ខេត្តឧត្តមានជ័យ ៖ សេចក្តីរាយការណ៍បឋមឲ្យដឹងថា មានជនជាតិថៃ២នាក់ ត្រូវបានកម្លាំងសមត្តកិច្ចនគរបាលជាតិ នៃមន្ទីរប្រឆាំងគ្រឿងញៀនឃាត់ខ្លួន កាលពីវេលាម៉ោងជាង៣រសៀលថ្ងៃទី១០ ខែធ្នូ ឆ្នាំ២០១៩ ខណៈពួកគេបាន នឹងកំពុងដឹកជញ្ជូនគ្រឿងញៀ ន៨ដុំ ស្មើ៨គីឡូក្រាមចូលមកស្រុកខ្មែរ ។
ជនជាតិថៃ២នាក់នោះម្នាក់ឈ្មោះ ប្រាក់ ស៊ុប ភេទប្រុស អាយុ៣២ឆ្នាំ នឹងម្មាក់ឈ្មោះ ថា ណាតផុន ភេទប្រុស អាយុ៤២ឆ្នាំ ។ សេចក្តីរាយការឲ្យដឹងទៀតថា ឆ្លងតាមការដឹកនាំដ៏ខ្ពង់ខ្ពស់ពីសំណាក់នាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ នឹង នាយឧត្តមសេនីយ៍ ម៉ក់ ជីតូ អគ្គស្នងការរង ទទួលផែនប្រយុទ្ធប្រឆាំគ្រឿងញៀន ។
លោកឧត្តមសេនីយ៍ឯក ឡឹក វណ្ណៈ នាយកមន្ទីរប្រឆាំងគ្រឿងញៀន បានប្រើប្រាស់កម្លាំងជំនាញ នៃការិយាល័យទី៩ ដឹកនាំដោយលោកឧត្តមសេនីយ៍ យិន បញ្ញារិទ្ធ នាយករងមន្ទីរប្រឆាំគ្រឿងញៀន បានចុះទៅសហការជាមួយស្នង ការដ្ឋាននគរបាលខេត្តឧត្តរមានជ័យ ក្រោមការសម្របសម្រួលពីលោក ប៉េង ម៉េងគ័ង ព្រះរាជអាជ្ញារងអមសាលាដំបូងខេត្ត សើុបង្កេត នឹងស្រាវជ្រាវ ឈានដល់ការបង្ក្រាបលើកណីជួញដូរគ្រឿងញៀនឆ្លងដែនដោយខុសច្បាប់មួយករណី នៅណុចផ្លូវជាតិលេខ៦៨ ស្ថិតក្នុងភូមិអូរពក ឃុំកូនគ្រៀល ក្រុងសំរោង ខេត្តឧត្តរមានជ័យ លទ្ធផលឃាត់ខ្លួនជនសង្ស័យ២នាក់ ដូចមានឈ្មោះខាងលើនេះ។
ក្នុងនោះដែរសមត្តកិច្ចបានធ្វើការដកហូតវត្ថុតាងថ្នាំញៀន ៖
១-ម្សៅពណ៍សថ្លា ៨ កញ្ចប់ធំសង្ស័យប្រភេទថ្នាំ.មេតំហ្វេតាមីន (ICE)ដែលទម្ងន់ស្មើប្រហែល៨គីឡូក្រាម ។
២-រថយន្ត IZUZU ១គ្រឿង ជាមធ្យោបាយដឹកជញ្ជូនគ្រឿងញៀនឆ្លងដែនដោយខុសច្បាប់ ។ បើតាមសមត្តកិច្ចបង្ហើបឲ្យដឹងថា ថ្នាំញៀន៨ដុំ ដែលជនជាតិថៃ២នាក់ដឹកឆ្លងដែនបម្រុងចូលមកធ្វើចរាចរលើទីផ្សារងងឹត នៅក្នុងព្រះរាជាណាចក្រកម្ពុជានេះ គឺជនសង្ស័យបាននាំយកថ្នាំញៀនមកពីប្រទេសថៃចូលមកកម្ពុជា មិនមែននាំពីកម្ពុជាទៅប្រទេសថៃទេ ។
ប៉ុន្តែទោះជាយ៉ាង ណា ក្រុមឧក្រិដ្ឋជនដែលជាឈ្មួញជួញដូរគ្រឿងញៀននោះ ត្រូវបានកម្លាំងសមត្តកិច្ចនគរបាលជាតិនៃមន្ទីរប្រឆាំងគ្រឿងញៀន សហការបង្ក្រាបនឹងចាប់ខ្លួនទាន់ពេលវេលា ។ ជនសង្ស័យ នឹងវត្ថុតាង ត្រូវបានកម្លាំងសមត្តកិច្ចកំពុងរៀបចំសំណុំរឿងបញ្ជូនទៅកាន់សាលាដំបូងខេត្តឧត្តរមានជ័យ តាមនីតិវិធី ៕
ចែករំលែកព័តមាននេះ