ខេត្តបាត់ដំបង ៖ ដើម្បីអបអរសាទរទិវាកុមារអន្តរជាតិ អង្គការគ្រីតភីសកម្ពុជាGreat Peace Cambodai ក្នុងខេត្តបាត់ដំបងបានសហការជាមួយសាលាបឋមសិក្សាចំនួន៦ គឺសាលាជ្រៃកោង សាលាហ្វាពន្លឺសិល្បះ សាលាពោធិវង្ស សាលារំចេកបី សាលាទួលតាឯក និងសាលាអូរតាគាំ១ ដើម្បីជ្រើសរើសសិស្សមកប្រឡង សមត្ថភាព លើវិញ្ញាសារចំនួន០៣គឺ វិញ្ញាសារលោតបាវ គាបប៉េង ប៉ោងនិង ជាន់ប៉េងប៉ោង ដែលសាលានីមួយៗបញ្ជូនសិស្សមកចំនួន១៦នាក់ ដែលសរុបទាំងអស់ចំនួន៩៦នាក់ មកលេងនៅក្នុងអង្គការនេះនៅ វេលាម៉ោង២រសៀល ថ្ងៃទី៣១ ឧសភា ២០១៤ ដោយមានលោកគ្រូ អ្នកគ្រូនិងសមត្ថកិច្ចចូលរួមផងដែរ។
នៅក្នុងឱកាសបើកកម្មវិធីនោះ កញ្ញា យូ សេហ៊ី នាយិកា ប្រចាំប្រទេសរបស់អង្គការគ្រីតភីសកម្ពុជា បានមានមតិបើកកម្មវិធីដោយបញ្ជាក់ថា គោលបំណងគឺបំផុសស្មារតីមនុស្សជាតិគ្រប់ពណ៌សម្បុរ ឱ្យយកចិត្តទុកដាក់ចំពោះសុខភាពកុមារ ព្រមទាំងសិទ្ធទាំង៤សំខាន់ៗ រួមមានសិទ្ធរស់រានមានជីវិត សិទ្ធទទួលបានការពារ សិទ្ធទទួលបានការអភិវឌ្ឍ និងសិទ្ធនៃការចូលរួម។អង្គការគ្រីតភីសកម្ពុជាបានរៀបចំរង្វាន់និងអំណោយជូនដល់សិស្សានុសិស្សទាំងអស់គ្នា មានដូចជាសៀវភៅ ប៊ិចនិងកាបូបជាដើម ។
ព័ត៌មានលម្អិតនិងមានផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ