ទម្លាប់សន្សំសំចៃ ឬចាយវាយរិះជាទម្លាប់ល្អសម្រាប់មនុស្សគ្រប់រូប តែមិនល្អគ្រប់ស្ថានការទេ ។ មានរបស់មួយចំនួនដែលអ្នកមិនគួររិះលុយលើឡើយ ហើយការសុខចិត្តមិនចំណាយ ឬចំណាយតិចលើវាអាចនឹងបង្កគ្រោះអាសន្នដល់អ្នកនៅថ្ងៃមុខ ។ របស់ដែលអ្នកមិនគួររិះលុយលើទាំងនេះមានដូចជា៖
១. បច្ចេកវិទ្យាសុវត្ថិភាពរថយន្ត ៖
ប្រព័ន្ធការងាររថយន្តផ្សេងៗដែលអ្នកត្រូវតម្លើងថែមដោយខ្លួនឯង គឺពិតជាសំខាន់ណាស់ព្រោះអ្នកមិនអាចមើលឃើញអនាគតកាលបានឡើយ ។ ជម្រើសដ៏ល្អ គឺអ្នកមិនគួររិះលុយច្រើនតាំងពីពេលទិញរថយន្តតែម្តង ឬជ្រើសរើសរថយន្តដែលមានស្តង់ដារសុវត្ថិភាពខ្ពស់ស្រាប់ ។
២. ឡេការពារកំដៅថ្ងៃ ៖
អ្នកអាចរកទិញឡេការពារកំដៅថ្ងៃដែលមានតម្លៃទាបបាន តែអ្នកមិនត្រូវរិះក្នុងការប្រើវាឡើយ ។ អ្នកគួរប្រើវាក្នុងបរិមាណសមរម្យ និងលាបវាសាជាថ្មីប្រសិនបើអ្នកនៅហាលថ្ងៃអស់២ម៉ោងទៅហើយ ។
៣. ថ្នាំលាបជញ្ជាំងខាងក្រៅ និងក្នុងផ្ទះ ៖
ថ្នាំលាបផ្ទះដែលមានតម្លៃមធ្យម ឬទាបមិនអាចទ្រាំទ្រនឹងខ្យល់ និងកំដៅថ្ងៃបានឡើយដែលងាយនឹងធ្វើឲ្យមានការរបកថ្នាំ ឬហើរទឹកថ្នាំជាដើម ។ ដោយហេតុដូចនេះប្រសិនបើអ្នកមិនចង់ចំណាយលើសដើមក្នុងការទិញទឹកថ្នាំមកលាបបន្ថែមទេនោះអ្នកគួរតែវិនិយោគលុយលើទឹកថ្នាំដែលល្អស្រាប់តាំងពីដើម ។
៤. ខ្សែបញ្ចូលថ្មទូរស័ព្ទ៖
បើអ្នកមានទូរស័ព្ទល្អៗ និងថ្លៃៗប្រើនោះអ្នកមិនគួរប្រើខ្សែបញ្ចូលថ្មដែលថោកៗទេ ព្រោះវានឹងបង្កបញ្ហាដល់ទូរស័ព្ទដៃរបស់អ្នក ហើយមានករណីខ្លះទៀតថែមទាំងអាចផ្ទុះឆេះថែមទៀត ។ ការប្រើខ្សែដែលថោកៗមិនល្អមានតែធ្វើឲ្យអ្នកចំណាយកាន់តែច្រើនប៉ុណ្ណោះពេលដែលថ្មទូរស័ព្ទមានបញ្ហាកើតឡើង ៕ កែសម្រួលដោយ ៖ សុឃាក់
ចែករំលែកព័តមាននេះ