ខេត្តកំពង់ឆ្នាំង ៖ រយៈពេលប៉ុន្មានថ្ងៃកន្លងទៅនេះ មានសាធារណៈមតិជាច្រើនលើបណ្ដាញផ្សព្វផ្សាយ និងបណ្ដាញទំនាក់ទំនងសង្គមបានចាប់អារម្មណ៍បញ្ចេញយោបល់ ពាក់ព័ន្ធផែនការបន្លាស់ទីប្រជាពលរដ្ឋរស់នៅផ្ទះបណ្ដែតទឹកឲ្យឡើងរស់នៅលើគោកវិញ ដោយភ្ជាប់ទៅនឹងដី៤០ហិកតា ដែលអាជ្ញាធរខេត្តកំពង់ឆ្នាំងរៀបចំ ក្នុងនោះ មជ្ឈដ្ឋានខ្លះបានចោទប្រកាន់ថា៖…
ខេត្តកំពង់ឆ្នាំង ៖ រយៈពេលប៉ុន្មានថ្ងៃកន្លងទៅនេះ មានសាធារណៈមតិជាច្រើនលើបណ្ដាញផ្សព្វផ្សាយ និងបណ្ដាញទំនាក់ទំនងសង្គមបានចាប់អារម្មណ៍បញ្ចេញយោបល់ ពាក់ព័ន្ធផែនការបន្លាស់ទីប្រជាពលរដ្ឋរស់នៅផ្ទះបណ្ដែតទឹកឲ្យឡើងរស់នៅលើគោកវិញ ដោយភ្ជាប់ទៅនឹងដី៤០ហិកតា ដែលអាជ្ញាធរខេត្តកំពង់ឆ្នាំងរៀបចំ ក្នុងនោះ មជ្ឈដ្ឋានខ្លះបានចោទប្រកាន់ថា៖ រាជរដ្ឋាភិបាលបានកាត់ដីអោយយួន ។
ក្រោយពីមានការលើកឡើងដូចនេះ រដ្ឋបាលខេត្តកំពង់ឆ្នាំង បានចេញសេចក្តីបញ្ជាក់ព័ត៌មាន របស់ខ្លួនដើម្បីបំភ្លឺដល់សាធារណៈមតិ ទាំងជាតិនិងអន្តរជាតិ ស្តីអំពីការបន្លាស់ទីប្រជាពលរដ្ឋ រស់នៅលើផ្ទះបណ្តែតទឹក ឱយឡើងរស់នៅលើគោកវិញ ។ សារព័ត៌មានកោះសន្តិភាព សូមជម្រាបជូនមានខ្លឹមសារដូចខាងក្រោម ៖
អ្នកនាំពាក្យសាលាខេត្តកំពង់ឆ្នាំងមានកិតិ្តយស សូមបញ្ជាក់ជូនព័ត៌មានមួយចំនួនដូចតទៅ ៖ ១-នៅតាមទន្លេសាបក្នុងខេត្តកំពង់ឆ្នាំង កន្លងមកមានប្រជាពលរដ្ឋខ្មែរ-ខ្មែរឥស្លាម និងអន្តោប្រវេសន៍វៀតណាម
រួមទាំងមូលដ្ឋានអាជីវកម្មផ្សេងៗមួយចំនួនផង មានប្រមាណ ៣៨៥១ ខ្នងផ្ទះស្មើនឹងប្រមាណ៤៥៦៣ គ្រួសារ បានរស់នៅលើផ្ទៃទឹកទន្លេសាប ជាប្រភេទផ្ទះបណ្ដែតទឹក នៅក្នុងភូមិសាស្ត្រឃុំសង្កាត់ចំនួន 9 ។
២-យោងតាមស្ដាប់ច្បាប់ស្ដីពីការគ្រប់គ្រងរាជធានី ខេត្ត ក្រុង ខណ្ឌ និងដោយមានការឯកភាពពីថ្នាក់លើក្រុមប្រឹក្សាខេត្ត គណៈអភិបាលខេត្តកំពង់ឆ្នាំង បានដាក់ចេញផែនការរៀបចំ ឲ្យប្រជាពលរដ្ឋកំពុងរស់នៅលើផ្ទះបណ្ដែតទឹកទាំងអស់ បន្លាស់ទីមកតាំងទីលំនៅលើគោកវិញ គិតទាំងប្រជាពលរដ្ឋខ្មែរ -ខ្មែរអ៊ិស្លាម និងជនអន្តោប្រវេសន៍វៀតណាមផងដែរ ។ ក្នុងគោលបំណងថែរក្សាទន្លេសាប ថែរក្សាបរិស្ថានទឹក ថែរក្សាជីវចំរុះ និងធនធានធម្មជាតិ សម្រាប់កូនចៅជំនាន់ក្រោយ។
៣-រដ្ឋបាលខេត្តកំពង់ឆ្នាំង ក៏បានទទួលអនុសាសន៍ដឹកនាំដ៏ខ្ពង់ខ្ពស់ពីរដ្ឋាភិបាល និងក្រសួងមហាផ្ទៃឲ្យចាត់ចែងអនុវត្តផែនការនេះឱ្យបានហ្មត់ចត់ ទាន់ពេលវេលានិងប្រុងប្រយ័ត្នខ្ពស់ ស្របតាមច្បាប់ព្រះរាជាណាចក្រកម្ពុជា និងច្បាប់អន្តរជាតិផងដែរ ព្រមទាំងខិតខំដោះស្រាយសេវារដ្ឋបាល នៅកន្លែងថ្មីជូនប្រជាពលរដ្ឋឲ្យបានល្អ ។
៤-នៅពេលរដ្ឋបាលខេត្តចាប់ផ្ដើមអនុវត្តគម្រោងនេះ លោកស្រី រ៉ូណាស្មីត អ្នករាយការណ៍ពិសេស ទទួលបន្ទុកសិទ្ធិមនុស្ស នៃអង្គការសហប្រជាជាតិ និងក្រុមការងាររបស់លោកស្រី បានអញ្ជើញមកពិនិត្យតាមដាននិងឃ្លាំមើល ដោយយកចិត្តទុកដាក់បំផុត ជាពិសេសពាក់ព័ន្ធជាមួយកិច្ចការការពារសិទ្ធិមនុស្សជាសំខាន់ ។ ក្នុងពេលជួបធ្វើការជាមួយរដ្ឋបាលខេត្តកំពង់ឆ្នាំងលោកស្រី រ៉ូណាស្មីត បានសង្កត់ធ្ងន់ ឲ្យរដ្ឋបាលខេត្ត យកចិត្តទុកដាក់រៀបចំការងារនេះឲ្យបានល្អប្រសើរដូចជារៀបចំហេដ្ឋារចនាសម្ព័ន្ធទឹកស្អាត ភ្លើងអគ្គីសនី សាលារៀន សុខាភិបាលសន្តិសុខ និងគោរពទំនៀមទំលាប់ប្រពៃណី ។
៥-លើកជាសំណួរថា៖ បើមិនឲ្យប្រជាពលរដ្ឋរស់នៅលើផ្ទះបណ្ដែតទឹក ដែលពួកគាត់កំពុងរស់នៅ តើផែនការរដ្ឋបាលខេត្តឲ្យពួកគាត់រស់នៅឯណា ។
ព័ត៌មានបន្ថែមនឹងមានផ្សាយជូនបន្តលើកាសែតកោះសន្តិភាព ។
ចែករំលែកព័តមាននេះ