យោងតាមគេហទំព័របរទេសចេញផ្សាយ កាលពីពេល ថ្មីៗនេះ ឱ្យដឹងថា ក្រុមអ្នកស្រាវជ្រាវប្រទេសជប៉ុនបានសាកល្បងម៉ាស៊ីនកុំព្យូទ័រម៉្យាងដែលអាចពាក់លើត្រចៀក ដាក់ឈ្មោះថា Earclip-type Wearable PC ។
កុំព្យូទ័រតូចមួយប្រភេទនេះ មានកម្មវិធីដូចជា ប្រព័ន្ធភូមិសាស្ត្រ GPS, ត្រីវិស័យ, ការវាស់ជីពចរ, ការវាស់សីតុណ្ហភាព និងប្រព័ន្ធទាក់ទង Bluetooth ជាដើម ។ វាមានកម្រាស់០,៥៩ ounce និងមានទម្ងន់១៧ក្រាម ។
លោក Kazuhiro Taniguchi វិស្វករប្រចាំសាកលវិទ្យាល័យ Hiroshima City University និយាយថា Earclip-type Wearable PC បានបង្កើតឡើងជាលក្ខណៈបច្ចេកវិទ្យាចុងក្រោយរបស់ពិភពលោក ផ្ទុកទៅដោយបន្ទះ microchip ក្នុងការរក្សាទិន្នន័យ សំខាន់ៗមួយចំនួនដែលអនុញ្ញាតឱ្យអ្នកប្រើប្រាស់ទាំងអស់ទាញយកកម្មវិធី Software យ៉ាងងាយស្រួល ពោលគឺវាភ្ជាប់ការទាក់ទងគ្នាជាស្វ័យប្រវត្តិទៅនឹង Smartphone, Tablet និងឧបករណ៍អេឡិចត្រូនិក មួយចំនួនទៀត ដែលបានប្រើប្រាស់ប្រព័ន្ធប្រតិបត្តិការ Android ។
លើសពីនេះទៅទៀត ឧបករណ៍ពាក់ត្រចៀកមួយប្រភេទនេះ ប្រើប្រាស់ប្រភេទ Sensor infra-red (អាំងប្រាក្រហម) ដែលវាអាចត្រួតពិនិត្យចលនារបស់ត្រចៀក និងមាត់ ។ ឧបករណ៍មួយប្រភេទនេះនឹងដាក់លក់ជាផ្លូវការក្នុងអំឡុងពេលបុណ្យណូអែលឆ្នាំ២០១៥ ៕
ចែករំលែកព័តមាននេះ