រាជធានីភ្នំពេញ ៖ ជនសង្ស័យម្នាក់ត្រូវបានកម្លាំងសមត្ថកិច្ចប៉ុស្តិ៍នគរបាលទំនប់ទឹកឃាត់ខ្លួនយកទៅសួរនាំ បន្ទាប់ពីឆែកឆេររកឃើញនូវថ្នាំញៀន១កញ្ចប់តូច កាលពីវេលាម៉ោង២និង៣០នាទីឈានចូលថ្ងៃទី៩ ខែធ្នូ ឆ្នាំ២០១៩ នៅចំណុចទល់មុខធនាគារ AMK តាមបណ្តោយផ្លូវ២៧១…
រាជធានីភ្នំពេញ ៖ ជនសង្ស័យម្នាក់ត្រូវបានកម្លាំងសមត្ថកិច្ចប៉ុស្តិ៍នគរបាលទំនប់ទឹកឃាត់ខ្លួនយកទៅសួរនាំ បន្ទាប់ពីឆែកឆេររកឃើញនូវថ្នាំញៀន១កញ្ចប់តូច កាលពីវេលាម៉ោង២និង៣០នាទីឈានចូលថ្ងៃទី៩ ខែធ្នូ ឆ្នាំ២០១៩ នៅចំណុចទល់មុខធនាគារ AMK តាមបណ្តោយផ្លូវ២៧១ សង្កាត់ទំនប់ទឹក ខណ្ឌបឹងកេងកង ។
ជនសង្ស័យម្នាក់ខាងលើឈ្មោះ ប៉ូ វណ្ណៈ ហៅបូ ភេទប្រុស អាយុ៣៥ឆ្នាំ មុខរបររើសអេតចាយ ស្នាក់នៅផ្ទះជួល សង្កាត់បឹងត្របែក ខណ្ឌចំការមន ព្រមទាំងដកហូតថ្នាំប្រភេទក្រាម សថ្លា១កញ្ចប់តូច និងឧបករណ៍ប្រើប្រាស់មួយឈុត និងកង់មួយគ្រឿង ។
តាមប្រភពព័ត៌មានពីសមត្ថកិច្ចបានអោយដឹងថា មុនពេលកើតហេតុ កម្លាំងនគរបាលប៉ុស្តិ៍ ទំនប់ទឹក បានធ្វើការល្បាតក្នុងមូលដ្ឋាន ដើម្បីទប់ស្កាត់បទល្មើសផ្សេងៗ និងការពារសុវត្ថិភាពជូនប្រជាពលរដ្ឋ តាមបណ្ដោយផ្លូវ២៧១ លុះមកដល់ចំណុចខាងលើ ក៏ប្រទះឃើញជនសង្ស័យម្នាក់ខាងលើជាមុខសញ្ញាចាស់ ជិះកង់មួយគ្រឿងមានស្ពាយសាក់កាដូ កំពុងធ្វើដំណើរតាមផ្លូវគួរឲ្យសង្ស័យ ទើបកម្លាំងសមត្ថកិច្ចឃាត់ខ្លួនយកទៅសាកសួរនៅប៉ុស្តិ៍នគរបាលទំនប់ទឹកតែម្តង ។
នៅចំពោះមុខសមត្ថកិច្ច ជនសង្ស័យបានឆ្លើយបដិសេធថា ថ្នាំញៀននោះមិនមែនជារបស់ខ្លួននោះឡើយ ។
ក្រោយពេលកើតហេតុ ដោយសារតែមានវត្ថុតាងជាក់ស្ដែង ហើយជនសង្ស័យជាមុខសញ្ញាចាស់ប្រើប្រាស់គ្រឿងញៀនផងនោះ ទើបសមត្ថកិច្ចបានកសាងសំណុំរឿងបញ្ជូនទៅអធិការខណ្ឌបឹងកេងកងដើម្បីចាត់ការតាមនិតិវិធី ៕ (កែសម្រួលដោយ ៖ ធីតា)
ចែករំលែកព័តមាននេះ