ខេត្តសៀមរាប ៖ កាលពីព្រឹកថ្ងៃទី២៤ ខែឧសភា ឆ្នាំ២០១៤ លោក ឃឹម ប៊ុន សុង អភិបាលនៃគណៈអភិបាលខេត្តនិងជាប្រធាន គណៈកម្មាធិការគ្រប់គ្រងគ្រោះមហន្តរាយខេត្ត បាននាំយកអំណោយមនុស្សធម៌ទៅចែកជូនដល់ប្រជាពលរដ្ឋក្រីក្រ ដែលធ្វើនៅក្នុងបរិវេណវត្តកំពង់ភ្លុក ចំនួន៧៣០គ្រួសារមកពី៣ភូមិក្នុងឃុំកំពង់ភ្លុក ស្រុកប្រាសាទបាគងខេត្តសៀមរាបនិងមានការចូលរួមពីសំណាក់ឯកឧត្តម លោកជំទាវថ្នាក់ដឹកនាំមកពីមន្ទីរ នានានិងសប្បុរសជននិងអាជ្ញាធរមូលដ្ឋានចូលរួមផងដែរ ។
លោកឃឹម ប៊ុន សុង ក៏បានមានប្រសាសន៍សំណេះសំណាលជាមួយបងប្អូនប្រជាពលរដ្ឋនៅក្នុងឃុំកំពង់ភ្លុងទាំងអស់ថាក្នុងនីតិកាលទី៥នៃ រដ្ឋសភាដែលមាន សម្តេចតេជោហ៊ុន សែន ជានាយករដ្ឋមន្ត្រីក្នុងការសម្រេចនូវសមទ្ធិផលបន្ថែមនៃកិច្ចអភិវឌ្ឍន៍សេដ្ឋកិច្ច, សង្គមសំដៅកាត់បន្ថយភាពក្រីក្រ របស់ប្រជាពលរដ្ឋតាមរយៈជម្រុញឱ្យមានស្ថិរភាពសេដ្ឋកិច្ចជាតិការពង្រឹងសន្តិភាព ស្ថិរភាពនយោបាយនិងបង្កើនកិច្ចសហប្រតិបត្តិការជាតិ អន្តរជាតិផងដែរ ។
ចែករំលែកព័តមាននេះ