ការប៉ះទង្គិចគ្នារវាងពួកស៊ីអ៊ីត និងពួកស៊ុននីតកើតមានកាលពីថ្ងៃទី៣ មីនា ក្នុងទីក្រុងហាម៉ាដប្រទេសបារ៉ែន ដែលនេះជាការប៉ះទង្គិចគ្នាដោយផ្ទាល់លើកដំបូងរវាងសហគមន៍ទាំង២នេះតាំងពីចាប់ផ្តើមបាតុកម្មនយោបាយនៅក្នុងរាជធានីម៉ាណាម៉ាតាំងពី២សប្តាហ៍មកហើយ។ យោងតាមសាក្សីទាំងឡាយថា ការប៉ះទង្គិចគ្នាចូលរួមដោយមនុស្សចំនួន១០០នាក់។ បណ្តាឧទ្ធម្ភាគចក្ររបស់ប៉ូលិសបានហោះហើរលើតំបន់នោះ ហើយរថយន្តសង្គ្រោះ២គ្រឿងគេឃើញបើកចេញពីទីនោះ។ អំពើហិង្សាបានបញ្ចប់ពេលកងកំលាំងប៉ូលិសលើកទៅដល់។ ពួកអ៊ិស្លាមនីកាយស៊ីអ៊ីតនៅបារ៉ែនដឹកនាំដោយរាជវង្សស៊ុននីត ខាលីហ្វាតំណាងឱ្យ៧០%នៃប្រជាជនប្រទេសនេះ។ ពួកស៊ីអ៊ីតមានការមិនសប្បាយចិត្តចំពោះការរើសអើងខាងការងារ សេវាកម្មសង្គម សេវាកម្មសាធារណៈ និងការបែងចែកលំនៅឋាន ៕
ចែករំលែកព័តមាននេះ