ទស្សនៈ គឺជាកត្តាដ៏សំខាន់ដែលអាចប្រាប់ឲ្យដឹងថាម្ចាស់អាជីវកម្មម្នាក់អាចជោគជ័យ ឬទេព្រោះទស្សនៈអាចនាំឲ្យមានសកម្មភាព និងលទ្ធផលដែលបង្កើតតថភាពរបស់មនុស្សម្នាក់ៗ ។ ក្នុងវិស័យអាជីវកម្ម វាពិតជាសំខាន់ណាស់ក្នុងការរក្សាទស្សនៈវិជ្ជមាន និងទស្សនៈមួយចំនួនទៀតដែលជំរុញឲ្យមនុស្សឆ្លងកាត់ឧបសគ្គ និងក្រោកឈរពីការបរាជ័យផ្សេងៗ ។…
ទស្សនៈ គឺជាកត្តាដ៏សំខាន់ដែលអាចប្រាប់ឲ្យដឹងថាម្ចាស់អាជីវកម្មម្នាក់អាចជោគជ័យ ឬទេព្រោះទស្សនៈអាចនាំឲ្យមានសកម្មភាព និងលទ្ធផលដែលបង្កើតតថភាពរបស់មនុស្សម្នាក់ៗ ។ ក្នុងវិស័យអាជីវកម្ម វាពិតជាសំខាន់ណាស់ក្នុងការរក្សាទស្សនៈវិជ្ជមាន និងទស្សនៈមួយចំនួនទៀតដែលជំរុញឲ្យមនុស្សឆ្លងកាត់ឧបសគ្គ និងក្រោកឈរពីការបរាជ័យផ្សេងៗ ។ បើអ្នកចង់កាន់តែជោគជ័យ និងរកលុយបានកាន់តែច្រើន តើអ្នកគួរប្រកាន់ខ្ជាប់ទស្សនៈបែបណា ?
១. ខ្ញុំរឹងមាំជាងបញ្ហាដែលខ្ញុំជួបប្រទះ ៖
បើអ្នកគិតថា សេដ្ឋកិច្ចកំពុងតែទន់ខ្សោយ នោះអ្នកនឹងមានឱកាសកាន់តែច្រើនក្នុងការជួបឧបសគ្គផ្សេងៗក្នុងអាជីវកម្ម ។ ម្ចាស់អាជីវកម្មមិនអាចជៀសវាងឧបសគ្គ និងបញ្ហាទាំងស្រុងទេ ហើយមនុស្សដែលមិនមានភាពប្តេជ្ញា និងសមត្ថភាពក្នុងការដោះស្រាយបញ្ហានឹងលេចលង់គ្មានថ្ងៃអាចក្រោកបានមកវិញឡើយ ។
ដូច្នេះអ្នកត្រូវតែជឿជាក់ថា ខ្លួនរឹងមាំជាងបញ្ហាដែលខ្លួនជួបប្រទះហើយអ្នកមានសមត្ថភាពក្នុងការរកដំណោះស្រាយសម្រាប់វាបាន ។ បញ្ហាទាំងនេះអាចមានទ្រង់ទ្រាយជាច្រើនដូចជា បុគ្គលិកមិនល្អដៃគូប្រកួតប្រជែងខ្លាំងក្លា ការធ្លាក់ចុះនៃតម្លៃផលិតផល ឬការទាមទារតម្លើងប្រាក់ខែពីបុគ្គលិកជាដើម ។
២. ហ៊ានលោតផ្លោះដើម្បីអតិថិជន៖
បើអាជីវកម្មអ្នកមានដៃគូប្រកួតប្រជែងខ្លាំងក្លា អ្នកគួរតែចាប់ផ្តើមក្លាហានក្នុងការលោតផ្លោះ ដើម្បីអតិថិជន ។ អាជីវកម្មអ្នកអាចដំណើរការបានរលូនលុះត្រាតែអតិថិជនបន្តត្រឡប់មករកអ្នកវិញនៅថ្ងៃអនាគតប៉ុណ្ណោះ ។ ដូច្នេះអតិថិជនតែងតែត្រូវ ហើយលុយតែងតែជាស្តេច ។ ក្រៅពីព្យាយាមយល់ដឹងពីបទពិសោធន៍របស់អតិថិជនពេលដែលប្រើផលិតផល ឬសេវាកម្មរបស់អ្នកហើយ ភាពច្នៃប្រឌិតក៏មានសារៈសំខាន់ដែរ ។ ដូច្នេះម្ចាស់អាជីវកម្មមិនគួរមើលរំលងកម្មវិធីថ្មីៗដែលអាចធ្វើឲ្យអតិថិជនកាន់តែគាំទ្រអ្នកទេ ។
៣. ខ្ញុំរកវិធីដើម្បីយកឈ្នះដៃគូប្រកួតប្រជែង៖
ការប្រកួតប្រជែង និងការរក និងអនុវត្តយុទ្ធសាស្ត្រដែលត្រឹមត្រូវមិនដូចគ្នាឡើយ ។ អាជីវកម្មនីមួយៗអាចយកឈ្នះដៃគូប្រកួតប្រជែងតាមវិធីខុសៗគ្នា ដូចជាកាត់បន្ថយតម្លៃ បង្កើនគុណភាព រកបុគ្គលិកកាន់តែល្អ ឬរកដៃគូសហការផ្សេងជាដើម ។សរុបមកទស្សនៈល្អអាចជំរុញឲ្យម្ចាស់អាជីវកម្មឆ្លងកាត់បញ្ហា និងឧបសគ្គដែលជីវិត និងសេដ្ឋកិច្ចផ្តល់ឲ្យអ្នក ។ ផ្ទុយមកវិញ ទស្សនៈដែលអវិជ្ជមានអាចបង្កបញ្ហាដល់អាជីវកម្មរបស់អ្នកទៅវិញ ៕ កែសម្រួលដោយ ៖ សុឃាក់
ចែករំលែកព័តមាននេះ