សហរដ្ឋអាមេរិក ៖ ឧត្ដមសេនីយCHRISTOPHER CAVOLIគូសបញ្ជាក់កាលពីថ្ងៃទី៩ធ្នូថា កងទ័ពអាមេរិកបានរៀបចំការដាក់ពង្រាយទាហានដ៏ច្រើនបំផុតនៅអឺរ៉ុប ពុំធ្លាប់មានចាប់តាំងពី២៥ឆ្នាំមកហើយ ជាមួយការបញ្ជូនទាហាន២០.០០០នាក់់បន្ថែមទៀត ក្នុងក្របខណ្ឌ នៃសមយុទ្ធយោធាមួយនាឆ្នាំខាងមុខនេះ ដើម្បីបង្ហាញពីកម្លាំងយោធារបស់ខ្លូន ប្រឈមមុខជាមួយបណ្ដាសត្រូវដូចជារុស្ស៊ីជាដើម។
ឧត្ដមសេនីយរូបនេះដែលជាមេបញ្ជាការកងទ័ពជើងគោកអាមេរិកនៅអឹរ៉ុប បញ្ជាក់ប្រាប់អ្នកកាសែតមួយក្រុមនៅមន្ទីរប៉ង់តាហ្គោនថា ទាហានអាមេរិកប្រមាណជា៩០០០នាក់មានមូលដ្ឋានរួចហើយនៅអឺរ៉ុប នឹងចូលរួមក្នុងសមយុទ្ធយោធានេះ
ដែលមានឈ្មោះថាDEFENDER-EUROPE 20 ដែលនឹងប្រមូលផ្ដុំកងទាហានសម្ព័ន្ធមិត្តសរុប៣៧.០០០នាក់់នាខែឧសភានិងខែមិថុនាខាងមុខនេះ ក្នុងប្រទេសអឺរ៉ុប១០៕ (កែសម្រួលដោយ ៖ បុប្ផា)
ចែករំលែកព័តមាននេះ