យោងតាមទីភ្នាក់ងារព័ត៌មានចិនស៊ីនហួថា រថយន្ដ២គ្រឿងត្រូវបានគេបើកទម្លុះចូលក្នុងហ្វូងមនុស្សនៅផ្សារមួយនៃទីក្រុងអ៊ូរុមគី ខេត្ដ XINJIANG ភាគខាងលិចចិន ហើយគេបានគប់គ្រឿងផ្ទុះជាច្រើនចេញពីរថយន្ដទាំង២នោះកាលពីព្រឹកថ្ងៃទី២២ ឧសភា បណ្ដាលឱ្យមនុស្សស្លា.ប់៣១នាក់ និងរបួសជាង៩០នាក់ ។
យោងតាមទីភ្នាក់ងារព័ត៌មានចិនស៊ីនហួថា រថយន្ដ២គ្រឿងត្រូវបានគេបើកទម្លុះចូលក្នុងហ្វូងមនុស្សនៅផ្សារមួយនៃទីក្រុងអ៊ូរុមគី ខេត្ដ XINJIANG ភាគខាងលិចចិន ហើយគេបានគប់គ្រឿងផ្ទុះជាច្រើនចេញពីរថយន្ដទាំង២នោះកាលពីព្រឹកថ្ងៃទី២២ ឧសភា បណ្ដាលឱ្យមនុស្សស្លាប់៣១នាក់ និងរបួសជាង៩០នាក់ ។
យោងតាមស៊ីនហួថា នាវេលាម៉ោង៧និង៥០នាទីម៉ោងក្នុងស្រុក រថយន្ដ២គ្រឿងបានបើកបំបុកចូលហ្វូងមនុស្សក្នុងផ្សារនោះដែលពុំមានដំបូលស្ថិតនៅកណ្ដាលក្រុងអ៊ូរុមគីជិតឧទ្យានប្រជាជន ។ គ្រឿងផ្ទុះទាំងឡាយត្រូវបានពួកអ្នកវាយប្រហារគប់ចេញពីរថយន្ដទាំង២គ្រឿងនោះដែលរថយន្ដមួយគ្រឿងទីបំផុតបានផ្ទុះ ។ សាក្សីម្នាក់និយាយថា បានស្ដាប់ឮការផ្ទុះប្រមាណជា១២លើក ។
នាវេលាព្រឹកម៉ោងដែលគេវាយប្រហារនោះ ជាពេលដែលក្នុងផ្សារមានមនុស្សច្រើនកុះករបំផុត ។ រូបភាពទាំងឡាយថតនៅកន្លែងវាយប្រហារ ហើយបង្ហោះតាមបណ្ដាញសង្គមចិន WEIBO ដែលគេនិយមហៅថា TWITTER ចិនបង្ហាញពីភ្លើងដែលឆេះក្នុងវិថីមួយ និងមានពពកផ្សែងហុយឡើងលើផ្សារដែលឡោមព័ទ្ធដោយប៉ូលិស ។ អ្នកបញ្ជូនសារម្នាក់តាមបណ្ដាញ WEIBO រៀបរាប់ថា មានការផ្ទុះខ្លាំងៗជាច្រើនក្នុងផ្សារនោះនាពេលព្រឹកនៅមុខវិមានវប្បធម៌ ក្រុងអ៊ូរុមគី ។ អណ្ដាតភ្លើង និងពពកផ្សែងខ្មៅបានហុយឡើងលើ ។ រថយន្ដនិងទំនិញទាំងឡាយក្លាយជាចំណីភ្លើង ចំណែកពួកអ្នកលក់បាននាំគ្នារត់យ៉ាងប្រសាចចោលទំនិញពួកគេ ។ បណ្ដាអ្នករបួសត្រូវបានបញ្ជូនទៅកាន់មន្ទីរពេទ្យទាំងឡាយ ។
ប្រធានាធិបតីចិន លោក ស៊ីជីនពីង បានសន្យាពីការដាក់ទណ្ឌកម្មយ៉ាងម៉ឺងម៉ាត់បំផុតប្រឆាំងពួកភេរវករ ហើយនឹងធ្វើការខិតខំប្រឹងប្រែងមិនសំចៃដើម្បីថែរក្សាស្ថិរភាព ក្រោយការវាយប្រហារដោយគ្រឿងផ្ទុះ កាលពីព្រឹកថ្ងៃទី២២ ឧសភា នៅក្រុងអ៊ូរុមគី តំបន់ស្វយ័តអ៊ូយហ្គួរ ខេត្ដ XINJIANG នោះ ។ ក្នុងសេចក្ដីប្រកាសព័ត៌មានមួយ ប្រធានាធិបតីចិន គូសបញ្ជាក់ថា ប៉ូលិសនឹងបង្កើនការល្បាតនិងត្រួតពិនិត្យសន្ដិសុខនៅជិតទីតាំងទាំងឡាយអាចជាគោលដៅវាយប្រហាររបស់ពួកភេរវករ។
លោកស្នើដល់អាជ្ញាធរមូលដ្ឋានដោះស្រាយកិច្ចការនោះឱ្យឆាប់រហ័ស ហើយធ្វើយ៉ាងណាឱ្យបណ្ដាអ្នករបួសទទួលបានការព្យាបាលចាំបាច់ ហើយបញ្ជូនសារចូលរួមមរណទុក្ខជាមួយបណ្ដាគ្រួសារជនរងគ្រោះ ។ លោកអះអាងថា រដ្ឋាភិបាលចិន នឹងបន្ដធ្វើការយ៉ាងដិតដល់ដើម្បីប្រយុទ្ធប្រឆាំងភេរវកម្ម ហើយធ្វើអ្វីៗតាមដែលអាចធ្វើទៅបានដើម្បីថែរក្សាស្ថិរភាពសង្គម ។ ក្រុមការងារដឹកនាំដោយរដ្ឋមន្ដ្រីសន្ដិសុខសាធារណៈលោក GUO SHENGKUN បានទៅកាន់ខេត្ដ XINJIANG ដើម្បីត្រួតពិនិត្យលើការស៊ើបអង្កេត ហើយគ្រប់គ្រងបណ្ដាផលវិបាក៕
ចែករំលែកព័តមាននេះ