រាជធានីភ្នំពេញ៖ លោកកឹម សុខា នឹងបង្រួបបង្រួមផ្សះផ្សាជាតិ តាមលទ្ធិប្រជាធិបតេយ្យ សេរីពហុបក្សនៅឆ្នាំ២០២០ខាងមុខនេះ ។ នេះបើតាមកូនស្រីរបស់លោក គឺកញ្ញាកឹម មនោវិទ្យា…
រាជធានីភ្នំពេញ៖ លោកកឹម សុខា នឹងបង្រួបបង្រួមផ្សះផ្សាជាតិ តាមលទ្ធិប្រជាធិបតេយ្យ សេរីពហុបក្សនៅឆ្នាំ២០២០ខាងមុខនេះ ។ នេះបើតាមកូនស្រីរបស់លោក គឺកញ្ញាកឹម មនោវិទ្យា ។
កញ្ញា កឹម មនោវិទ្យា បានសរសេលើបណ្តាញសង្គមនៅថ្ងៃទី៤ ធ្នូ ឆ្នាំ២០១៩ថា លោក កឹម សុខាបានបង្រួបបង្រួមខ្មែរលើកទី១នៅឆ្នាំ២០១២ លោកបានជំរុញឱ្យបក្សប្រឆាំងមួយទៀត ទម្លាក់អាវុធលាបពណ៌ដ៏ខៅ្មនិងច្រែះចាប់របស់គេ (បន្ទាប់ពីគេប្រើវាយ លោកជាង៥ឆ្នាំមក) មកព្រមរួបរួមជាមួយបក្សប្រឆាំងរបស់លោក ដែលបង្កើតបានជាបក្សប្រឆាំងរួមដ៏ធំមួយ ។
កញ្ញាបញ្ជាក់ថា ការបង្រួបបង្រួមខ្មែរលើកទី២របស់ឪពុកខ្លួន គឺឆ្នាំ២០២០តទៅមុខ លោកនឹងជំរុញឱ្យមានការផ្សះផ្សាជាតិទ្រង់ទ្រាយធំ ដេាយឈរលើមូលដ្ឋានប្រជាធិបតេយ្យសេរីពហុបក្ស បំបាត់ការលាបពណ៌ចាស់គំរឹលទាំងអស់ បំបាត់ការចាប់ចង វាយប្រហារដែលនាំបញ្ហាវឹកវរដល់ជាតិ លើកកម្ពស់កិត្តយសកម្ពុជាទាំងអស់ គ្នាលើឆាកអន្តរជាតិ ដើម្បីបន្ត និង ពង្រីកទាញយកប្រយេាជន៍ពីប្រទេសជាមិត្តក្នុងការស្តារសង្គមជាតិនិងសេដ្ឋកិច្ចកម្ពុជា ។
យើងទទួលស្គាល់ថា ការបង្រួបបង្រួមជួបផលវិបាកច្រើនណាស់។ កញ្ញាបន្ថែមថាជាឧទាហរណ៍ មុននឹងបានរួមគ្នាឆ្នាំ២០១២ លោកប្រើពេលជាង៥ឆ្នាំ រងគ្រោះសព្វយ៉ាងទាល់តែអាវុធបក្សប្រឆាំងម្ខាងទៀតរិចជិតអស់ ទើបគេងាកមកចរចា ។ ដូច្នេះ ការរួបរួមទ្រង់ទ្រាយធំទៅថ្ងៃមុខ នឹងកាន់តែពិបាកទទួលបានជាងមុនទៀត ប៉ុន្តែវាជាជម្រើសល្អតែមួយគត់ ដែលត្រូវតែព្យាយាមជំរុញឱ្យបាន។
សូមជម្រាបថា ការលើកឡើងរបស់កូនស្រីមេបក្សប្រឆាំងនេះ ខណៈឪពុកខ្លួនត្រូវបានតុលាការសម្រេចបញ្ជូនសំណុំរឿងទៅជំនុំជម្រះនៅពេលខាងមុខនេះ ។ អ្នកនាំពាក្យសាលាដំបូងរាជធានីភ្នំពេញ បានប្រកាសថា ក្រោយពីបានស្រាវជ្រាវនិងស៊ើបអង្កេតចប់សព្វគ្រប់ «ចៅក្រមស៊ើបសួរពិនិត្យឃើញថា មានភស្តុតាងដាក់បន្ទុកគ្រប់គ្រាន់» ដើម្បីកាត់ទោសលោកកឹម សុខា ពីបទ«សន្ទិដ្ឋិភាពជាមួយបរទេស» ។
ចែករំលែកព័តមាននេះ