រាជធានីភ្នំពេញ ៖ លោក អេឡិច ចាន់ត្រា មួយរដូវការម្តងៗរីកមុខណាស់ ត្រូវប៉ាន់តែម្តងនារដូលការដោយលោកជាប្រធានក្រុមចាត់ចែងអ្នកចម្រៀងលេចធ្លោ នៅតាមពិធីជប់លៀងមង្គល ការ។ ដោយសារតែរកពេលសម្រាកមិនទាន់…
រាជធានីភ្នំពេញ ៖ លោក អេឡិច ចាន់ត្រា មួយរដូវការម្តងៗរីកមុខណាស់ ត្រូវប៉ាន់តែម្តងនារដូលការដោយលោកជាប្រធានក្រុមចាត់ចែងអ្នកចម្រៀងលេចធ្លោ នៅតាមពិធីជប់លៀងមង្គល ការ។ ដោយសារតែរកពេលសម្រាកមិនទាន់ សូម្បីតែថ្ងៃពិសេសក៏លោកភ្លេច រហូតត្រូវបានរៀមច្បងសិល្បៈរួមគ្នាបង្ហាញការពញ្ញាក់អារម្មណ៍ទាំងមិនដឹងខ្លួន។
បើទោះបីជាលោក អេឡិច ចិន្ត្រា ហក់ប្រឡូកនៅក្នុងពិភពសិល្បៈ អស់ជាច្រើនឆ្នាំ តែតារារូបរាងសង្ហារម្នាក់នេះ នៅតែទទួលបានទីផ្សារមិនចាញ់កាលនៅជាយុវវ័យប៉ុន្មានឡើយ។ មួយឆ្នាំៗហុងស៊ុយល្អណាស់ បានឱកាសទៅច្រៀងសម្តែងនៅឯនាយសមុទ្រ ដូចផ្ទះទី២ ពិសេសនៅប្រទេសអូស្ត្រាលី។
យ៉ាងណាមិញ តារាលំដាប់លេចធ្លោរូបនេះ ត្រូវបានកំពូលតារាចម្រៀងមាស សុខសោភា និងពិធីករ ពិធីការិនីលំដាប់ជួរមុខ គង់ សុជាតិ និងជា វិបុល រួមគ្នាធ្វើខួបកំណើតឱ្យ អេឡិច ទាំងកំពុងធ្វើការ រហូតធ្វើឱ្យសាមីខ្លួនរំជួលចិត្ត ហួសចិត្តរវល់ការងារ សូម្បីថ្ងៃកំណើតក៏ចង់ភ្លេច។
នៅលើបណ្តាញសង្គមលោកអេឡិច ចាន់ត្រា សរសេរថា «ឆ្នាំនេះ មិនបានគិតពីថ្ងៃខួបកំណើតខ្លួនឯងទេ ព្រោះរវល់ការងាពេក តែយប់មិញកំពុងតែរៀបចំកម្មវិធីមង្គលបានបងៗសិល្បករ និងមិត្តសិល្បករ Surprised cake និងការជូនពរជាច្រើន ហើយមកដល់ផ្ទះឃើញ កាដូនៅលើ Sofa ទៀត ហាស ហា មិនមែន gift ថ្លៃអ្វីទេ តែជាទឹកចិត្តដែលធ្វើឱ្យខ្ញុំសប្បាយចិត្តខ្លាំងណាស់ ពិតជាអរគុណដល់អ្នកទាំងអស់គ្នា»។ (កែសម្រួលដោយ ៖ បុប្ផា)
ចែករំលែកព័តមាននេះ