ខេត្តព្រៃវែង ៖ តាមប្រភពពីហ្វេសប៊ុកផ្ទាល់ខ្លួនរបស់លោកឧត្តមសេនីយ៍ទោ ឡុង ស្រេង បានបង្ហោះមុននេះបន្តិច ដែលមានខ្លឹមសារខ្លីថា កាលពីវេលារសៀលថ្ងៃទី១១ ខែធ្នូ ឆ្នាំ២០១៩…
ខេត្តព្រៃវែង ៖ តាមប្រភពពីហ្វេសប៊ុកផ្ទាល់ខ្លួនរបស់លោកឧត្តមសេនីយ៍ទោ ឡុង ស្រេង បានបង្ហោះមុននេះបន្តិច ដែលមានខ្លឹមសារខ្លីថា កាលពីវេលារសៀលថ្ងៃទី១១ ខែធ្នូ ឆ្នាំ២០១៩ ក្រុមការងារឃុំត្នោត ស្រុកកញ្ជ្រៀច ខេត្តព្រៃវែង សូមចូលរួមសោកស្ដាយចំពោះករណីភ្លើងឆេះស្រូវរបស់ប្រជាពលរដ្ឋនៅភូមិស្វាយចេកក្រឡាមាឃ និងភូមិខ្នាយកូវ ស្ថិតឃុំត្នោត និងសូមគោរពថ្លែងអំណរគុណចំពោះលោកឧត្ដមសេនីយ៍ទោបែន រ័ត្ន ស្នងការនគរបាលខេត្ដត្បូងឃ្មុំ និងលោក បិន្ដ ជីវ័ន្ដ អភិបាលស្រុកកញ្ជ្រៀច ដែលបានជួយអន្ដរាគមន៍ឲ្យរថយន្តពន្លត់អគ្គិភ័យបាញ់ទឹកពន្លត់បានទាន់ពេលវេលា ។
ករណីខាងលើនេះលោក ឡុង ស្រេង បានឲ្យដឹងតាមទូរស័ព្ទថា ខណៈរូបលោកកំពុងដឹកនាំប្រជាពលរដ្ឋប្រមានជាង២០០នាក់ ដែលចុះទៅពន្លត់ភ្លើងឆេះស្រូវនោះបានឱ្យដឹងថា ស្រូវជាង៨ហិកតាត្រូវភ្លើងឆេះបំផ្លាញខ្ទេចខ្ទី ដោយសារមូលហេតុ ដំបូងឡើយមានបងប្អូនប្រជាពលរដ្ឋបាននាំគ្នាដុតគល់ជញ្ជ្រាំងស្រូវដើម្បីប្រញ៉ាប់យកដីស្រែដាំឪឡឹក ។ លុះនៅពេលពួកគាត់ដុតគល់ជញ្ជ្រាំងស្រូវនោះទៅ ទើបបណ្តាលឱ្យភ្លើងឆេះរាលដាលដល់ស្រូវក្នុងស្រែដែលមិនទាន់ច្រូតកាត់យ៉ាងសន្ធោសន្ធៅ ប៉ុន្តែដោយសារបានពន្លត់អគ្គិភ័យចុះទៅជួយបាញ់ទឹកពន្លត់ទាន់ ទើបឆេះតែជាង៨ហិកតានោះ នឹងបានពន្លត់អស់រយៈពេលជាច្រើនម៉ោងទើបភ្លើងរលត់ទៅវិញ ៕
ចែករំលែកព័តមាននេះ