកម្ម ក្រោយពីភាពស្ងប់ស្ថាត់មួយរយៈមក។
ការប្រមូលផ្ដុំគ្នាបែបផ្លេកបន្ទោរនានា របស់ពួកបាតុករស្លៀកពាក់ខ្មៅ កើតមាននៅតាមកន្លែងផ្សេងៗ អមដោយសកម្មភាពវាយបំផ្លាញនានា។ ប៉ូលិសបានប្រើឧស្ម័នម្រេចនិងចាប់ខ្លួនមនុស្ស យ៉ាងតិចក្នុងមជ្ឈមណ្ឌលពាណិជ្ជកម្ម២ ។
ពួកបាតុករដែលបិទមុខក៏ចូលអុកឡុកបំផ្លិចបំផ្លាញ ក្នុងភោជនីយដ្ឋាននានាគ្រប់គ្រងដោយក្រុមហ៊ុនMAXIM’S ជាក្រុមហ៊ុនភោជនីយដ្ខានយក្សមួយរបស់មហាសេដ្ឋីមួយរូប ដែលក្លាយជាគោលដៅអុកឡុក ព្រោះតែកូនស្រីរបស់គេរិះគន់ចលនាស្និទ្ធប្រជាធិបតេយ្យ។
ការអុកឡុកថ្មីៗទាំងនោះរបស់ពួកបាតុករកើតមាន បន្ទាប់ពី៣សប្ដាហ៍នៃភាពស្ងប់ស្ងាត់ ពុំមានការប៉ះទង្គិចគ្នាដោយហិង្សារវាងប៉ូលិសនិងពួកបាតុករ ក្រោយពីពួកស្និទ្ធប្រជាធិបតេយ្យដណ្ដើមបានជ័យជម្នះដ៏ធំធេង ក្នុងការបោះឆ្នោតមូលដ្ឋានកាលពីថ្ងៃទី២៤វិច្ឆិកា៕ (កែសម្រួលដោយ ៖ បុប្ផា)
ចែករំលែកព័តមាននេះ