ប្រទេសកូរ៉េខាងជើង ៖ ប្រទេសកូរ៉េខាងជើងអះអាងកាលពីថ្ងៃទី១៤ធ្នូថា បានធ្វើការសាកដ៏សំខាន់ថ្មីនៅឯទីតាំងបាញ់បង្ហោះផ្កាយរណបSOHAE ក៏ទោះមានការព្រមានរបស់សហរដ្ឋអាមេរិក ខណៈជិតដាច់ឆ្នាំនាំឲ្យមានភាពល្អក់កករថ្មីរវាងប្រទេសទាំង២។
បន្ទាប់ពីការសាកល្បងដ៏អាថ៌កំបាំងជាលើកទី២ ក្នុងរយៈពេលតែ៨ថ្ងៃនៅទីតាំងដដែលនោះ នាយសេនាធិការកងទ័ពកូរ៉េខាងជើង លោកPAK JON CHONនិយាយថា បណ្ដាទិន្នន័យមិនអាចវាយតម្លៃបាននានា បទពិសោធន៍និងបច្ចេកវិទ្យាថ្មីៗដែលសម្រេចបាន ក្នុងរយៈពេលនៃការសាកល្បងស្រាវជ្រាវខាងវិទ្យាសាស្ត្រចុងក្រោយនានា នឹងយកទៅប្រើប្រាស់ដោយពេញលេញ សម្រាប់ផលិតអាវុធយុទ្ធសាស្ត្រដទៃមួយទៀត។
ប្រមុខយោធារូបនោះបន្តថា ទិសដៅគឺទប់ស្កាត់និងយកឈ្នះជាស្ថាពរនិងគួរឲ្យជឿជាក់ ការគំរាមកំហែងនុយក្លេអ៊ែររបស់សហរដ្ឋអាមេរិក។ ក្នុងន័យនេះការប្រឈមមុខដាក់គ្នាដ៏ស្រូចស្រាល់ជាមួយសហរដ្ឋអាមេរិកនិងកម្លាំងប្រទូស្តរា៉យឯទៀតៗ នឹងឆ្លងដំណាច់ឆ្នាំំដែលស្ងប់ស្ងាត់ ទាល់តែពួកគេបញ្ឈប់រាល់វោហាសាសន៍និងសកម្មភាពទាំងឡាយប្រឆាំងយើង។
ក្រសួងការបរទេសអាមេរិកបានបញ្ចេញប្រតិកម្មថា យើងបានឃើញព័ត៌មានទាំងនេះ ដែលរៀបរាប់ពីការសាកល្បងមួយ ហើយយើងបានសម្របសម្រួលគ្នាយ៉ាងជិតស្និទ្ធ ជាមួយសម្ព័ន្ធមិត្តកួរ៉េខាងត្បូងនិងជប៉ុន។
តាមអ្នកនាំពាក្យម្នាក់របស់បណ្ឌិតសភាវិទ្យាសាស្ត្រការពារកូរ៉េខាងជើង ដកស្រង់ផ្សាយដោយទីភ្នាក់ងារព័ត៌មានKCNAថា ការសាកល្បងសំខាន់ថ្មីនេះ ប្រព្រឹត្តទៅប្រកបដោយជោគជ័យ នៅទីតាំងSOHAEកាលពីថ្ងៃទី១៤ធ្នូវេលាម៉ោង ២២និង៤១នាទីម៉ោងក្នុងស្រុក។ វានឹងអាចកែលម្អថែមទៀតដល់ប្រសិទ្ធភាពនៃអា វុធនុយក្លេអ៊ែរយុទ្ធសាស្ត្ររបស់កូរ៉េខាងជើង៕ (កែសម្រួលដោយ ៖ បុប្ផា)
ចែករំលែកព័តមាននេះ