រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីបានស្នើសុំកីឡាករ កែវ សុផេង សុំកុំបាក់ទឹកចិត្ត ព្រោះទោះបីជាមានកីឡាករលំដាប់ពិភពលោកក៏ទាត់បាល់ប៉េណាំងទីមិនចូល…
រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីបានស្នើសុំកីឡាករ កែវ សុផេង សុំកុំបាក់ទឹកចិត្ត ព្រោះទោះបីជាមានកីឡាករលំដាប់ពិភពលោកក៏ទាត់បាល់ប៉េណាំងទីមិនចូល ដែរ ។
សម្តេចតេជោ ហ៊ុន សែន បានថ្លែងក្នុងពីធីចែកសញ្ញាបត្របញ្ចប់ការសិក្សាដល់និស្សិត សាកលវិទ្យា CUS នាព្រឹកថ្ងៃទី១១ ខែធ្នូនេះ នៅមជ្ឍមណ្ឌលកោះពេជ្រ យ៉ាងដូច្នេះ «ខ្ញុំចង់ចូលទៅខមមិនហ្វេសប៊ុក កែវ សុខផេង កុំបាក់ទឹកចិត្តក្រោយពីទាត់បាត់ប៉េណាំងទី១១ ម៉ែត្រមិនចូលប៉ះជាមួយមីយ៉ាន់ម៉ាម្សិលមិញ ។ ខ្ញុំបានឃើញកែវ សុខផេង បានសរសេរលើហ្វេសប៊ុក «កំហុសគ្រប់យ៉ាងមកពីខ្ញុំ» ។ តែខ្ញុំចង់ប្រាប់ថា កុំបាក់ទឹកចិត្តអី ព្រោះកីឡាករលំដាប់ពិភពលោកក៏ទាត់មិនចូលដែរ» ។
ជាមួយគ្នានោះដែរ សម្តេចតេជោ បានសរសើរចំពោះទម្រង់ លេងបាលទាត់របស់ក្រុមកីឡាករកម្ពុជាថា មានភាពល្អប្រសើរនាពេលបច្ចុប្បន្ន ។ ហើយសម្តេចក៏បានលើកឡើងពីការរិះគន់ចំពោះមិត្តមួយចំនួនតាមហ្វេសប៊ុកថា ពេលខ្លះសរសើរ ពេលខ្លះបង្អាប់ ដែលទង្វើមិនល្អនោះទេ ព្រោះថា កីឡាតែងមានឈ្នះ ចាញ់ ។
សូមជម្រាបថា ការលើកឡើងរបស់សម្តេចតេជោបន្ទាប់ពីក្រុមជម្រើសជាតិកម្ពុជាក្រោមអាយុ២២ឆ្នាំ (U22) បានប៉ះជាមួយក្រុមជម្រើសជាតិក្រោយអាយុ២២ឆ្នាំ (U22) មីយ៉ាន់ម៉ា ដោយទទួលបានពិន្ទុ២ស្មើរ ប៉ុន្តែកម្ពុជាចាញ់ប៉េណាំងទី១១ម៉ែត្រមួយគ្រាប់ ក្រុមជម្រើសជាតិមីយ៉ាន់ម៉ា ដោយសារកីឡាករ កែវ សុផេង របស់កម្ពុជាបានស៊ុតបាល់មិនចូលចុងក្រោយ ៕
ចែករំលែកព័តមាននេះ