ការចាប់ផ្តើមអាជីវកម្មនីមួយៗកើតចេញពីការមានគំនិតអាជីវកម្ម ។ ប្រាកដណាស់ មុនពេលហ៊ានធ្វើឲ្យគំនិតនោះក្លាយទៅជាការពិត អ្នកប្រហែលជាត្រូវដើរសួរអ្នកដទៃជាច្រើន ហើយថែមទាំងខ្លួនឯងថែមទៀតថាតើគំនិតដែលអ្នកមានអាចរកលុយឲ្យអ្នកដែរទេ?ដើម្បីឆ្លើយសំណួរនេះបាន អ្នកត្រូវពិចារណាចំណុចខាងក្រោមនេះជាមុនសិន៖ ១. តើអាជីវកម្មអ្នកអាចរកចំណូលឲ្យអ្នកតាមវិធីណា? អ្នកត្រូវដឹងឲ្យច្បាស់ថា…
ការចាប់ផ្តើមអាជីវកម្មនីមួយៗកើតចេញពីការមានគំនិតអាជីវកម្ម ។ ប្រាកដណាស់ មុនពេលហ៊ានធ្វើឲ្យគំនិតនោះក្លាយទៅជាការពិត អ្នកប្រហែលជាត្រូវដើរសួរអ្នកដទៃជាច្រើន ហើយថែមទាំងខ្លួនឯងថែមទៀតថាតើគំនិតដែលអ្នកមានអាចរកលុយឲ្យអ្នកដែរទេ?ដើម្បីឆ្លើយសំណួរនេះបាន អ្នកត្រូវពិចារណាចំណុចខាងក្រោមនេះជាមុនសិន៖
១. តើអាជីវកម្មអ្នកអាចរកចំណូលឲ្យអ្នកតាមវិធីណា?
អ្នកត្រូវដឹងឲ្យច្បាស់ថា ផ្នែកណានៃអាជីវកម្មអ្នកជាប្រភពចំណូលអ្នក ។ តើវាជាការលក់ផលិតផល ឬសេវាកម្ម? ឬការផ្សាយពាណិជ្ជកម្ម? បន្ទាប់មកមើលថាតើចំណូលដែលរកបានពីអាជីវកម្មនេះពិតជាអាចជួយឲ្យអ្នករួចខ្លួនទេប្រសិនបើអ្នកដកការចំណាយផ្សេងៗ?
២. តើអាជីវកម្មអ្នកជួយដោះស្រាយបញ្ហាអ្វីទេ?
អាជីវកម្មដែលជោគជ័យជាងគេជាអាជីវកម្មដែលត្រូវបានចាប់ផ្តើមឡើងដើម្បីដោះស្រាយបញ្ហាណាមួយក្នុងសង្គម ។ បើអាជីវកម្មអ្នកអាចផ្តល់ដំណោះស្រាយសម្រាប់បញ្ហាដែលមនុស្សជាច្រើនជួបប្រទះនោះ អ្នកអាចនឹងរកចំណូលបានច្រើន ។ ដូច្នេះអ្នកត្រូវមើលសិនថាតើមានបញ្ហាអ្វីដែលអ្នកអាចដោះស្រាយបាន ហើយអតិថិជនដែលជួបនឹងបញ្ហានេះមានច្រើនគ្រប់គ្រាន់ ឬទេ?
៣. តើអ្នកមានធនធានគ្រប់គ្រាន់សម្រាប់វាទេ?
វាអាចជាគំនិតល្អមួយតែអ្នកមិនមានធនធានគ្រប់គ្រានដើម្បីធ្វើឲ្យវាក្លាយជាការពិតឡើយ ។ ប៉ុន្តែវាមិនមែនមានន័យថាអ្នកត្រូវតែពឹងផ្អែកលើខ្លួនឯងទាំងស្រុងទេ ។ បើគំនិតអ្នកពិតជាល្អ និងគួរឲ្យទុកចិត្តពិតមែន អ្នកនឹងអាចជំរុញឲ្យអ្នកដទៃវិនិយោគលើវា មិនថាជាក្រុមគ្រួសារ មិត្តភក្តិ ឬអ្នកដទៃឡើយ ។
៤. តើអ្នកមានយុទ្ធសាស្ត្រដែលធ្វើឲ្យអ្នកខុសប្លែកពីអ្នកដទៃ ឬទេ?
ទោះជាគំនិតអ្នកល្អប៉ុណ្ណាក៏អ្នកដទៃអាចធ្វើដូចអ្នកដែរ ។ តែវាមិនមែនមានន័យថាអ្នកត្រូវបោះបង់វាចោលទេ ។ ផ្ទុយមកវិញ អ្នកត្រូវរកវិធីដើម្បីធ្វើឲ្យផលិតផល ឬសេវាកម្មរបស់អ្នកខុសប្លែកពីអ្នកដទៃដែលបន្តទាក់ទាញអតិថិជនឲ្យគាំទ្រអ្នក ។
៥. តើអ្នកបានសាកល្បងគំនិតអ្នកហើយ ឬនៅ?
ពេលដែលអ្នកបានធ្វើចំណុចទាំងបួនហើយ អ្នកត្រូវសាកល្បងគំនិតរបស់អ្នកមុនពេលធ្វើឲ្យវាក្លាយទៅជាអាជីវកម្មពេញលេញ ។ ពេលដែលសាកល្បង អ្នកគួរតែសាកល្បងជាមួយមនុស្សដែលអ្នកមិនស្គាល់ព្រោះពួកគេនឹងផ្តល់គំនិតស្មោះត្រង់ជាងគេ ។ បើអ្នកទទួលបានការឆ្លើយតបវិជ្ជមានភាគច្រើននោះអ្នកគួរតែចាប់ផ្តើមឈានជើងឆ្ពោះទៅរកអាជីវកម្មផ្ទាល់ខ្លួនអ្នកទៅ ៕ កែសម្រួលដោយ ៖ សុឃាក់
ចែករំលែកព័តមាននេះ